Matius 11:5 - Tuntu i mPue ri Basa Taa

⁵ To’oka ia tau to buta rapakatao muni matanya see mangkita muni rao. Pasi tau sampungku rapakatao muni witinya see maya malinja. Pasi tau to masaki malobo rapakatao muni yako ri panyaki etu. Pasi tau to wongo rapakatao muni talinganya see mangandonge muni rao. Pasi tau mate rawangu muni yako ri kapatenya. Pasi tau to masiasi rapakarebaka kareba to matao.

Sura Magali Nuntu Ngkatuwu

⁵ Tau buta yosamo matanya, tau pungku melinja, tau ketangga osa, tau bongo nadonge raoa, tau mate tuwu muni pai tau kaasi-asi ndapetumbuka Nuntu ngKatuwu ungka ri Pue Ala.

Matius 11:5 Referans Kwoze

Lukas 4:18

“Nosa i mPue re’e resi Aku, apa Ia roomo mangampilis Aku damampakarebaka kareba matao resi tau to masiasi. Pasi Ia nampokau Aku damampolindo tau to masusa kojo rayanya pasi damampaponsanika resi tau to nata’amaka nsa’e sira daralapa muni. Pasi Ia nampokau Aku damampaponsanika resi tau to buta sira damangkita muni rao. Pasi Ia nampokau Aku damangansawang tau to rapakasusa,

Yakobus 2:5

Wali a’i-a’ingku to kuporayang, padongeka gombongku si’i pei pobuuka mangkonong ewa wimba nuika ngkomi mampasisala tau to sugi pasi tau to masiasi. Apa kamonsonya tau to masiasi ri pangkita nu mata nto lino, tau etu semo to i Pue Allah mangampilis damawali maroso pangayanya. Wali sira maya rato’oka sugi ane mangkonong pangaya nsira. Pasi i Pue Allah mangampilis sira damangarata seja anu to matao to rawaika resi tau to Ia Makolenya. Wali anu to matao etu semo to Ia roomo mamparajanjika tau to mamporayang Ia.

Matius 21:14

Wali tempo i Yesu re’ewa ri tongonata banua i mPue Allah, ma’i bara sawei tau to buta pasi tau to sampungku mangampago Ia nja’u ria. Wali Ia mampakatao muni sira.

Yohanes 10:38

Pei monso pu’u Aku mangika palaong to nawaika mPa’angKu Aku mangika. Wali komi taa mangaya gombongKu tempo Aku manganto’o Aku semo Ana i mPue Allah. Pei nempo komi taa mangaya gombongKu etu, masipato komi mangaya apa saba komi mangkita palaong to taa rapobiasa to inikangKu etu. Apa ane ewa see, komi damawali manasa ri raya ngkomi pei komi damangansani Pa’angKu Ia samba’a pei Aku pasi Aku samba’a pei Ia.”

Yohanes 10:25

Wali i Yesu mangansono, to’oNya, “Aku roomo manganto’oka komi, pei komi taa rani mangaya. Pobuuka palaong to taa rapobiasa to inikangKu yako kuasa mPa’angKu, apa palaong etu mawali tondong to mampakanasaka komi i sema kamonsonya Aku.

Yohanes 5:36

“Wali i Yohanes mawali matamanasa mangkonong i sema kamonsonya Aku. Pei rapanya nempo ia taa mawali matamanasangKu, taa mawei apa re’e to bae wo’u batuanginya pei gombo to nato’o i Yohanes etu to mampakanasa mangkonong Aku. Etu semo palaong to Aku mangika. Palaong etu nawaika mPa’angKu Aku damampakaroo, wali palaong etu semo mampakanasaka resi tau monso pu’u Pa’angKu nampokau Aku.

Yohanes 3:2

Wali re’e sangkani tempo ri raya mburi i Nikodemus etu ia yau mangampago i Yesu, panewa manganto’oka Ia, “Pa’a Guru, kami kunsani Komi semo guru to ma’i napokau i mPue Allah. Apa tare tau to maya mangika palaong to taa rapobiasa to nuika ngKomi ane tare i Pue Allah resi ia.”

Yohanes 2:23

Wali tempo i Yesu nda’a Yerusalem tempo Roa Paskah etu, tempo etu boros tau to mansarumaka kuasaNya apa sira mangkita palaong to taa rapobiasa to inikaNya.

Markus 9:25

Wali roo see i Yesu mangkita re’e wo’u tau boros maripo mampago Ia, wali tempo etu Ia manganseko measa to mamposuak ana etu, Ia manganto’o, “Measa! Korom to mangangika tau mawali wongo pasi bea, Kuporentangika korom piyaimo yako resi ana si’i pei ne’emo pasi sangkani wo’u mamposuak ia.”

Markus 7:37

Tau etu sira ipu kojo rayanya, sira manganto’o, “Gete, samparia palaong to inikanya paka magaya kojo! Sakowa tau wongo Ia mampakatao talinganya see nadonge rao. Pasi Ia mampakatao jila ntau to matelo see gombonya masilonga.”

Matius 10:8

Pasi ri raya mpalinja ngkomi, pakatao muni tau to masaki, patuwu muni tau to matemo, pakayongo muni tau to masaki malobo, pasi rubak measa yako resi tau to raposuak. Wali samparia kuasa etu komi mangantima taa rabayar, wali tempo komi mangampake kuasa etu mangansawang sa’e, ne’e seja komi marapi rabayar.

Matius 9:30

Wali tau dua etu mansaka mangkita rao. Roo see i Yesu mampatiendoka kojo sira dua, to’oNya, “Ne’e kojo ragagangika sa’e mangkonong palaong to mawali si’i.”

Matius 5:3

“Masanang tau to mampongakung sira tare karoso ndaya ane taa nawaika i mPue Allah. Sira masanang apa sira mawali tau to Makolenya i Pue Allah.

Palaong mPomakau i mPue Yesu 2:22

Wali ojo karoonya i Petrus manganto’oka sira gombo i mPue Allah tempo owi etu, ia manganto’o wo’u, “A’i-a’ingku to Israel. Padongeka gombongku si’i. I Yesu to Nasaret etu, Ia semo to ma’i seore napokau i mPue Allah. Manasa Ia napokau i mPue Allah apa Ia nawaika i mPue Allah kuasa mangika palaong to taa rapobiasa pasi to mampakaipu raya ntau, pasi Ia rawaika seja kuasa mangika palaong to mawali tondong resi tau. Wali manasa seja resi komi i Yesu napokau i mPue Allah apa palaong to nikaNya etu Ia nangika ri tango mata ngkomi seja.

Posuwunya 4:11

Pei i Pue Yawe manganto'oka i Musa, "I sema to mangika tau see nansani magombo? Aku semo! Pasi Aku semo to mangika tau to taa nansani magombo, pasi tau to wongo, pasi tau to buta pasi to taa buta. Aku, i Pue Yawe semo, to mangika samparia palaong to etu!

Matius 11:4

Wali i Yesu mangansono, to’oNya, “Pawolili muni pei pakarebaka resi i Yohanes gombo to nudonge ngkomi pasi palaong to nukita ngkomi.

Matius 12:13

Wali roo see i Yesu manganto’oka ngkai to mapongko palenya, to’oNya, “Tonjuka palemu.” Wali ngkai etu mangantonjuka palenya panewa palenya etu rapakatao muni sewaju ewa palenya to sambali.

Yohanes 9:7

Yako etu Ia manganto’oka ngkai etu, “Inta pando’u njo’u limbo to rato’oka Siloam.” (Siloam etu batuanginya ‘Rapokau.’) Wali ngkai buta etu ia yau njo’u limbo etu pei mando’u nja’u ria. Panewa tempo ia mampiyaika muni limbo etu dayau muni njo’u banuanya, tempo etu ia mangkitamo rao.