Biblia Todo Logo
Bib sou entènèt

- Piblisite -




Matius 13:44 - Tuntu i mPue ri Basa Taa

44 “Wali mangkonong i Pue Allah mawali Makole nto lino, palaong etu raporapaka ewa kasugi to rawuni nja’u nawu. Wali re’e tau to malinja liu ri nawu etu pei mangarata kasugi to rawuni etu. Wali ndende kojo tau etu see naka ia mangawuni yau muni kasugi to ratanya etu pei yau mangampobalu samparia ngaya-ngayanya see damangarata doi. Roo see ia yau mangoli nawu etu see kasugi to rawuni reria damawali seja ia puenya apa bae kojo batuanginya kasugi etu.

Gade chapit la Kopi

Sura Magali Nuntu Ngkatuwu

44 “Ane i Pue Ala da moparenta, katedikanakanya ewa porapa seʼi: Reʼe aga-aga anu tesambuni ri raya ntana, nepa narata ntau sambaʼa, nepa nawali ntana muni njairia. Roo setu nakeni ngkawongko ndayanya, malai tau setu njoʼu napobalu aga-aganya pura-pura, nepa mewalili siʼa naoli tana setu.”

Gade chapit la Kopi




Matius 13:44
29 Referans Kwoze  

Wali makole etu buya rayanya nempo mangawaika yau samparia anu to re’e resi ia apa re’e to bae wo’u batuanginya resi ia, etu semo makole to yusa masingkatao pei ia. Pasi ane komi to rani mawali anagurungKu, to tao-tao komi seja mampobuu-buuka to imba to bae kojo batuanginya resi komi, bara anu to re’e resi komi, bara mangalulu Aku. Apa tare pasi samba’a komi to maya mawali anagurungKu ane taa buya rayanya mangawaika yau samparia to re’e resi ia.”


.Wali ika palaong to bae batuanginya see re’e kasugi ngkomi ndate saruga. Apa imbare kasugimu, etu semo to napobuu-buuka ngkomi.


Wali re’e tau to roomo mampiyaika samparia saba rani mangalulu Aku. Anu to napiyaika nsira etu, etu semo banuanya, bara tukakanya pasi tua’inya, bara pa’anya, bara indonya, bara ananya, bara nawunya. Wali samparia tau to etu ane mampiyaika samparia to etu, ri raya ngkatuwu nsira to tempo si’i sira mangarata satu ngkani kaborosinya to sira mampiyaika etu. Pasi sira damangarata seja katuwu to singkasaenya.


Wali see naka Aku manganto’oka komi oli weyawa yako resi Aku to roomo rapoapu pasi mayongo. Oli weyawa etu see komi dasugi. Pasi oli seja pake to buya danuposunsuka ngkomi see tamo lambe pasi taa mea nakita nsa’e. Pasi oli seja pakuli see maya darapokulirika matamu see komi maya mangkita muni rao.


Wali roo see i Petrus magombo, ia manganto’oka i Yesu, “Lo’a, kami room mampiyaika samparia ngaya-ngaya mami pei mangalulu Komi. Wali kesaa ntanapa to darawaika resi kami?”


Wali i Yesu mangansono, Ia manganto’o, “Ane korom rani mawali masilonga kojo, intamo pei pobalu yau samparia kasugimu pei olinya tilaka yau tau to masiasi. Ane ewa wetu nuika ngkorom, korom damangarata kasugi ndate saruga. Pasi ane roomo mangawaika yau samparia etu, mai muni pei lulu Aku.”


Wali samparia tuntu i mPue Allah anu to ratulis tempo owi paka ratulis damangampotunde kita. Wali yako tuntu i mPue etu, see naka kita maya mangansabaraka kasusa pasi mawali maroso wo’u rayanta. Apa ane ewa wetu kita maya mangkongko kojo pansarumaka ngkita resi i Pue.


Wali yako etu i Yesu manganto’oka wo’u tau boros rapa, to’oNya, “Palaong i mPue Allah tempo Ia mawali Makole nto lino maya raporapaka ewa si’i. Rapanya re’e samba’a to panawu to mangansawu pae to matao nja’u nawunya.


Raya ngkomi bae pamporayang ngkomi mampobuuka yunu ngkomi to ratarungku apa saba sira mangalulu i Pue Yesu. Pasi tempo ngaya-ngaya ngkomi naoko yau ntau, komi ojo mangabiaka pasi ndende raya ngkomi. Naka pei ndende raya ngkomi apa komi mangansani anu to komi puenya to ndate saruga, anu to etu to tao-tao pei ngaya-ngaya to ri lino si’i, pasi anu to ndate saruga etu tare kapuranya.


Wali i Yesu manganto’oka sira, Ia manganto’o, “Aku semo pangkoni to mangawai katuwu. Wali see naka i sema tau to mangalulu Aku, tau etu raporapaka ewa tau to tamo damoro komponya. Pasi i sema tau to mangaya Aku, tau etu raporapaka ewa tau to tamo damara nganganya rataka ri singkasaenya.


Wali saka kojo samparia gombo to nato'o i ngKerisitu ri raya ngkomi. Gombo etu bae kojo batuanginya raporapaka ewa kasugi. Wali pake gombo i ngKerisitu etu damasipotunde pei masipaposiaka yako kasamparianya kapande to nawaika i mPue Allah komi. Pasi ponyanyika nyanyi ewa gombo to ratulis ri raya buku Masmur. Pasi matao seja mamponyanyika nyanyi to mangabarong i Pue Allah pasi nyanyi to yusa mangkonong Ia. Wali ponyanyika nyanyi etu resi i Pue batuanginya manganto'oka Ia tarima matao apa kabuya ndaya ngkomi.


Wali re’e seore to pobalu etu ia mangkita sampa’i mutiara to masuli kojo olinya apa bae pasi meyawa kojo. Mutiara etu darapobalu. Wali ia yau mangampobalu samparia ngaya-ngayanya see damangarata doi. Roo see ia mangoli mutiara etu, apa bae kojo batuanginya mutiara etu.” Wali rapa to dua etu nato’o i Yesu mangkonong i Pue Allah mawali Makole nto lino, palaong etu bae kojo batuanginya.


“Wali mangkonong i Pue Allah mawali Makole nto lino, palaong etu raporapaka seja ewa jala to napake nto panjala. Wali jalanya etu nasoumaka nsira lo’u raya ndano pei mangoko malagi bau to mpangaya-ngaya. Panewa ane bukemo, jala etu narebu muni nsira njo’u towo ndano. Roo see to panjala matunda pei mangampilis bau to matao pei mamposaka ri raya ntampanya. Pei bau to taa matao rakoni ojo nataji yau nsira.


Swiv nou:

Piblisite


Piblisite