Matius 15:11 - Tuntu i mPue ri Basa Taa

¹¹ Apa tau nempo magege palenya tempo mangkoni, si’a palaong to etu mampakarikasika rayanya ri pangkita i mPue Allah. Apa si’a anu to masua ri raya ntau to mampakarikasika rayanya ri pangkita i mPue Allah. Pei gombo to masuwu yako ri nganga ntau etu, etu semo to mampakarikasika rayanya.”

Sura Magali Nuntu Ngkatuwu

¹¹ Anu mesua ri nganga inceʼe bareʼe mampakakarika tau, paikanya anu mesuwu ungka ri nganga ntau inceʼe anu mampakakarika tau.”

Matius 15:11 Referans Kwoze

Markus 7:15

Apa tau nempo magege palenya tempo mangkoni, si’a palaong to etu mampakarikasika rayanya ri pangkita i mPue Allah. Apa si’a anu to masua ri raya ntau to mampakarikasika rayanya ri pangkita i mPue Allah. Pei lengko pasi gombo to masuwu yako ri raya ntau etu, etu semo to mampakarikasika rayanya.

Roma 14:17

Apa tempo i Pue Allah mawali Makole ngkita, tempo etu si’a porenta mangkonong pangkoni pasi mangkonong anu to rainu to bae batuanginya. To bae batuanginya etu semo kita nato’o i mPue Allah tare dosanta, pasi kita masingkatao pei sa’e, pasi kita bae kandende ndaya to nawaika i Nosa Mapasing kita.

Roma 14:20

Ne’e kita mampakaja’aka yau palaong i mPue Allah apa saba kita mangkoni anu to nato’oka nsa’e taa matao rakoni. Kamonsonya samparia ngaya mpangkoni paka matao rakoni. Pei taa matao kita mangkoni ane damawali dosa resi sa’e.

Ibrani 13:9

Wali ne’e mangalulu yau anu to yusa to mpangaya-ngaya to napotunde ntau, naka ne’e darakeni yau yako ri jaya to monso. Rapanya tau etu mampotundeka komi mangkonong mangkoni pangkoni to roomo rapampueka resi i Pue Allah. Ne’e mangalulu gombo ntau etu apa si’a pangkoni etu to mampakaroso raya ngkita, kanoto i mPue Allah semo to mampakaroso rayanta. Wali nempo mangkoni pangkoni etu, tare batuanginya apa si’a to etu to mangansawang kita.

Roma 14:14

Wali aku kunsani kojo tare pangkoni to mampakarikasika kita ri pangkita i mPue Allah, apa room i Pue Yesu mampakanasaka aku. Pei tau to mampobuuka re’e pangkoni to mampakarikasika kita ri pangkita i mPue Allah, wali ane ia mampobuuka ewa see, monso pu’u i Pue Allah taa rani ia mangkoni pangkoni etu.

Titus 1:15

Kamonsonya ane tau to roomo napakayongongika i mPue Allah rayanya, ane tau etu tare bara kesaa to maya mampakarikasika rayanya. Pei ane tau to taa napakayongongika i mPue Allah rayanya, etu semo tau to taa mangaya, ane tau to etu samparia paka makarika resi ia apa pampobuukanya pasi rayanya makarika.

Matius 15:10

Wali yako etu i Yesu mampokio wo’u tau boros pei manganto’oka sira, to’oNya, “Padongeka kojo pasi pobatuangika gombongKu si’i.

Matius 15:12

Wali ojo karoonya i Yesu manganto’o gombo etu, kami to anaguruNya yau resi Ia pei manganto’o, “To Yahudi to aliran Parisi, sira kodi rayanya apa saba gombo to nuto’o ngkomi etu.”

1 Timotius 4:3

Sira manganto’oka tau, “Taa maya marongo.” Pasi sira mamporentangika seja tau, sira manganto’o, “Ne’e mangkoni pangkoni to rapomalika.” Pei kamonsonya, pangkoni to etu napapowali i mPue Allah darakoni. Wali kita to mangaya pasi to mangansani anu to monso, kita maya mangkoni pangkoni to etu pei manganto’oka i Pue Allah tarima matao.