Matius 16:16 - Tuntu i mPue ri Basa Taa

¹⁶ Wali i Simon Petrus mangansono, to’onya “Komi semo i Kerisitu, Ana i Allah to tuwu singkasaenya.”

Sura Magali Nuntu Ngkatuwu

¹⁶ Mesono i Simo Peturu natoʼo, “Komi inceʼemo Mokole Tadungkadago, Ana i mPue Ala Anu Tuwu.”

Matius 16:16 Referans Kwoze

Matius 14:33

Wali kami to anaguru i Yesu to re’e seja ri raya bangka etu, kami mampue mampakabae Ia, kami manganto’o, “Monso pu’u Komi ana i mPue Allah.”

Yohanes 11:27

Wali i Marta manganto’o, “Iya Pue, aku mangaya Komi semo i Kerisitu, Ana i mPue Allah, to naparajanjika i mPue Allah dama’i ri lino si’i.”

1 Yohanes 4:15

Wali i sema-sema tau to mampatimonso i Yesu Ia semo Ana i mPue Allah, tau etu re'e i Pue Allah maroo masingkatao pei ia. Pasi ia maroo masingkatao pei i Pue Allah.

Matius 27:54

Wali kepala ntentara to mangkepalang tentara to satu kaborosinya pasi joanya to mangajagai i Yesu, sira mangepe lengko tana pasi samparia palaong to yusa to mawali tempo etu, wali sira meka kojo rayanya, sira manganto’o, “Monso pu’u tau si’i Ana i mPue Allah!”

1 Timotius 4:10

Kita re’e mansarumaka i Pue Allah anu to tuwu. Ia semo to Pansompo ntau samparia, taa manto’o tau to mangaya. Wali etu semo sabanya naka pei kita madota kojo mangika palaong i mPue.

Palaong mPomakau i mPue Yesu 9:20

Pasi ia mansaka yau ri banua-banua to napampotunde nto Yahudi, panewa ia mampakarebaka tau nja’u ria mangkonong i Yesu, Ia semo ana i mPue Allah.

1 Tesalonika 1:9

Apa samparia tau etu, sira semo to mangansaritaka sa’e mangkonong ewa wimba nuika ngkomi mangantima kami seore. Pasi sira mangansarita mangkonong ewa wimba nuika ngkomi to Tesalonika mangandolika tangomu yako mampue tau-tau damampue wo’u mampakabae i Allah to tuwu pasi to monso.

Matius 26:63

Pei i Yesu Ia ojo maroti. Wali i Kayapas manganto’oka wo’u Ia, to’onya, “Korom mangansani i Pue Allah anu tuwu, Ia re’e mangandonge gomboMu si’i-si’i. Wali see naka ne’e mawuti, pei to’oka kami ane monso pu’u Korom i Kerisitu, Makole parajanji i mPue Allah, Ana i mPue Allah semo, bara si’a.”

Ibrani 10:31

Wali bae kojo kameka ndaya ntau to mangarata huku yako resi i Allah to tuwu.

Markus 14:61

Pei i Yesu Ia taa mangansono. Ia ojo maroti. Wali i Kayapas mampotanaka wo’u resi Ia, to’onya, “Wimba, Korom semo i Kerisitu, Makole parajanji i mPue Allah, Ana i mPue Allah anu rabarong, bara si’a?”

Yohanes 20:31

Pei palaong to re’e ratulis, naka pei ratulis see komi maya mangaya i Yesu Ia Ana i mPue Allah, pasi Ia semo i Kerisitu, Makole parajanji i mPue Allah. Panewa yako pangayamu etu, see naka komi maya mangarata katuwu apa saba komi Ia puenya.

Yohanes 1:49

Wali i Natanael ipu kojo rayanya mangandonge gombo i Yesu etu apa tempo ia ri ara kaju ara etu, tempo etu i Yesu taa nja’u nja’u ria. Wali see naka ia manganto’o, “Pa’a Guru, monso pu’u Komi Ana i mPue Allah! Komi Makole mami to Israel!”

Ibrani 12:22

Wali ewa wetu tempo to Israel mampotango tongku Sinai tempo owi. Pei si’a ewa wetu resi kita to tempo si’i. Kita taa mampotango tongku to ewa wetu. Ane ri pangkita i mPue Allah kita roomo mampotango anu to rato’oka tongku Sion, kota to nakaroo i Allah to tuwu, etu semo Yerusalem to ndate saruga. Pasi kita roomo simparata pei pomakau i mPue Allah to taa nakoto ntau mangabilang kaborosinya. Pomakau etu siromu ri kandende ndayanya.

1 Timotius 3:15

see ane re’e to mangantalas aku, korom nunsani yami ewa wimba lengko ngkatuwu to masipato napolengkoka ntau to Pa’anya i Pue Allah. Wali kita to mangaya, kita semo tau i mPue Allah anu to tuwu. Pasi kita semo to mampotundeka pasi mampoewaka anu to monso mangkonong i Pue Allah ewa nika ntinja pasi tundasi mangkongko pasi mampakaroso banua.

1 Yohanes 5:20

Pasi kita tansani seja Ana i mPue Allah nama'imo. Pasi Ia roomo mampakanasaka kita see naka kita maya mangansani i Pue Allah to monso. Wali kita roomo mawali samba'a resi i Pue Allah to monso etu apa kita samba'a pei AnaNya, i Yesu Kerisitu. Ia semo i Allah to monso pasi Ia semo pu'u ngkatuwu to singkasaenya. Wali see naka masipato kita tuwu masingkatao pei Ia.

2 Korintus 6:16

Wali wimba, bara masipato ane tau to mangaya i Kerisitu pei mampue tau-tau? Gete, taa! Apa koro ngkita roomo mawali banua to nakaroo i mPue Allah to tuwu, wali taa kojo masipato mangampake banua i mPue Allah mampue resi tau-tau! Wali palaong etu singkonong pei gombo i mPue Allah to ratulis ri raya ntuntuNya, to manganto’o, “Aku damaroo ri raya nsira pasi datuwu masingkatao pei sira. Aku damawali Allah nsira pasi sira damawali taungKu.” (Yehezkiel 37:27)

2 Korintus 3:3

Wali komi ewa sura to nato’oka i ngKerisitu kami mangantulis. Pasi i Nosa i mPue Allah anu tuwu, Ia ewa tinta to rapake mangantulis sura etu. Pasi sura etu si’a ratulis ri woto mbatu ewa naika i mPue Allah tempo Ia mangawaika i Musa porentaNya. Sura etu ratulis ri raya ntau.

Palaong mPomakau i mPue Yesu 14:15

“Gete komi! Maka pei komi mangika palaong si’i? Kami si’i ojo to lino seja sewaju pei komi. Naka pei kami ma’i resi komi ma’i mangangkenika komi kareba matao, see komi maya mangandolika tangomu yako ri pue to tare batuanginya si’i pei maya mampue mampakabae i Pue Allah anu to tuwu. Etu semo i Pue Allah anu nampapowali yangi, lino, tasi, pasi samparia bananginya.

Matius 4:3

Wali yako etu rata i panggoda resi Ia. Panggoda etu manganto’oka Ia, “Ane monso pu’u Komi Ana i mPue Allah, to’oka watu si’i, ‘Powali yau roti.’”

Palaong mPomakau i mPue Yesu 8:36

Panewa yako etu, ri raya mpalinja nsira ri jaya etu, sira rata ri tampa to nja’u ue. Wali to Etiopia etu ia mangkita ue wali ia manganto’oka i Pilipus, to’onya, “Lo’aja etu ue. Wimba, bara re’e sabanya naka pei aku taa maya rabaptis?”

Yohanes 6:69

Wali kami mangayamo pasi kami mangansanimo Komi semo i Kerisitu, Ana i mPue Allah to tuwu.”

Matius 1:16

pasi Yusup ia ana i Yakub. Wali i Yusup etu, ia semo rongo i Maria. Wali i Maria ia semo to mampoanaka i Yesu anu to rato’oka i Kerisitu, Makole parajanji i mPue Allah.

Matius 16:15

Pei i Yesu mampotanaka wo’u resi kami, “Pei ane ewa panto’o ngkomi, sema Aku si’i?”

Lukas 2:11

Apa seo si’i nja’u Betlehem, kota to nakaroo i Makole Daud tempo owi, rapoanakamo to Pansompo ngkomi. Ia i Kerisitu, Makole parajanji i mPue Allah, i Pue semo.

Yohanes 6:57

Wali Pa’angKu to nampokau Aku, Ia semo pu’u ngkatuwu, see naka Aku re’e katuwu. Pasi ewa see seja tau to mangkoni Aku, ia re’e seja katuwu apa Aku damangawaika ia katuwu to singkasaenya.

Yohanes 6:68

Wali i Simon Petrus mangansono, to’onya, “Pue, tare batuanginya kami mangaluluka tau to yusa. Apa ojo Komi semo to re’e kareba to mangawai katuwu to singkasaenya.

2 Korintus 1:19

Wali naka pei kami tare mangawutis komi apa saba kami mangalulu lengko i Yesu Kerisitu, Ana i mPue Allah, to roomo napakarebaka mami togo i Silas pei i Timotius resi komi. I Yesu Kerisitu Ia masipato rasarumaka apa Ia taa seja mangika parajanji to Ia taa damangabanang. Samparia gombo to si Ia paka monso pasi Ia sangkani mangika ewa wimba to Ia roomo manganto’o.

Ibrani 3:12

Wali a’i-a’i, pakatao kojo see tare komi to rayamu maja’a saba taa mangaya. Apa ane tau to ewa wetu, ia damangandolika tangonya yako resi i Allah to tuwu.

Ibrani 9:14

Wali ane raa nu binatang mampakayongo koro ntau etu, bae wo’u batuanginya raa i ngKerisitu, apa raa etu mampakayongo raya ngkita. Apa yako kuasa i Nosa to tuwu singkasaenya, i Kerisitu mampampueka koroNya resi i Pue Allah ewa pampue to masilonga kojo. Wali raaNya mampakayongo raya ngkita yako palaong to tare batuanginya see kita maya mangika palaong to masipato raika mampue mampakabae i Allah to tuwu.

Pangkita 7:2

Panewa roo see aku mangkita wo’u samba’a pomakau i mPue Allah ia masuwu yako ri tondo mata nu eo. Ia mangkeni tondong yako resi i Pue Allah, tondong etu rapake mangantondong tau to i Pue Allah Puenya. Wali pomakau to samba’a etu ia maroso loonya kaboo mangampokio pomakau to opo mba’a to rawaika kuasa mampakaja’aka yau lino pasi tasi.

Palaong mPomakau i mPue Yesu 8:37

Wali i Pilipus manganto’o, “Ane komi monso pu’u mangaya i Pue Yesu, komi maya rabaptis.” Panewa to Etiopia etu manganto’o, “Kuaya i Yesu Kerisitu Ia semo Ana i mPue Allah.”