Matius 19:21 - Tuntu i mPue ri Basa Taa

²¹ Wali i Yesu mangansono, Ia manganto’o, “Ane korom rani mawali masilonga kojo, intamo pei pobalu yau samparia kasugimu pei olinya tilaka yau tau to masiasi. Ane ewa wetu nuika ngkorom, korom damangarata kasugi ndate saruga. Pasi ane roomo mangawaika yau samparia etu, mai muni pei lulu Aku.”

Sura Magali Nuntu Ngkatuwu

²¹ Ndatoʼo i Yesu ri siʼa, “Ane da rayamu kojo bareʼemo reʼe kakuranya, palaimo pobalu aga-agamu pura-pura. Olinya tilakamo waʼa ntau kaasi-asi, nepa da nurata aga-aga ri suruga. Roo setu, maʼimo malulu Yaku!”

Matius 19:21 Referans Kwoze

Markus 10:21

Wali i Yesu mangalo’aka resi ngkai etu. Ia mamporayang ia pei manganto’oka wo’u ia, “Jamo sanjaya to tawa nuika, etu semo, intamo pei pobalu yau samparia kasugimu pei olinya tilaka yau tau to masiasi. Ane ewa wetu nuika ngkorom, korom damangarata kasugi ndate saruga. Pasi ane roomo mangawaika yau samparia etu, mai muni pei lulu Aku. Wali nempo darapopate yau saba mangalulu Aku, pei ne’e mandoo mangalulu Aku.”

Lukas 18:22

Wali ojo pangandonge i Yesu gombo ngkai etu, Ia manganto’oka wo’u ia, “Jamo sanjaya to tawa nuika, etu semo, intamo pei pobalu yau samparia kasugimu pei olinya tilaka yau tau to masiasi. Ane ewa wetu nuika ngkorom, korom damangarata kasugi ndate saruga. Pasi ane roomo mangawaika yau samparia etu, mai muni pei lulu Aku.”

Lukas 12:33

Wali pobalu ngaya-ngaya ngkomi pei waika doinya resi tau to masiasi. Panewa poromung kasugi to ndate saruga, apa kasugi to etu maya raporapaka ewa dompet to taa dapura yau bananginya. Pasi ndate ria tare to palima to masua damangoko yau kasugimu pasi taa seja re’e ane to mampakaja’aka yau kasugi etu.

Lukas 14:33

Wali makole etu buya rayanya nempo mangawaika yau samparia anu to re’e resi ia apa re’e to bae wo’u batuanginya resi ia, etu semo makole to yusa masingkatao pei ia. Pasi ane komi to rani mawali anagurungKu, to tao-tao komi seja mampobuu-buuka to imba to bae kojo batuanginya resi komi, bara anu to re’e resi komi, bara mangalulu Aku. Apa tare pasi samba’a komi to maya mawali anagurungKu ane taa buya rayanya mangawaika yau samparia to re’e resi ia.”

Palaong mPomakau i mPue Yesu 2:45

Sira mampobalu yau ngaya-ngayanya panewa doinya etu natilaka yau nsira samparia. I sema to taa gana to napake, ia mangantima yako ri tila nu doi etu.

Yohanes 12:26

Wali tau, nempo to Yahudi pasiwa tau to si’a to Yahudi etu, ane rani mawali to papolaongingKu, tau etu taa maya taa damangalulu Aku see nempo imbare Aku re’e, nja’u seja ia. Wali i sema tau to mawali to papolaongingKu, tau etu dana’angga mPa’angKu.”

Lukas 9:23

Wali roo see, i Yesu manganto’oka wo’u sira, Ia manganto’o, “I sema tau to rani mangaluluka Aku, tau etu taa maya taa mamposaka yau pamporani ndaya to si ia. Wali ponto-ponto eo ia nempo darapopate yau saba mangalulu Aku, ia tiroowa mangaluluka Aku.

Yohanes 10:27

Wali ane domba, sira mangansani loo ntau to mangangkampang pasi ia mangansani sira, see naka sira mangalulu ia. Pasi ewa see seja tau to rato’oka dombangKu, apa tau etu mansarumaka gombongKu, pasi Aku mangansani sira see naka sira mangalulu Aku.

Matius 5:48

Pei komi ngana i mPue Allah, wali to tao-tao lengko ngkatuwu ngkomi matao wo’u pei lengko ntau to taa mangansani Ia etu. Wali see naka masipato komi mamporayang samparia tau sewaju ewa Pa’a ngkomi to ndate saruga Ia mamporayang samparia tau.”

Lukas 16:9

Wali Aku manganto’oka komi, Aku rani komi mawali pande seja mangampake kasugi nu lino si’i. Pake kasugi etu damangansawang sa’e see damawali boros yunumu to mangaya seja. Apa ane ewa see, ane ratamo temponya puramo kasugi ri lino si’i, tempo etu komi darata ri lipu to danukaroos rataka ri singkasaenya. Wali tempo etu komi daratima ri lipu etu ri kasanang ndaya.

Matius 19:28

Wali i Yesu manganto’oka kami, “Aku manganto’oka komi, monso pu’u ane ratamo temponya lino to bou, Aku, Wiyaa nto Lino, damatunda ri wawo gadera to mawali tondong kayawangku pasi kuasangKu. Pasi tempo etu semo komi to mangalulu Aku ri tempo si’i, komi damatunda seja ri wawo gadera to sampuyu pei dua to mawali tondong kuasa ngkomi. Pasi Aku damangawaika komi kuasa damamporentang suku nto Israel to sampuyu pei dua.

Matius 16:24

Wali yako etu i Yesu sira dua i Petrus mawolili muni resi kami panewa i Yesu manganto’oka samparia kami, Ia manganto’o, “I sema tau to rani mangaluluka Aku, tau etu taa maya taa mamposaka yau pamporani ndaya to si ia. Wali ia nempo darapopate yau saba mangalulu Aku, ia tiroowa mangaluluka Aku.

Lukas 6:40

Wali masipato komi mangalulu lengko to si Aku, Guru ngkomi, apa Aku taa kojo mampakasala sa’e. Wali ne’e mampobuuka komi semo to bae-bae anggamu pei Aku, see naka komi maya mampakasala sa’e. Ne’e mampobuuka ewa wetu apa kita mangansani ane anaguru, si’a ia to bae-bae angganya pei gurunya. Pei ane ia roomo maguru samparia to napotundeka nggurunya ia, tempo etu ia damawali sewaju kojo pei gurunya etu.

Lukas 5:27

Wali yako etu i Yesu mako yau pei mangkita samba’a tau to pantagi asele sanganya i Lewi . I Lewi etu matunda mapalaong ri banua biasa napangabayar ntau asele. Wali i Yesu mangansale ia, to’oNya, “Yau lulu Aku damawali anagurungKu.”

Markus 8:34

Wali ojo karoonya etu i Yesu mampokio tau boros pasi anaguruNya to sampuyu pei samba’a etu. Ojo karata nsira resi Ia, Ia manganto’oka sira, “I sema tau to rani mangaluluka Aku, tau etu taa maya taa mamposaka yau pamporani ndaya to si ia. Wali ia nempo rapopate yau saba mangalulu Aku, ia tiroowa mangaluluka Aku.

Matius 9:9

Wali yako etu i Yesu pasi anaguruNya polas yako ri kota etu, sira malinja mbiti. Ri raya mpalinjaNya, i Yesu mangkita aku, i Matius , matunda mapalaong ri banua biasa napangabayar ntau asele, apa tempo etu aku to pantagi asele semo. Wali Yesu mangansale aku, to’oNya, “Yau lulu Aku damawali anagurungKu.” Wali aku mansaka makore pei mayoko mangalulu i Yesu.

Ibrani 10:34

Raya ngkomi bae pamporayang ngkomi mampobuuka yunu ngkomi to ratarungku apa saba sira mangalulu i Pue Yesu. Pasi tempo ngaya-ngaya ngkomi naoko yau ntau, komi ojo mangabiaka pasi ndende raya ngkomi. Naka pei ndende raya ngkomi apa komi mangansani anu to komi puenya to ndate saruga, anu to etu to tao-tao pei ngaya-ngaya to ri lino si’i, pasi anu to ndate saruga etu tare kapuranya.

Markus 2:14

Roo see Ia polas, pei ri raya mpalinjaNya etu Ia mangkita samba’a tau matunda mapalaong ri banua biasa napangabayar ntau asele. Sanga ngkai etu i Lewi. Ia ana i Alpeus. Wali i Yesu mangansale ia, to’oNya, “Yau lulu Aku damawali anagurungKu.” Wali i Lewi makore pei mayoko mangalulu i Yesu.

Matius 8:22

Pei i Yesu manganto’o, “Lulu Aku, pei biakamo tau to taa mangaluluka songkangKu, to raporapaka ewa tau mate, sira semo mampongkeli yunu nsira to matemo.”

Matius 4:19

Wali i Yesu mangansale sira dua, Ia manganto’o, “Yau lulu Aku pei mawali anagurungKu. Apa tempo si’i komi to panjala bau, pei Aku damangawaika komi palaong to bou. Wali si’amo bau to danuliwu ngkomi. Aku damampotundeka komi yau damansale tau see sira damangalulu seja Aku.”

Pomulanya 17:1

Wali yako etu, tempo i Abram sio mpuyumo pei sio nto’unya, tempo etu i Pue Yawe rata wo’u resi ia pei manganto’o, “Aku semo i Pue Allah anu Makuasa kojo, wali ika lengko to singkonong pei Aku, pei ne’e mangika lengko to masipato rapakasala.

Pomulanya 6:9

Wali si’i semo sarita i Nuh. I Nuh etu, ia togo ananya paka langkai, sanga nu ananya etu i Sem, i Yapet pasi i Ham. Wali ri tempo etu, yako kasamparianya tau to tuwu ri lino, ojo i Nuh semo to lengkonya singkonong pei i Pue Allah, pasi tare lengkonya to masipato rapakasala. Pasi ia tuwu masingkatao pei i Pue Allah.

Matius 19:20

Wali ngkai to damangurawa etu manganto’o, “Samparia porenta etu aku mangalengkoka. Wali kesaa wo’u to dakuika?”

Matius 19:22

Pei ojo pangandonge ngkai damangurawa gombo i Yesu etu, ia mawo kojo rayanya mawolili muni apa ia bae kojo kasuginya pasi ia mamporayang kasuginya etu.