Matius 11:21 - Tuntu i mPue ri Basa Taa

²¹ Wali i Yesu manganto’o, “Kasesa danurata ngkomi to yako ri kota Korasim! Kasesa danurata ngkomi to yako ri kota Betsaida! Apa komi taa majea nempo mangkita palaong to taa rapobiasa. Pei pobuuka kota Tirus pasi Sidon tempo owi. Kota etu maja’a kojo lengko ntaunya. Pei ane rapanya tempo owi etu Aku bara mangika palaong to taa rapobiasa nja’u kota etu, ane rapanya ewa see, tau ri kota etu majoli kojo damajea. Sira damamposunsuka kain karu pasi mangkaku awu pei mansambuetaka nto’u wawo mbo’onya apa soso kojo raya nsira mampobuuka dosanya. Ewa wetu ane rapanya tau etu mangkita palaong to inika ngKu.

Sura Magali Nuntu Ngkatuwu

²¹ “Marugimo siko ee Korasi! Pai marugimo siko ee Besaida! Ane rapanya waʼa ntanda ngkuasa anu roomo kupowia ri oyomi, da mewalimo owi ri Tiru pai Sidoni, manoto to Tiru pai to Sidoni masaemo da kajeanya ungka ri waʼa ncalaanya pai mamporengko rengko ngkapari ndaya pai madika awu ri tanoananya.

Matius 11:21 Referans Kwoze

Palaong mPomakau i mPue Yesu 12:20

Wali tempo i Herodes maroo-roo la’u Kaisarea, ia mawali maja’a kojo rayanya resi tau nja’u kota Tirus pasi Sidon. Wali see naka tau yako ri kota dua etu sira yau sindara-ndara damampotango ia. Naka pei sira rani mampotango ia apa mangaliwu jaya see ia masingkatao muni pei sira. Sira rani kojo masingkatao muni apa tau ri tana nsira biasa mangarata pangkoninya yako ri tana to naporentang i Herodes. Wali sira yau ruyu mangamomis to papolaong to mampasilonga banua i Herodes, sanga ntau etu i Blastus. I Blastus etu mampasimbalika sira, panewa sira maya mampotango i Herodes. Wali i Herodes manganto’o ia damagombo resi sira.

Yohanes 12:21

Tau to si’a to Yahudi etu yau resi i Pilipus to yako ri kota Betsaida nja’u propinsi Galilea. Wali sira mamporapika resi ia, sira manganto’o, “Pa’a, kami rani simparata pei i Yesu.”

Lukas 9:10

Wali yako etu pomakau i Yesu rata muni resi Ia. Tempo sira rata muni etu, sira mangansaritaka resi Ia mangkonong samparia palaong to naika nsira ri raya mpalinjanya. Roo see i Yesu mangkeni sira njo’u lipu to tare tau mangkaroos to mosu ri kota Betsaida. Tempo sira yau etu, ojo sira sampuyu pei togo to yau.

Markus 6:45

Wali ojo karoonya i Yesu mampokoni tau boros etu, Ia mampokau anaguruNya mapone ri bangka, Ia manganto’o, “Patiruyu komi mawolili njo’u sambote ndano, njo’u kota Betsaida.” Wali sira mapone ri bangka. Tongo-tongonya sira mapone ri bangka, i Yesu manganto’oka seja tau boros, Ia manganto’o, “Inta muni njo’u lipu ngkomi.”

Matius 15:21

Wali yako etu i Yesu pasi kami to anaguruNya mayoko yako ri Genesaret yau njo’u lipu-lipu to ri awe ngkota Tirus pasi Sidon.

I Yudas 1:11

Wali kasesa danarata nsira! Apa sira mampolengkoka lengko to naika i ngKain tempo owi. Pasi sira ojo rani sugi see naka sira re’e seja mangika sala to naika i Bileam tempo owi. Pasi sira mangewa seja songka i mPue Allah sewaju ewa naika i ngKorah tempo owi, wali sira darapakaja’a yau seja sewaju ewa ia.

Lukas 6:17

Wali ojo karoonya i Yesu mangampilis tau sampuyu pei dua etu, Ia malonso yako ri rapa mpantana etu sindara-ndara pei sira. Sira rata ri tampa to lempe to nja’u tau boros kojo. Tau boros etu singga’a anaguru i Yesu seja pasi re’e seja tau to yako sambawo propinsi Yudea, pasi to yako ri kota Yerusalem, pasi to yako ri kota Tirus pasi Sidon to nja’u wii ntasi.

Markus 8:22

Wali yako etu re’e seore i Yesu pasi anaguruNya yau njo’u kota Betsaida. Rata nja’u ria re’e tau to mangkenika i Yesu tau to buta. Sira mamporapika resi i Yesu, to’onya, “Kami rani Komi mampotaka mata ngkai si’i, see matao muni.”

Markus 7:31

Wali i Yesu pasi anaguruNya mayoko yako ri awe ngkota Tirus yau lo’u rano Galilea. Sira mangalulu jaya to liu ri Sidon pasi lipu to rato’oka Sampuyu Kota.

Markus 3:8

pasi re’e seja to yako ri kota Yerusalem, yako ri tana Edom, yako sambote ngkoro Yordan, pasi yako ri lipu Tirus pasi Sidon. Naka pei tau boros etu mangampago i Yesu apa sira roomo mangandonge kareba mangkonong palaong to taa rapobiasa to inikaNya.

Matius 18:7

Wali yako etu i Yesu manganto’o wo’u, to’oNya, “Bae kasesa to danarata ntau to mangagoda sa’e see naka tau to ragoda etu mangandolika tangonya yako ri pangaya nsira. Kamonsonya tare pandoonya tau to mangaya mangarata panggoda ri lino si’i, pei ane tau to mangagoda sira etu, tau etu bae kojo huku to danarata nsira.

Matius 11:22

Pei komi taa majea. Wali Aku manto’oka komi, ane tempo to darata, tempo i Pue Allah mangabotus to lino, tempo etu komi semo to pari-pari huku to danurata pei tau Tirus pasi Sidon etu.

Palaong mPomakau i mPue Yesu 27:3

Wali yako etu, eo rao wo’u kami dongka nja’u kota Sidon. Tempo etu i Yulius ia manoto kojo lengkonya resi i Paulus, apa ia mangabiaka i Paulus mana’u yako ri bangka nja’u ria. Naka pei ia mangabiaka i Paulus yau see ia maya mayunu resi yununya to nja’u kota etu, see sira maya mangawaika ia anu to danapake.

Lukas 4:26

Pei i Elia taa napokau i mPue Allah damangansawang tau balu to Israel etu apa sira taa mangaya i Elia monso pu’u to pantuntu tuntu i mPue Allah. Kasimbalinya yako etu, ia rapokau damangansawang samba’a tau balu to si’a to Yahudi to maroo ri kota Sarpat nja’u tana Sidon.

Markus 7:24

Wali yako etu i Yesu pasi anaguruNya mayoko yako ri Galilea yau njo’u lipu-lipu to ri awe ngkota Tirus pasi Sidon. Ojo karata nsira nja’u samba’a lipu etu, sira masua ri raya banua ntau. Wali tempo etu i Yesu taa rani tau boros mangansani Ia nja’umo nja’u ria. Pei taa mawali apa re’e tau to mangkita Ia.

Matius 26:24

Aku, Wiyaa nto Lino, Aku damate ewa to roomo rapakanasa yami ri raya ntuntu i mPue Allah. Pei tau to damamposora yau Aku, ia damasesa kojo. Wali to tao-tao ane ia taa ipoanaka.”

Pangkita 6:12

Wali yako etu, Ana nu Domba mangayali tondong to kaono. Panewa aku mangalo’a pei mangkita re’e lengko tana to maroso kojo. Pasi aku mangkita mata nu eo mawali meta kojo. Pasi wuya mawali mawaa ewa raa.

Pangkita 11:3

Wali Aku re’e dua mba’a matamanasangKu. Pei ri tempo etu Aku damangawaika matamanasangKu etu kuasa damampakarebaka tau gombo to yako resi Aku. Sira damampakarebaka gombo etu sansowu dua atu pei ono mpuyu mbengi kasaenya. Tau dua etu pakenya kain karu.” Wali etu semo gombo to nato’oka i mPue aku.