Matius 16:13 - Tuntu i mPue ri Basa Taa

¹³ Wali yako etu i Yesu pasi kami to anaguruNya yau njo’u lipu to ri awe ngkota Kaisarea Pilipi. Rata nja’u ria i Yesu mampotanaka resi kami, Ia manganto’o, “Aku, Wiyaa nto Lino, ane ewa panto’o ntau, sema Aku?”

Sura Magali Nuntu Ngkatuwu

¹³ I Yesu njoʼu ri tana anu mosu ri lipu Kaisaria Pilipi. Njairia Sira meoasi ri waʼa anaguru-A ndatoʼo, “Malulu pantoʼo ntau isema i Ana Manusia?”

Matius 16:13 Referans Kwoze

Yohanes 5:27

Pasi apa saba Aku semo Wiyaa nto Lino, see naka Ia mangawaika seja Aku kuasa damangabotus to lino.

Matius 9:6

Wali Aku semo to rapokau yako ndate saruga danapoanaka nto lino see maya rato’oka Wiyaa nto Lino. Wali monso pu’u Aku re’e kuasa ri lino damangalapas dosa ntau. Pasi palaong to maya mampakanasaka komi kuasangKu etu, etu semo Aku damampakatao muni ngkai si’i.” Wali yako etu i Yesu manganto’oka ngkai malulu koronya, “Pakore pei okotaka lima-limamu pei pawolili muni ri banuamu.”

Matius 13:37

Wali i Yesu manganto’o, “To panawu to mangansawu pae to matao, tau etu Aku, Wiyaa nto Lino.

Matius 12:8

Apa Aku, Wiyaa nto Lino, Aku semo to re’e kuasa manganto’o kesaa to masipato daraika ri Eo Rapandoo.”

Matius 8:20

Wali i Yesu manganto’oka ia, “Ane asu maila, re’e wayau mbatu to nakaroo nsira, pasi ane tonsi, ia re’e seanya. Pei ane Aku, Wiyaa nto Lino, tare tampa to Akuja puenya daKukayore. Wali Aku mangepe korom bara taa nukurang mangalulu Aku apa taa todo.” Ewa wetu naika i Yesu mangansono tau to mampoguru porenta i Musa etu.

Palaong mPomakau i mPue Yesu 10:38

Wali komi mangansani mangkonong i Yesu to Nasaret. I Pue Allah mangampilis Ia pasi mangawaika Ia i Nosa Mapasing pasi mangawaika seja Ia kuasa. Wali i Yesu etu mangalinjak tana Israel pasi imba nakanjo’u Ia mangika palaong to matao, pasi Ia mampakatao muni samparia tau to nakuasang i maja’a. Samparia to nikaNya etu Ia nangika apa i Pue Allah re’e resi Ia.

Palaong mPomakau i mPue Yesu 7:56

Wali ia manganto’o, “Lo’a! Aku mangkita yangi tiloka pasi aku mangkita seja Wiyaa nto Lino makore ri tondo ngkana i mPue Allah.”

Yohanes 12:34

Wali tau boros etu bata-bata raya nsira apa sira mampobuuka i Yesu Ia semo Makole parajanji i mPue Allah. See naka sira manganto’oka Ia, “Porenta ngkita re’e to ratulis to manganto’o i Kerisitu, Makole parajanji i mPue Allah, Ia datuwu singkasaenya. Pei Komi manganto’o Komi, Wiyaa nto Lino, taa maya taa rapaku pei raokotaka ri kaju pasape. Wali ane Komi darapopate yau, ane ewa see wimba, bara tau to yusa wo’u to mawali Wiyaa nto Lino?”

Markus 10:45

Matao komi sewaju ewa Aku, Wiyaa nto Lino. Aku ma’i si’a ma’i danasawang ntau, Aku ma’i damangansawang tau pasi damangkapateka tau boros damangansompo dosa nsira.”

Markus 8:38

Wali tempo si’i re’e tau to tuwu to room mampiyaika yau i Pue Allah pei mangaluluka wo’u pue to yusa. Tau etu madosa kojo. Wali komi ne’e mea mangaluluka Aku ri tango ntau madosa etu. Apa tempo to darata, Aku, Wiyaa nto Lino, dama’i muni ri lino si’i sindara-ndara pei pomakau to i Pue Allah puenya. Tempo etu kuasa pasi kayawangKu sewaju pei kuasa pasi kayawa mPa’angKu. Wali i sema tau to mea mangaluluka Aku pasi gombongKu ri tango ntau to madosa tempo si’i, Aku damea seja mangampongakung tau etu Aku puenya tempo Aku dama’i etu.”

Matius 25:31

Wali yako etu i Yesu manganto’o wo’u, “Wali Aku, Wiyaa nto Lino, dama’i ri raya ngkayawangKu pasi samparia pomakaungKu yako ndate saruga, sira dama’i sindara-ndara pei Aku. Wali tempo Aku dama’i etu, Aku damangabotus to lino, see naka Aku damatunda ri gadera to tondong kuasangKu pasi kayawangKu.

Matius 15:21

Wali yako etu i Yesu pasi kami to anaguruNya mayoko yako ri Genesaret yau njo’u lipu-lipu to ri awe ngkota Tirus pasi Sidon.

Matius 13:41

Tempo etu Aku, Wiyaa nto Lino, damampokau pomakaungKu yako ri saruga yau damampasiromunaka samparia tau to mangakal sa’e naka pei sira mangika dosa, pasi samparia tau to yusa to mangika palaong to maja’a. Wali tau to etu darakeni yau yako ri oyo ntau to Aku Makolenya.

Matius 12:32

Pasi tau to magombo mangewa Aku, Wiyaa nto Lino, tau etu tiroo ralapas dosanya etu. Pei ane tau to magombo mangewa i Nosa Mapasing, tau etu taa daralapas dosanya etu ri tempo si’i, pasi taa seja daralapas ri tempo to darata.” Wali ewa wetu gombo i Yesu manganseko tau to aliran Parisi apa sira manganto’o Ia mangampake kuasa i ngKepala Measa mangarubak measa.

Yohanes 3:14

Wali palaong to damawali resi Aku ewa palaong to mawali resi ule tambaga to naika i Musa nja’u pada bone tempo owi. Ule tambaga etu naposaka i Musa ri sampole kaju panewa inokotakanya ri tango ntau boros see tau to mangalo’aka maya rapalaes. Wali ewa wetu seja damawali resi Aku, Wiyaa nto Lino. Apa Aku taa maya taa darapaku ri kaju pei raokotaka seja ri tango ntau boros.

Yohanes 1:51

Roo see i Yesu manganto’oka wo’u sira samparia, “Aku manganto’oka komi, monso pu’u komi damangkita yangi tiloka. Pasi komi damangkita pomakau i mPue Allah, sira nto’u-ma’i nto’u-ma’i yau nto’u saruga pei mawolili muni resi Aku, Wiyaa nto Lino.”

Matius 12:40

Apa i Yunus etu, ia togo mbengi kasaenya maroo ri raya ngkompo nu bau to bae kojo, roo see ia ralua yau munimo. Wali ewa see seja Aku, Wiyaa nto Lino damaroo ri raya ntana togo mbengi kasaenya panewa Aku darawangu muni yako ri kapatengKu. Wali palaong to etu semo to damawali tondong to damampakanasaka komi kuasangKu monso pu’u yako resi i Pue Allah. Pei Aku taa damangikaka komi tondong to yusa.

Matius 16:27

Wali lulu Aku apa Aku, Wiyaa nto Lino, Aku dama’i sindara-ndara pei pomakaungKu yako ri saruga. Tempo etu kuasa pasi kayawangKu sewaju pei kuasa pasi kayawa mPa’angKu. Pasi tempo Aku dama’i etu Aku damangawaika samparia tau ntanapa to singkonong pei palaong to naika nsira samba’a pei samba’a.

Matius 16:28

Wali Aku manganto’oka komi, monso pu’u re’e tau ri oyo ngkomi to damangkita Aku, Wiyaa nto Lino, ma’i mawali Makole ri lino si’i ri katawanya sira mate yau.”