Matius 16:3 - Tuntu i mPue ri Basa Taa

^3-4 Pasi ane yau wuro komi manganto’o, ‘Kita damangarata uja upu sire apa makuni yangi pasi boros limu.’ Wali ane komi mangkita anu to mawali ri yangi, komi mangansani yami ewa wimba rao to damawali. Pei tempo komi mangkita palaong to inikangKu to mawali seja tondong resi komi ri tempo si’i, komi taa kojo mangansani batuanginya. Gete, tau to tuwu ri tempo si’i maja’a kojo pasi roomo mampiyaika yau i Pue Allah. Ojo gombo ngkomi to manoto. Komi mamporapika palaong to damawali tondong resi komi, pei tare tondong to darapapokitaka resi komi kasimbalinya yako palaong to mawali resi i Yunus tempo owi.” Wali ojo karoonya i Yesu manganto’oka sira gombo etu, Ia mampiyaika sira pei mayoko yako ri lipu etu.

Sura Magali Nuntu Ngkatuwu

³ Pai ane mowuro-wuro, da nditoʼo, ‘Ri eo seʼi da uja, maka yangi mawaa pai moʼu-moʼu.’ Mewali, ndikoto mampepontuka katedikanaka ndaoa ua mampeole potaʼa yangi, paikanya waʼa mpetondoni ntempo bareʼe ndikoto mampepontuka.”]

Matius 16:3 Referans Kwoze

Lukas 12:56

Gete komi to ojo gombomu manoto! Ojo anu to taa bae kojo batuanginya ewa rao, ojo to etu to mawali bae batuanginya resi komi. Wali ane komi mangansani mampasisala tondong to mawali ri yangi pasi ri lino ane mangkonong rao, maka pei komi taa mangansani batuanginya tondong to napapokitaka i mPue Allah komi mangkonong Aku? Tondong to etu to bae-bae batuanginya pei rao.

Lukas 13:15

Pei i Pue mangansono, Ia manganto’o, “Gete korom, ojo gombomu manoto! Tare pasi samba’a komi to taa mapalaong ri Eo Rapandoo! Apa komi mangalede yau taka nu sapi bara keledai ngkomi ri Eo Rapandoo pei mangkeni rapoinu.

Matius 11:5

To’oka ia tau to buta rapakatao muni matanya see mangkita muni rao. Pasi tau sampungku rapakatao muni witinya see maya malinja. Pasi tau to masaki malobo rapakatao muni yako ri panyaki etu. Pasi tau to wongo rapakatao muni talinganya see mangandonge muni rao. Pasi tau mate rawangu muni yako ri kapatenya. Pasi tau to masiasi rapakarebaka kareba to matao.

Lukas 11:44

“Kasesa danurata ngkomi, apa raya ngkomi maja’a pei komi mampoanika tau to matao, see naka sa’e mangalulu komi. Pei sira taa mangansani raya ngkomi maja’a, wali apa saba mangalulu komi, see naka taa masae raya nsira mawali seja maja’a. Wali komi raporapaka ewa dayo to taa ratondong. Apa ane dayo to taa ratondong etu, tau taa mangansani bara dayo to nja’u ria, see naka sira malinja ri wawonya pei mawali madosa ane ewa ada ngkita. Wali ewa see seja komi, apa saba palaong ngkomi see naka sa’e mawali madosa, wali masipato kojo komi damangarata kasesa.”

Matius 23:13

Wali yako etu i Yesu manganto’o wo’u, to’oNya, “Ojo kasesa danurata ngkomi to mampoguru porenta i Musa pasi komi to aliran Parisi. Komi ojo gombomu to manoto! Apa komi mangaba’a jaya see tau taa maya mawali tau to Makolenya i Pue Allah. Komi taa rani mawali tau to Ia Makolenya, pasi komi mangamparas sa’e to rani mawali tauNya.

Matius 22:18

Pei i Yesu mangansani songka nsira to maja’a, wali see naka Ia manganto’o, “O komi to ojo gombomu manoto! Maka pei komi ojo rani mangakal Aku?

Matius 15:7

O komi to ojo gombomu manoto! Kono kojo gombo i Yesaya tempo ia manganto’o yami mangkonong komi, to’onya,

Matius 7:5

O komi to ojo gombomu manoto, yali yau ruyu tinja yako ri raya nu matamu panewa roo see komi bara mayoasimo mangkita see maya mangayali yau yoba ngkaju yako ri mata nu yunumu.”

Matius 4:23

Wali yako etu i Yesu mangalinjak propinsi Galilea. Ia mampotunde nja’u banua-banua to napampotunde nto Yahudi, pasi Ia mampakarebaka resi samparia tau kareba matao mangkonong ewa wimba i Pue Allah damawali Makole nto lino. Pasi Ia mampakatao muni tau boros nempo panyaki kesaa to re’e resi sira.

Ibrani 5:14

Pei pangkoni to mako’o danakoni ntau to bosemo. Wali tau to raporapaka ewa tau bose, etu semo tau to mampobiasaka mampobuuka see mangansani mampasisala anu to matao pasi anu to maja’a.