Matius 21:15 - Tuntu i mPue ri Basa Taa

¹⁵ Pei re’e kepala-kepala nto pampue pasi tau to mampoguru porenta i Musa, sira mangkita palaong to mampakaipu raya ntau to naika i Yesu etu. Pasi sira mangandonge ngana mayunu sakaboo ri tongonata banua i mPue Allah etu, manganto’o, “Barong tau si’i, Wiyaa i Daud! Ia semo Makole parajanji i mPue Allah!” Wali tempo sira mangangkita pasi mangandonge palaong to etu, sira maja’a rayanya.

Sura Magali Nuntu Ngkatuwu

¹⁵ Paikanya butu nakita waʼa ntadulako ntadu mpanyomba pai waʼa guru agama powia i Yesu ewanceʼe maʼai kajaʼa ndayanya. Majaʼa woʼu raya ntau seʼe madonge waʼa ananggodi meboo-boo natoʼo, “Tuwu Ana i Daudi!” Maʼaimo kojo kajaʼa ndaya ntau seʼe.

Matius 21:15 Referans Kwoze

Matius 21:9

Wali tau boros to njo’u ruyu rataka tau to ri purinya sira sakaboo, sira manganto’o, “Barong tau si’i, Wiyaa i Daud! Ia semo Makole parajanji i mPue Allah! Ia ma’i napokau i mPue! Wali barong Ia! Barong i Pue Allah anu to bae kojo kuasaNya!”

Yohanes 12:19

Wali ojo pangkita nto Yahudi to aliran Parisi tau boros mangampago i Yesu etu, sira manganto’o samba’a pei samba’a, “Gete, taa kojo mawali songka ngkita! Taa mawali kita mampopate yau Ia pasi i Lasarus, apa lo’aja, samparia tau ri lino paka mangalulu yau Ia! Sira taa damangabiaka kita mangika bara kesaa resi Ia.”

Yohanes 11:57

Naka pei sira manganto’o ewa wetu apa kepala-kepala nto pampue pasi to Yahudi to aliran Parisi roomo mamporentangika tau boros. Sira manganto’oka tau boros ane bara re’e tau to mangkita i Yesu, to tao-tao tau etu mampaponsanika sira see sira maya mangansoko Ia.

Yohanes 7:42

Apa tuntu i mPue Allah manganto’o i Kerisitu, Makole parajanji i mPue Allah, Ia wiyaa i Makole Daud. Pasi Ia darapoanaka nja’u kota Betlehem, kota to nakaroo i Daud tempo owi.”

Yohanes 4:1

Wali yako etu to Yahudi to aliran Parisi, sira re’e mangandonge kareba to manganto’o nangi i Yohanes apa i Yesu semo to boro-boros tau to mawali anaguruNya pasi to Ia mangabaptis. Pei kamonsonya si’a i Yesu to mangabaptis tau etu, kami to anaguruNya semo. Wali tempo i Pue Yesu mangansani kareba to nadonge nto Yahudi to aliran Parisi, Ia mangansani sira damasusa resi Ia. See naka Ia mampiyaika propinsi Yudea sindara-ndara pei kami to anaguruNya, pei mawolili muni njo’u propinsi Galilea apa tawa temponya Ia danasoko ntau.

Lukas 22:66

Wali yako etu ojo kaeonya rao samparia tau tu’a nto Yahudi pasi kepala-kepala nto pampue pasi tau to mampoguru porenta i Musa sira siromu apa sira semo to biasa mangabotus tau to mangewa porenta-porenta nto Yahudi. Wali i Yesu rakeni mampotango sira.

Lukas 22:2

Wali tempo etu kepala-kepala nto pampue pasi tau to mampoguru porenta i Musa, sira mangaliwu jaya see sira maya mampopate yau i Yesu. Sira mampobuuka kojo ewa wimba daraika see tau boros taa mangansani apa tau boros etu malagi sira to mampobuuka i Yesu Ia to pantuntu tuntu i mPue Allah. Wali kepala-kepala nto pampue pasi yununya sira mampokeka bara danapoja’a ntau boros ane mampopate yau i Yesu.

Lukas 20:1

Wali re’e seore i Yesu re’e ri raya ntongonata banua i mPue Allah. Ia mampotundeka tau nja’u ria pasi mampakarebaka resi sira kareba matao. Tongo-tongonya Ia mampotunde etu, ma’i kepala-kepala nto pampue pasi tau to mampoguru porenta i mPue Allah pasi tau tu’a nto Yahudi, sira ma’i mangampago Ia.

Markus 11:18

Wali re’e kepala-kepala nto pampue pasi tau to mampoguru porenta i Musa, sira mangandonge mangkonong palaong etu. Pasi sira mangansani samparia tau boros ipu rayanya mangandonge anu to napotundeka i Yesu sira. Wali see naka kepala-kepala nto pampue pasi yununya etu, sira meka rayanya mampobuuka tau boros etu bara tamo damangalulu sira, jamo damangaluluka yau i Yesu. See naka sira mangaliwu jaya mampopate yau Ia.

Matius 27:20

Pei ri rayanya i Pilatus mangabasa sura yako resi indo nu ananya etu, tempo etu kepala-kepala nto pampue pasi tau tu’a nto Yahudi sira re’e manganto’oka tau boros, “Anu kita mamporapika resi i Pilatus see ia mangalapa i Barabas pei mangahuku mate i Yesu.”

Matius 27:1

Wali ojo kaeonya rao samparia kepala nto pampue pasi tau tu’a nto Yahudi sira siromu magombo-gombo mangkonong songka nsira damampopate yau i Yesu.

Matius 26:59

Wali kepala-kepala nto pampue, pasi tau tu’a nto Yahudi pasi songonya to pobotus nto Yahudi, sira mangaliwu matamanasa to taa monso to damampakasala i Yesu see sira maya mampopate yau Ia.

Matius 26:3

Wali tempo i Yesu mampogomboka kami etu, tempo etu kepala-kepala nto pampue pasi tau tu’a nto Yahudi sira nja’umo nja’u banua i ngKayapas. I Kayapas etu ia kepala nto pampue to bae angganya.

Matius 22:42

“Wimba pampobuuka ngkomi mangkonong i Kerisitu, Makole parajanji i mPue Allah? Bara wiyaa i nsema Ia?” Wali sira mangansono, “Wiyaa i Makole Daud.”

Matius 21:23

Wali yako etu i Yesu pasi kami to anaguruNya rata muni nda’a Yerusalem. Roo see i Yesu yau wo’u njo’u banua i mPue Allah panewa Ia masua ri tongonatanya pasi mampotunde tau nja’u ria. Tongo-tongonya Ia mampotunde etu, ma’i bara sawei mba’a kepala-kepala nto pampue pasi tau tu’a nto Yahudi, sira ma’i resi i Yesu. Sira mampotanaka resi Ia, sira manganto’o, “Yako imbare pangarata ngKorom kuasa mangika palaong to nuika ngKorom? Bara sema mangawaika Korom kuasa mangika palaong to etu?”

Matius 9:27

Wali i Yesu polas wo’u yako nja’u ria. Pasi tempo Ia polas etu re’e dua mba’a tau to buta to mangalulu Ia. Tau dua etu sakaboo manganto’oka i Yesu, “O Wiyaa i Makole Daud, porayang kami!”

Matius 20:24

Wali ojo pangandonge mami to sampuyu anu to naporapi ntau we’a etu, kami masusa raya mami resi tau dua sintua’i etu.