Matius 20:12 - Tuntu i mPue ri Basa Taa

¹² Sira manganto’oka ia, ‘Gete, tau to purinya masua si’i ojo samba’a jam mapalaong! Pei kami seo mapalaong pasi mandasai mapalaong mansabo eo mapoi. Wali maka pei komi mangawaika sira saro to sewaju pei saro mami?’

Sura Magali Nuntu Ngkatuwu

¹² Natoʼo, ‘Tau anu jela ri puri podo sajaa potetalanya, ndipasiwia saronya pai kami anu motetala muntu-muntu sandeme napaindo-indo ndeme!’

Matius 20:12 Referans Kwoze

Lukas 12:55

Pasi ane ma’i ngoyu yako ri tondo selatan, komi manganto’o, ‘Darata temponya eo mapoi.’ Panewa rata kojo eo mapoi etu.

Yakobus 1:11

Apa tempo eo owo lanto ane malanganimo mapoi kojo, tempo etu kaya mawali malau yau pasi sesenya maranta yau, wali kagayanya roomo maja’a yau. Pasi ewa see seja tau sugi, apa ri rayanya ia mampasilonga kasuginya, kodi majoli ia damate yau.

Epesus 3:6

Wali songka to tamo rawuni etu, songka etu mangkonong tau to si’a to Yahudi sira maya mangarata seja tilanya sindara-ndara pei to Israel. Pasi sira seja mawali samba’a koro pei to Israel pasi mangarata seja anu to naparajanjika i mPue Allah. Naka pei sira mangarata samparia to etu apa sira seja samba’a pei i Kerisitu saba mangaya kareba matao.

1 Korintus 4:11

Rataka ri tempo si’i kami taa gana pangkoni, taa gana anu to rainu pasi pake mami taa seja gana. Kami sangkani rasesai pasi tare tampa to rakaroo.

Roma 3:30

Apa ojo samba’aja i Pue Allah. Ia semo to manganto’o to Yahudi tare dosanya apa saba yako pangaya nsira, pasi Ia seja manganto’o tau to si’a to Yahudi tare dosanya apa saba yako pangaya nsira.

Roma 3:27

Wali kita taa maya mangabarong koronta ngkalio, apa si’a yako palaong ngkita mangalulu porenta i mPue Allah naka pei Ia manganto’o kita tare dosanta. Ojo yako pangaya ngkita semo naka pei Ia manganto’o kita tare dosanta.

Matius 20:11

Wali tempo sira mangarata doi etu, sira sakambumbu mangkambumbuka tau pue nawu etu.