Matius 20:22 - Tuntu i mPue ri Basa Taa

²² Wali i Yesu manganto’o, “Korom taa mangansani ewa wimba kasulinya palaong to nuporapi ngkorom etu. Apa ri katawanya Aku maporenta, Aku damangarata ruyu kasesa, pasi kasesa to dakurata etu mapari pu’u, raporapaka ewa anu to rainu to mapa’i kojo. (Pasi tau to rani maporenta sindara-ndara pei Aku, tau etu taa maya taa mangarata seja kasesa to ratangKu etu.) Wali wimba, komi dua bara buya rayamu mangarata kasesa etu sindara-ndara pei Aku?” Wali sira dua mangansono, sira manganto’o, “Buya raya mami.”

Sura Magali Nuntu Ngkatuwu

²² Mesono i Yesu ndatoʼoka tau seʼe, “Bareʼe ndiincani nunjaa anu ndiperapi. Ara da ndikoto mampanginu tabo mpanginu ngkapari anu sangaya-ngaya da Kuinu?” Mesono tau seʼe, “Kakoto!”

Matius 20:22 Referans Kwoze

Lukas 22:42

Ia manganto’o, “O Pa’a, ane bara re’e jaya, limba kasusa to dakurata si’i. Pei ne’e raluluka pamporaningKu. Biakamo pamporani ngKomi semo damawali.”

Matius 26:42

Wali ojo karoonya i Yesu mampogomboka i Petrus etu, Ia yau wo’u makai-kai kadua ngkaninya. Ia manganto’o, “O Pa’angKu, ane tare jaya yusa rapangalimba kasesa dakurata si’i, pei taa maya taa Aku damangarata, ane ewa see biakamo pamporani ngkomi semo damawali.”

Yohanes 18:11

Pei i Yesu manganto’oka i Petrus, “Penumpu muni wadamu ri raya nu gumanya! Aku buya rayangKu damangarata kasesa to roomo Pa’angKu mampakatantuka Aku.”

Markus 14:36

Ia manganto’o, “O Baba, Komi semo Pa’angKu! Tare kesaa to taa Nukoto ngKomi mangika. Wali Kuporapika resi Komi see Komi mangalimba kasusa to daKurata si’i. Pei ne’e raluluka pamporaningKu. Biakamo pamporani ngKomi semo damawali.”

Matius 26:39

Wali i Yesu Ia mampiyaika sira togo, Ia yau longko wo’u njo’u sangkodi. Roo see Ia mamo’o yau ri wawo ntana pei makai-kai, Ia manganto’o, “O Pa’angKu, ane bara re’e jaya, limba kasesa to daKurata si’i. Pei ne’e raluluka pamporaningKu. Biakamo pamporani ngKomi semo damawali.”

Roma 8:26

Wali pansarumakanta etu mangansawang kita. Pasi ewa see seja naika i Nosa Mapasing mangansawang kita ri raya ngkayu’u ndaya ngkita. Apa kita taa tansani ewa wimba taika makai-kai resi i Pue Allah, pei i Nosa Mapasing mamponsaruka kita. Wali Ia semo to mamporata pokai-kai ngkita resi i Pue Allah, pasiwa Ia karai-rai seja manganto’o gombo to taa nakurang nto lino manganto’o.

Yakobus 4:3

Pei nempo komi mamporapi resi i Pue Allah, pei komi tiroo taa mangarata apa songka komi, komi rani mangampake ojo mampakasanang pamporani ndaya ngkomi to maja’a.

Lukas 12:50

Pei ri katawanya palaong etu mawali, Aku tiroowa damangarata kasesa to mapari kojo. Kasesa etu dakono juku ri korongKu, see naka maya raporapaka ewa ue to rapangayo’o tau tempo rabaptis. Wali Aku taware kasanang ndayangKu ane tawa roo kasesa etu.

Matius 26:56

Pei samparia palaong to si’i naka pei mawali see tibanang gombo to natulis yami nto pantuntu tuntu i mPue Allah tempo owi.” Wali ojo karoonya i Yesu magombo etu, kami to anaguruNya miyai yau samparia mampiyaika Ia.

Matius 26:35

Wali i Petrus mangansono, “Aku nempo rapopate yau sindara-ndara pei Komi, aku taa kojo damamposapuka Komi.” Wali samparia kami to anaguru i Yesu paka manganto’o seja ewa see.