Matius 20:34 - Tuntu i mPue ri Basa Taa

³⁴ Wali i Yesu mamporayang sira panewa Ia yau mampotaka mata nsira dua. Wali tau dua etu mansaka mangkita muni rao, panewa sira mangalulu seja i Yesu ri raya mpalinjaNya etu.

Sura Magali Nuntu Ngkatuwu

³⁴ Mapuru raya i Yesu ri tau seʼe nepa ndajama mata ntau seʼe liu-liu yosamo matanya. Nepa nalulu ntau seʼe i Yesu.

Matius 20:34 Referans Kwoze

Palaong mPomakau i mPue Yesu 26:18

Naka pei Aku damampokau korom dayau resi sira see korom damampotundeka sira mangkonong Aku. Apa ane sira mangandonge mangkonong Aku, panewa sira damangansani damangandolika tangonya resi Aku. Pasi ane ewa see sira damawali ewa tau to tempo ruyu tuwu ri raya mburi pei tempo si’i ralepa matanya see maya mangkita reme. Pasi sira daralapa yako ri ara ngkuasa i ngKepala Measa pei damangandolika tangonya resi i Pue Allah. Apa ane ewa see sira tamo danakitanaka i mPue Allah dosanya pasi sira damawali seja tau to Aku puenya apa saba sira mangaya Aku.’ Wali etu semo to nato’oka i mPue aku seore.

1 Petrus 3:8

Wali ri lelenya ri kapuranya to si’i aku re’e to rani manganto’oka komi samparia. Etu semo, masipato komi samba’a pampobuuka ngkomi, pasi mangepe seja kandende ndaya pasi kamawo ndaya to naepe nu yunu ngkomi samba’a pei samba’a. Pasi masipato komi masiporayang ewa tau to moa’i. Pasi masipato seja komi ne’e mabae-bae rayamu. Pasi matao seja komi rani mangansawang tau to ri raya ngkasusa.

Lukas 22:51

Pei i Yesu manganto’o, “Gete, ne’e!” Roo see Ia mampotaka talinga ngkai etu pei mampakatao muni.

Lukas 7:13

Wali tempo i Yesu mangkita tau balu to mate ananya etu, Ia mamporayang kojo ia, see naka Ia manganto’o, “Indo, ne’e tumangi.”

Markus 7:33

Wali i Yesu mangkentar tau to wongo etu, ojo sira dua malinja sangkodi. Tempo etu i Yesu mangajoloka tanujuNya nja’u wayau ntalinga ngkai etu, pasi Ia mayua ngeru panewa mampotakaka nja’u jila ntau etu.

Matius 15:32

Wali yako etu i Yesu mampokio kami to anaguruNya pei manganto’oka kami, to’oNya, “Aku mamporayang kojo tau boros si’i apa togo mbengimo sira sindara-ndara pei Aku, pei si’i-si’i puramo pangkoninya. Wali Aku tawa rani mampokau sira mawolili muni njo’u lipunya ane sira tawa mangkoni apa sira bara damatewula ri jaya. Wali kita damampokoni sira.”

Matius 14:14

Wali ojo kadongka mami ri sambote ndano, i Yesu mana’u yako ri bangka. Roo see Ia mangkita tau boros ma’i mampago Ia. Wali Ia mamporayang sira pasi mampakatao muni sira to masaki.

Matius 9:29

Wali i Yesu mampotaka mata ntau dua etu pei manganto’o, “Powalimo palaong to singkonong pei pangaya ngkomi.”

Matius 8:15

Wali i Yesu mampotaka pale ntau we’a etu panewa ia mansaka roo muni yako wojo. Wali tau we’a etu mambangu pei mampalinggona i Yesu.

Lukas 18:43

Wali tau etu mansaka mangkita muni rao, panewa ia mangalulu seja i Yesu ri raya mpalinjaNya etu. Pasi ri rayanya ia malinja ia mangabaro-barong i Pue Allah. Wali ojo pangkita ntau boros palaong to mawali etu, sira paka mangabarong seja i Pue Allah.

Matius 9:36

Wali boros kojo tau mampago Ia. Pei tempo Ia mangkita tau boros etu, Ia mamporayang kojo sira apa sira ewa domba to tare to pangkampanginya. Sira masusa pasi pura karoso ndayanya apa tare tau to mangararamaka sira.

Ibrani 2:17

Wali i Yesu mawali to pampue to bae anggaNya to mangansawang to lino. See naka Ia taa maya taa mawali seja to lino to sewaju kojo pei kita to pua’iNya. Apa ane Ia mangarata seja samparia to narata ngkita to lino, ane ewa see Ia maya mawali to pampue to mamporayang to lino pasi to maya rasarumaka mangika palaong i mPue Allah. Pasi Ia mawali to pampue to bae anggaNya see Ia maya mampampueka pampue to mampakasanang i Pue Allah see Ia mangalapa dosa ntau to Ia Puenya.

Matius 20:33

Wali sira dua mangansono, “Pue, kami rani matao muni mata mami.”

Matius 21:1

Wali tempo i Yesu pasi kami to anaguruNya mosu ri kota Yerusalem, kami liu mandoo nja’u kampu Betpage ri pu’u nTongku Saitun. Betpage tamo longko yako ri Yerusalem, wali i Yesu mampotuunaka resi dua mba’a tau yako ri oyo mami to anaguruNya,