Matius 13:37 - Tuntu i mPue ri Basa Taa

³⁷ Wali i Yesu manganto’o, “To panawu to mangansawu pae to matao, tau etu Aku, Wiyaa nto Lino.

Sura Magali Nuntu Ngkatuwu

³⁷ Mesono i Yesu ndatoʼo, “Tau anu mancawu inii anu maʼoe setu inceʼemo i Ana Manusia.

Matius 13:37 Referans Kwoze

Palaong mPomakau i mPue Yesu 1:8

Pei tempo i Nosa Mapasing darata resi komi, tempo etu komi darawaika karoso. Pasi komi damawali matamanasangKu damangangkeni kareba yako resi Aku. Komi damangangkeni kareba etu resi tau to ri kota Yerusalem pasi tau to ri propinsi Yudea pasi Samaria, pasi rataka ri suogi lino.”

Lukas 10:16

Wali ojo karoonya i Yesu manganto’o gombo etu, Ia manganto’oka wo’u pomakauNya to pitu mpuyu pei dua mba’a, Ia manganto’o, “I sema tau to mampodongeka komi, batuanginya tau etu mampodongeka Aku. Pei tau to mampobo’o komi, batuanginya tau etu mampobo’o Aku. Pasi tau to mampobo’o Aku, batuanginya Ia mampobo’o seja Pa’angKu to nampokau Aku.” Wali tempo i Yesu roomo manganto’oka pomakauNya gombo etu, sira yau mangika palaong to nato’oka i Yesu sira mangika.

Matius 13:41

Tempo etu Aku, Wiyaa nto Lino, damampokau pomakaungKu yako ri saruga yau damampasiromunaka samparia tau to mangakal sa’e naka pei sira mangika dosa, pasi samparia tau to yusa to mangika palaong to maja’a. Wali tau to etu darakeni yau yako ri oyo ntau to Aku Makolenya.

Roma 15:18

Apa ojo samba’aja palaong to nikangku to masipato aku mangabarong. Etu semo palaong to aku mangika yako kuasa i ngKerisitu. Apa Ia semo to mangansawang aku mampotundeka tau to si’a to Yahudi. Wali Ia semo to mangansawang see yako gombo to aku manganto’o pasi yako palaong to aku mangika see naka re’e seja sira to mampalaika i Pue Allah.

Yohanes 20:21

Wali i Yesu manganto’oka wo’u kami, “Pakarodo rayamu! Ewa naika mPa’angKu nampokau Aku ma’i mangika palaong to iwaikaNya Aku, ewa wetu seja Aku mampokau komi dayau mangika palaong to Kuwaika komi.”

Yohanes 13:20

Wali Aku manganto’oka komi, monso pu’u, i sema tau to manga’angga pomakaungKu, tau etu sewaju ewa manga’angga Aku. Pasi i sema tau to manga’angga Aku, tau etu sewaju ewa manga’angga Ia to nampokau Aku.”

Matius 13:27

“Wali to papolaong nto panawu ma’i resi ia pei manganto’o, ‘Pa’a, bara si’anya pae to matao to isawu ngkomi seore? Ane ewa see, maka pei tuwu seja lee?’

Matius 13:24

Wali yako etu i Yesu manganto’oka wo’u tau boros rapa, to’oNya, “Palaong i mPue Allah tempo Ia mawali Makole nto lino maya raporapaka ewa si’i. Rapanya re’e samba’a to panawu to mangansawu pae to matao nja’u nawunya.

Matius 10:40

Yako etu i Yesu manganto’o wo’u, to’oNya, “Wali tau to manga’angga komi, batuanginya tau etu manga’angga seja Aku. Pasi tau to manga’angga Aku, batuanginya tau etu manga’angga seja Ia to nampokau Aku.

Matius 8:20

Wali i Yesu manganto’oka ia, “Ane asu maila, re’e wayau mbatu to nakaroo nsira, pasi ane tonsi, ia re’e seanya. Pei ane Aku, Wiyaa nto Lino, tare tampa to Akuja puenya daKukayore. Wali Aku mangepe korom bara taa nukurang mangalulu Aku apa taa todo.” Ewa wetu naika i Yesu mangansono tau to mampoguru porenta i Musa etu.

Ibrani 2:3

Wali ane ewa see, taa manto’o kita to re’e kareba matao. Kita taa kojo maya mangampiyaika huku ane kita taa mangangkongko kareba matao to bae kojo batuanginya mangkonong ewa wimba kita rapalaes. Apa kareba etu to bae-bae batuanginya pei porenta to naporata mpomakau i mPue Allah tempo owi etu. Wali kareba matao mangkonong ewa wimba kita rapalaes, kareba etu uyu-uyunya napakarebaka i mPue. Panewa yako etu, tau to mangandonge gombo i mPue etu, sira mawali matamanasa to mangamporata wo’u resi kita. Sira manganto’o, “Kami mangandonge kareba si’i yako ri nganga i mPue semo.” Wali ewa wetu nato’o matamanasa etu, see naka kita mangansani monso pu’u gombo etu yako resi i Pue semo.

Ibrani 1:1

Wali tempo owi i Pue Allah malagi ngkani mampogomboka bue-bue ngkita liu ri nganga nto pantuntu TuntuNya. Pasi mpangaya-ngaya jaya to Ia mangampake mangampogomboka sira etu.

Matius 13:4

Tempo ia mangansawu liano etu, liano to sawunya etu, re’e to kono ri jaya. Wali to kono ri jaya etu tonsi ma’i mangantungku yau.