Matius 10:7 - Tuntu i mPue ri Basa Taa

⁷ Wali ri raya mpalinja ngkomi, pakarebaka kareba to si’i, manganto’o, ‘Daratamo temponya i Pue Allah damawali Makole ri lino.’ Etu semo kareba to danupakarebaka ngkomi.

Sura Magali Nuntu Ngkatuwu

⁷ Ndipetumbuka tau seʼe, i Pue Ala ganggaramo da moparenta ewa sambaʼa Mokole.

Matius 10:7 Referans Kwoze

Palaong mPomakau i mPue Yesu 28:31

Pasi ia taa meka mampakarebaka tau nja’u ria mangkonong ewa wimba i Pue Allah mawali Makole nto lino pasi ia taa seja meka mampotundeka sira mangkonong i Pue Yesu Kerisitu, Makole parajanji i mPue Allah. Pasi tempo ia mangika palaong etu tare tau to manganto’oka ia ne’e mangika. Tau ojo mangabiaka palaong to ia mangika etu.

Matius 3:2

Ia manganto’oka sira, “Pojeamo, apa mosumo temponya i Pue Allah damawali Makole ri lino.

Lukas 9:60

Pei i Yesu manganto’o, “Biakamo tau to taa mangaluluka songkangKu, to raporapaka ewa tau mate, sira semo mampongkeli yunu nsira to matemo. Pei ane korom, inta pei pakarebaka mangkonong ewa wimba i Pue Allah mawali Makole nto lino.”

Matius 4:17

Wali yako tempo etu, i Yesu mula mampakarebaka tau, Ia manganto’o, “Pojeamo, apa daratamo temponya i Pue Allah damawali Makole ri lino.”

Lukas 16:16

“Wali ri katawanya i Yohanes to Pombaptis, anu to rapakarebaka etu semo porenta i Musa pasi tuntu i mPue Allah to naporata nto pantuntu tuntuNya tempo owi. Pei ojo karata i Yohanes etu, anu to rapakarebaka etu semo kareba matao mangkonong ewa wimba i Pue Allah mawali Makole nto lino. Pasi boros tau to mangandonge kareba matao etu, sira bae rayanya rani mawali tau to i Pue Allah Makolenya. Pamporani nsira etu raporapaka ewa pamporani ntau to mampakaja’aka yau ba’a mbombo banua apa rani kojo masua. Wali bae kojo raya ntau rani mawali tau to i Pue Allah Makolenya.

Lukas 9:2

Roo see Ia mampokau sira yau mampakarebaka resi tau mangkonong ewa wimba i Pue Allah mawali Makole ri lino. Pasi Ia manganto’oka seja sira mampakatao muni tau to masaki.

Markus 6:12

Wali ojo karoonya i Yesu mampogomboka anaguruNya etu, sira yau njo’u lipu-lipu to yusa. Pasi ri raya mpalinja nsira etu sira mampakarebaka resi tau, sira manganto’o, “Pajea.”

Palaong mPomakau i mPue Yesu 10:25

Wali ojo karata i mPetrus ri banua i ngKornelius, i Kornelius ma’i mangampago. Ia madungku yau ri tango mbiti i mPetrus panewa mampue resi ia saba mampakabae ia.

Palaong mPomakau i mPue Yesu 4:2

Sira maja’a kojo rayanya resi i Petrus dua i Yohanes apa sira dua mampotundeka tau boros sira manganto’o, “I Yesu nambangu muni yako ri kapateNya, wali see naka kita mangansani monso pu’u samparia tau damambangu muni seja yako ri kapatenya.” Etu semo to to’o nsira dua.

Yohanes 3:2

Wali re’e sangkani tempo ri raya mburi i Nikodemus etu ia yau mangampago i Yesu, panewa manganto’oka Ia, “Pa’a Guru, kami kunsani Komi semo guru to ma’i napokau i mPue Allah. Apa tare tau to maya mangika palaong to taa rapobiasa to nuika ngKomi ane tare i Pue Allah resi ia.”

Lukas 9:6

Wali yako etu sira mayoko pei malinja njo’u lipu-lipu ntau. Ri raya mpalinja nsira etu sira mampakarebaka resi tau kareba matao pasi sira mampakatao muni tau to masaki nja’u samparia lipu nakarata nsira etu.

Matius 23:13

Wali yako etu i Yesu manganto’o wo’u, to’oNya, “Ojo kasesa danurata ngkomi to mampoguru porenta i Musa pasi komi to aliran Parisi. Komi ojo gombomu to manoto! Apa komi mangaba’a jaya see tau taa maya mawali tau to Makolenya i Pue Allah. Komi taa rani mawali tau to Ia Makolenya, pasi komi mangamparas sa’e to rani mawali tauNya.

Matius 21:43

“Wali komi semo tau to mampobo’o Aku etu. See naka Aku manganto’oka komi, komi tamo nasale i mPue Allah damawali tau to Ia Makolenya. Pei bansa ntau to yusa to mangika palaong to masipato naika ntau to Makolenya i Pue Allah, sira semo to damangabolos komi.

Matius 21:31

Wali to imba tau dua etu to mangika pamporani mpa’anya?” Wali kepala-kepala nto pampue pasi yununya mangansono, sira manganto’o, “To tu’anginya semo.” Wali i Yesu mampakanasaka tau etu sira semo to raporapaka ewa ana to kadua to taa mangalulu pamporani mpa’anya etu. Ia manganto’o, “Aku manganto’oka komi, monso pu’u tau madosa to pantagi asele pasi tau to lonte, sira semo to mampatiruyu pei komi mawali tau to Makolenya i Pue Allah.

Matius 11:1

Wali ojo karoonya i Yesu mampotundeka kami to anaguruNya to sampuyu pei dua etu pei mampokau kami yau, panewa Ia mayoko seja yako nja’u ria. Ia yau mangampotundeka pasi mampakarebaka tau tuntu i mPue Allah nja’u kota-kota to ri awenya.

Matius 10:8

Pasi ri raya mpalinja ngkomi, pakatao muni tau to masaki, patuwu muni tau to matemo, pakayongo muni tau to masaki malobo, pasi rubak measa yako resi tau to raposuak. Wali samparia kuasa etu komi mangantima taa rabayar, wali tempo komi mangampake kuasa etu mangansawang sa’e, ne’e seja komi marapi rabayar.