Matius 10:19 - Tuntu i mPue ri Basa Taa

¹⁹ Pei tempo sira mamposora komi etu, ne’e moru-moru raya ngkomi mangampobuuka yami bara gombo kesaa to danusonoka ngkomi pasi ewa wimba danuika ngkomi manganto’o gombo etu. Apa tempo komi damampogomboka tau to re’e kuasanya etu, tempo etu semo panewa komi darapaponsanika gombo to darato’o.

Sura Magali Nuntu Ngkatuwu

¹⁹ Paikanya ane nakeni ntau komi da ndabotusi, neʼe ndipoʼipu ndaya kono nunjaa anu da nditoʼo, ewambeʼi da pesonomi, maka ri tempo setu i Pue anu da mampapaincanika komi nunjaa anu da nditoʼo.

Matius 10:19 Referans Kwoze

Posuwunya 4:12

Wali intam. Aku damangansawang korom tempo magombo pasi Aku damampaponsanika korom kesaa to danuto'o."

2 Timotius 4:17

Pei nempo tare tau to mampasimbalika aku, i Pue re’e ri awengku. Ia mampakaroso rayangku see aku gana karosongku mampakarebaka samparia kareba matao, see samparia tau to si’a to Yahudi maya mangandonge. Pasi Ia mangalapa aku yako ri kuasa ngkepala measa to raporapaka ewa singa.

Lukas 12:11

“Pei ane komi to mangalulu Aku, komi danasawang i Nosa Mapasing. Ri tempo to darata tau damangansoko komi pei mangkeni komi darabotus nja’u banua to napampotunde nto Yahudi, bara ri tango ngkepala-kepala bara ri tango mpomarenta apa saba komi mangalulu Aku. Pei tempo etu ne’e moru-moru raya ngkomi mampobuuka yami bara gombo kesaa to danusonoka ngkomi pasi ewa wimba danuika ngkomi manganto’o gombo etu.

Posuwunya 4:15

Wali tempo ia rata, pogomboka ia pei pakanasaka resi ia gombo to ia damanganto'o. Pei Aku damangansawang komi dua tempo damagombo, pasi Aku damampaponsanika komi dua kesaa to danuika ngkomi.

Yakobus 1:5

Pei ane re’e tau ri oyo ngkomi to taa gana kapandenya mangkonong palaong to etu, to tao-tao tau etu makai-kai mamporapika resi i Pue Allah, wali i Pue Allah damangawaika ia kapande etu. Kita mangansani i Pue Allah damangawaika kapande etu apa Ia manoto kojo resi samparia tau pasi Ia taa manganseko tau to marapi sawang resi Ia.

Matius 6:31

.Wali ne’e moru-moru sampe manganto’o, ‘Bara kesaa to dakukoni?’ pasi ‘Bara kesaa to dakuinu?’ pasi ‘Bara kesaa to dakupake?’

Matius 6:25

.Wali yako etu i Yesu manganto’o wo’u, to’oNya, “Wali si’a kasugi ngkomi ri lino si’i to bae batuanginya resi i Pue Allah. See naka Aku manganto’oka komi ne’e mampomoruka doi to danupake ngkomi damangarata anu to danupake. Ne’e mampobuu-buuka, ‘Bara yako imbare darapangarata pangkoningku pasi anu to dakuinu?’ Pasi ne’e seja mampomoruka koro ngkomi, mampobuuka, ‘Bara yako imbare darapangarata pakengku?’ Wali ne’e mampomoruka anu etu apa katuwu semo to bae-bae batuanginya pei pangkoni, pasi koro semo to bae-bae batuanginya pei pake. Wali i Pue Allah semo to mangawaika komi katuwumu pasi koromu, wali taa manto’o Ia damangawaika seja komi pangkoni pasi pake.

Pilipi 4:6

Wali ne’e moru-moru raya ngkomi mampobuuka bara kesaa. Pei nempo bara kesaa to mawali, pokai-kai resi i Pue Allah mamporapika resi Ia anu to nuporani ngkomi. Pasi ri raya mpokai-kai ngkomi etu, ne’e rakalingan manganto’oka i Pue Allah tarima matao.

Palaong mPomakau i mPue Yesu 6:10

Pei sira taa nakoto manganangi ia, apa ia nawaika i Nosa Mapasing kapande tempo ia mampogomboka sira.

Matius 6:34

.Wali see naka ne’e moru-moru raya ngkomi mampobuuka kasusa to damawali nile. Apa ane rata nile re’e wo’u kasusa to rapomoruka. Wali ponto eo gana kasusa, wali ne’e radugang wo’u mampobuuka kasusa to tawa rata.”

Matius 10:18

Pasi apa saba komi mangalulu Aku, see naka komi darakeni ri tango makole-makole pasi ri tango ntau to yusa to re’e kuasanya. Wali tempo komi rakeni ri tango nsira etu, tempo etu komi damawali matamanasa mangkonong Aku resi sira pasi resi tau to si’a to Yahudi.

Lukas 12:12

Apa tempo komi damampogomboka tau to re’e kuasanya etu, tempo etu semo panewa i Nosa Mapasing damampaponsanika komi gombo to darato’o.”