Matius 11:11 - Tuntu i mPue ri Basa Taa

¹¹ “Wali Aku manganto’oka komi, monso pu’u tare pasi samba’a to lino to bae-bae wo’u angganya pei i Yohanes to Pombaptis. Pei nempo ewa see, ane ri tempo to darata, tempo i Pue Allah mawali Makole nto lino, tempo etu tau to kodi kojo angganya, tau etu bae wo’u angganya pei i Yohanes.

Sura Magali Nuntu Ngkatuwu

¹¹ Da ndipaincani! Ri lino seʼi bareʼepa reʼe tau anu meruu kabangkenya ungka ri Yohane Topopariu. Paikanya mau ewanceʼe tau anu maʼai ngkakodinya ri oyo ntau i mPue Ala meruu kabangkenya ungka ri Yohane.

Matius 11:11 Referans Kwoze

Lukas 7:28

“Wali Aku manganto’oka komi, yako ri pamulanya rataka ri tempo si’i, tare pasi samba’a tau to roomo rapoanaka to bae-bae wo’u angganya pei i Yohanes to Pombaptis. Pei nempo ewa see, ane tempo to darata, tempo Pue Allah mawali Makole nto lino, tempo etu tau to kodi kojo angganya, tau etu bae wo’u angganya pei i Yohanes. ” Wali etu semo to nato’o i Yesu mangkonong i Yohanes.

Epesus 3:8

Wali aku ipu rayangku mampobuuka i Pue Allah mangawaika aku palaong to bae kojo batuanginya etu. Apa yako samparia tau to i Pue Allah Puenya, aku semo to kodi kojo angganya. Pei nempo ewa see, aku nawaika i mPue Allah kanotoNya see aku maya mampakarebaka komi to si’a to Yahudi kareba mangkonong rasi to nawai i ngKerisitu. Rasi etu raporapaka ewa kasugi to taa nakurang ntau mangarekeng.

Yohanes 1:15

Wali i Yohanes to Pombaptis magombo mangkonong Ia to rato’oka i Tuntu etu. Ia maroso loonya manganto’o, “Si’i semo tau to mangabanang gombongku seore tempo aku manganto’o, ‘Tau to dama’i wo’u yako aku si’i, Ia semo to bae-bae anggaNya pei aku. Apa tempo aku tawa re’e, Ia re’e yamimo.’” Etu semo to nato’o i Yohanes.

Matius 5:19

Wali bara re’e tau to bo’onya mampalaika nempo samba’a porenta, nempo porenta to taa bae kojo batuanginya, pasi ia mampotundeka sa’e see sa’e taa seja mangalulu. Wali i sema-sema to mangika palaong to ewa wetu, tau etu taa damangarata angga to bae tempo i Pue Allah mawali Makole nto lino. Pei i sema-sema to mangalulu pasi mampotundeka sa’e porenta etu, tau etu damangarata angga to bae tempo i Pue Allah mawali Makole nto lino.

Matius 3:11

Panewa ia manganto’oka wo’u tau boros, to’onya, “Aku mangabaptis komi mangika tondong komi majeam. Wali tempo aku mangabaptis komi etu, aku mangampake ue. Pei re’e tau to dama’i wo’u yako aku si’i, Ia semo to bae-bae kuasaNya pei aku. Ia bae kojo anggaNya, see naka aku mangepe aku nempo ojo mangangkeni sapatuNya taa masipato. Wali tau to dama’i etu taa damangabaptisika komi ue. Re’e komi to Ia damangabaptisika i Nosa Mapasing batuanginya Ia damampaporoo i Nosa Mapasing ri raya ntau etu. Pei re’e wo’u komi to danabaptisika apu batuanginya Ia damamposaka tau to etu ri raya nu apu.

Lukas 9:48

Roo see Ia manganto’o, “Ane tau manga’angga nempo ojo ana kodi to ewa si’i apa saba ia mangalulu Aku, ane ewa see batuanginya tau etu manga’angga seja Aku. Pasi i sema tau to manga’angga Aku, batuanginya ia manga’angga i Pue Allah to nampokau Aku. Apa tau to kodi kojo angganya ri oyo ngkomi, kamonsonya tau etu semo to bae kojo angganya ane ri pangkita i mPue Allah.”

1 Petrus 1:10

Wali pobuuka ruyu mangkonong songka to magaya kojo to naika i mPue Allah mampalaes kita etu. Re’e to nato’o yami nto pantuntu tuntu i mPue Allah tempo owi mangkonong kanoto i mPue Allah to danarata ngkita. Wali sira rani kojo mangansani mangkonong songka i mPue Allah damampalaes to lino, see naka sira mamparesa kojo tuntu i mPue Allah pasi mampobuuka kojo mangaliwu kanasanya mangkonong palaong to etu.

Ibrani 11:40

Naka pei sira tawa mangarata parajanji etu apa i Pue Allah re’e mangika songka to matao wo’u to kono seja kita. Wali songka i mPue Allah etu, sira mangampeas kita panewa darapasilonga sindara-ndara pei kita.

1 Korintus 15:9

Wali ane pomakau i mPue Yesu, aku semo to kodi kojo angganya. Pasi kamonsonya aku taa masipato rato’oka pomakau i mPue Yesu apa tempo ruyu aku mangansesai tau to mangaya i Pue.

1 Korintus 6:4

Wali ane re’e kasusa ri oyo ngkomi, to tao-tao mangampilis tau to kodi kojo pangkanya yako ri oyo ngkomi to mangaya damangabotus palaong etu sakowa damangkenika to pobotus to taa mangaya.

Yohanes 10:41

Pasi boros tau to mangampago Ia nja’u ria. Tau etu manganto’o samba’a pei samba’a, “I Yohanes tare mangika palaong to taa rapobiasa, pei samparia gombo to ia manganto’o mangkonong tau si’i seore paka monso pu’u.”

Yohanes 3:30

Wali masipato Ia kanjo’u-njo’u kabae-bae anggaNya ri pangkita ntau boros. Pei aku taa maya taa kanjo’u-njo’u kakodi-kodi anggangku.” Etu semo to nato’oka i Yohanes to Pombaptis resi anagurunya.

Yohanes 5:35

Apa i Yohanes etu mampaponsanika tau kareba yako resi i Pue Allah, see naka ia raporapaka ewa pansona to mawea to mampakareme tau to ri raya ngkawuri. Wali tempo ia owo mamula mampakarebaka komi kareba to raporapaka ewa reme etu, tempo etu komi masanang mampodongeka gombonya to raporapaka ewa reme etu pei si’i-si’i komi tamo rani mangaya gombonya etu.

Yohanes 7:39

Wali etu semo ligi to nato’o i Yesu. Ane ri ligi etu, ue to mangawai katuwu batuanginya i Nosa Mapasing to dama’i damaroo ri raya ntau to mangaya i Yesu. Pei tempo etu i Nosa Mapasing tawa rawaika resi tau apa i Yesu tawa tiokotaka muni nto’u saruga. Wali ane tempo Ia datiokotaka muni nto’u saruga etu, tempo etu Ia damangoko muni kayawaNya.

Epesus 2:3

Wali tempo kita tawa mangaya, tempo etu kita samparia sewaju pei tau to taa mampolaika i Pue Allah etu. Apa tempo etu kita seja ojo mangaluluka yau pampobuuka ngkita to masae. Pasi kesaa to mampakasanang koro ngkita pasi pampobuuka ngkita, etu semo to kita mangika. Wali tempo etu kita masipato nahuku i mPue Allah sewaju pei tau to yusa, apa saba lengko ngkita to maja’a etu.

2 Timotius 1:10

Pasi si’i-si’i Ia room mampaponsanika kita songkaNya pasi kanotoNya etu, apa i Kerisitu Yesu, to Pansompo ngkita, Ia nama’imo. Wali i Kerisitu Ia room mampakapura kuasa ngkapate, pasi yako ri kareba matao Ia re’e mampaponsanika kita jaya to mangarata katuwu to tare kapuranya.

Lukas 1:15

apa ia dabae kojo batuanginya ri pangkita i mPue Allah. Wali ia taa maya manginu tule anggur bara anu to yusa to kayangu tau manginu. Pasi ana etu ane tiroowa re’e ri raya ngkompo nu indonya ia dabae kojo yami karoso ndaya to danawaika i Nosa Mapasing ia.

Matius 3:1

Wali yako etu, tempo i Yesu baemo, tempo etu re’e samba’a tau to rato’oka i Yohanes to Pombaptis. Yohanes etu ia mula mampakarebaka tau tuntu i mPue Allah nja’u pada bone ri propinsi Yudea.

Matius 11:10

Wali mangkonong i Yohanes etu, re’e gombo i mPue Allah resi Aku, Makole parajanjiNya. Gombo etu ratulis ri raya ntuntuNya. Wali Ia manganto’o, ‘Aku damampokau tau to damangkeni gombongKu. Wali ewa naika ntau mampasilongaka yami i makole jaya see taa masuli palinjanya, ewa wetu seja tau to dakupokau etu damampatiruyu pei Komi damampasilonga raya ntau see sira damangaya Komi.’ (Maleakhi 3:1) Etu semo to nato’o i mPue Allah mangkonong palaong to naika i Yohanes.

Matius 11:12

Pasi yako ri temponya i Yohanes to Pombaptis mamula mampotundeka tau mangkonong i Pue Allah seore rataka ri tempo si’i, boros kojo tau to mawali tau to Makolenya i Pue Allah. Pei re’e seja tau to yusa to mampobuuka matao nempo mangamusu tau see tau etu darapakasaaka mawali tau to Makolenya i Pue Allah. Pei sala pampobuuka ntau etu.