Matius 10:6 - Tuntu i mPue ri Basa Taa

⁶ Pei inta resi tau to raporapaka ewa domba-domba to pusa, etu semo resi to Israel.

Sura Magali Nuntu Ngkatuwu

⁶ Paikanya ndikanjoʼumo ri waʼa nto Isaraeli, tetulabasi ri tau seʼe anu lingu.

Matius 10:6 Referans Kwoze

1 Petrus 2:25

Apa tempo ruyu kita ewa domba to pusa yau. Pei tempo si’i kita roomo mawolili muni resi to pangkampang to mangararamaka katuwu ngkita. Wali masipato kita mangika lengko ngkatuwu to mangalulu songka to si Ia.

Palaong mPomakau i mPue Yesu 13:46

Pei i Paulus sira dua i Barnabas taa kojo meka mangansono gombo nsira, to’onya, “Kami taa maya taa mampakarebaka tuntu i mPue Allah resi komi to Yahudi ruyu. Pei komi bo’omu mangaya, pasi manasa komi semo to mampobuuka komi taa masipato damangarata katuwu to singkasaenya. Wali see naka si’i-si’i kami dayau wo’u mampakarebaka tau to si’a to Yahudi.

Yesaya 53:6

Wali kita samparia paka raporapaka ewa domba to roomo masepi yau yako ri jaya to monso. Kita ojo mangaluluka yau jaya to naporani ngkita samba’a pei samba’a. Pei i Pue Yawe roomo mangawaika yau resi to PapolaongiNya etu mamponsaruka yau huku nu dosa ngkita.

Palaong mPomakau i mPue Yesu 3:26

Wali i Pue Allah mangampilis to PapolaongiNya, i Yesu, panewa mampokau Ia ma’i resi kita ruyu, damampakasanang kita. Wali ewa si’i nikaNya mampakasanang kita, Ia mangansawang kita samba’a pei samba’a see kita rani mangandolika tangonta yako ri palaong ngkita to maja’a.”

Matius 18:10

Wali yako etu i Yesu manganto’o, “Re’e tau to manganto’o ane tau to ewa ana kodi si’i, tau etu tare batuanginya. Wali jagai kojo naka ne’e komi mampobuuka seja ewa wetu. Apa Aku manganto’oka komi, kamonsonya bae kojo batuanginya tau to ewa ana kodi si’i, see naka re’e pomakau i mPue Allah yako ndate saruga to mangararamaka sira. Wali pomakau to mangararamaka sira etu, pomakau etu sangkani mampotango Pa’angKu ndate saruga. Wali sira mampasimbalika tau to nato’o nsa’e tare batuanginya etu.

Palaong mPomakau i mPue Yesu 26:20

Wali aku mampakarebaka samparia tau, manganto’o, ‘Pajea pei ndolika tango ngkomi resi i Pue Allah pei ika lengko ngkatuwu to masipato naika ntau to majeam.’ Etu semo gombongku mampakarebaka tau nja’u kota Damsyik ruyu, panewa nda’a Yerusalem, pasi ri sambawo propinsi Yudea, pasi aku mampakarebaka seja tau to si’a to Yahudi.

Palaong mPomakau i mPue Yesu 18:6

Pei to Yahudi etu sira mangewa pasi manto’o maja’a ia, wali i Paulus mantantamaka awu ntana to re’e ri pakenya mangika tondong ia taa kojo singkonong pei sira. Ia manganto’oka sira, “Ane komi mangarata huku si’a salangku, sala ngkomi semo. Wali yako tempo si’i aku dayau damampakarebaka kareba matao resi tau to si’a to Yahudi.”

Lukas 24:47

Pasi re’e seja gombo to ratulis to manganto’o saba yako kuasa i ngKerisitu, see naka tau damampakarebaka resi sa’e manganto’oka sira, ‘Pojea see dosa ngkomi tamo danakitanaka i mPue Allah.’ Wali kareba etu darapakarebaka ri kota Yerusalem ruyu panewa yako etu kareba etu darapakarebaka resi samparia bansa nto lino.

Matius 18:11

“Wali wimba pampobuuka ngkomi ane ewa rapa si’i? Rapanya re’e tau to pue domba to satu kaborosinya, pei samba’a dombanya etu pusa yau. Kesaa danaika mpue nu domba etu? Ia damampiyaika dombanya to sio mpuyu pei sio nja’u pantana pei dayau mangaliwu muni dombanya to pusa. Pasi ane ia mangarata domba etu ia masanang kojo rayanya. Aku manganto’oka komi, monso pu’u to sana-sanang tau etu mampobuuka dombanya to samba’a to narata muni etu sakowa mampobuuka dombanya to sio mpuyu pei sio to taa napusa yau. Wali ewa see seja pamporani mPa’amu to ndate saruga. Apa Ia taa rani pasiwa samba’a tau to ewa ana kodi si’i dapusa yau. Wali see naka Aku, Wiyaa nto Lino, ma’i ri lino si’i. Aku ma’i damampalaes tau to raporapaka ewa domba to pusa yau etu.”