Matius 1:1 - Tuntu i mPue ri Basa Taa

¹ Ri raya buku si’i ratulis mangkonong potapi mbiyaa i Yesu Kerisitu. Ia wiyaa nu bue ngkita i Makole Daud pasi wiyaa i Abraham seja.

Sura Magali Nuntu Ngkatuwu

¹ Seʼimo posuncu anu mampomulika i Yesu Kerisitu, muli i Daudi, muli i Burahima. Ungka ri Burahima rata ri Daudi ewaseʼi posuncu ntoʼo anu mampomulika.

Matius 1:1 Referans Kwoze

Pomulanya 22:18

Pasi yako wiyaamu semo see naka samparia bansa nto lino damangarata kasanang. Samparia palaong to etu damawali apa saba korom mampalaika gombongKu.’” Etu semo parajanji i mPue Yawe resi i Abraham.

Galatia 3:16

Wali taa manto’o parajanji to naika i mPue Allah resi i Abraham pasi wiyaanya. Pei si’a wiyaa i Abraham to boros to naparajanjika i mPue Allah etu, wiyaa i Abraham to samba’aja, batuanginya i Kerisitu semo.

Roma 1:3

Wali kareba matao to natulis nsira etu kareba mangkonong Ana i mPue Allah, etu semo i Yesu Kerisitu, Pue ngkita. Wali i Yesu rapoanaka mawali to lino yako ri wiyaa i Daud. Pei i Yesu etu Ia seja Ana i mPue Allah, pasi Ia mapasing seja sewaju pei i Pue Allah. Manasa kojo Ia Ana i mPue Allah, apa yako kuasaNya i Pue Allah mangawangu muni Ia yako ri kapateNya. Wali ewa wetu naika i mPue Allah mampakanasaka kita i Yesu semo AnaNya.

Pangkita 22:16

Wali i Yesu manganto’o wo’u, “Aku semo i Yesu, pasi Aku room mampokau pomakaungKu resi komi mampakarebaka tau to mangaya Aku mangkonong palaong to si’i. Aku semo kalenya pasi wiyaa i Daud. Pasi Aku semo batu’e ngkeo anu to mareme kojo.” Etu wo’u gombo i Yesu.

Yesaya 11:1

Wali paporenta i Makole Daud, ana i Isai, raporapaka ewa kaju to roomo ratowo yau, apa tamore makole ri tempo si’i. Pei darata wo’u samba’a Makole to wiyaa i Daud seja. Paporenta Makole etu raporapaka ewa wanse to bou yako ri tu’a ngkaju to ratowo yau etu.

Yohanes 7:42

Apa tuntu i mPue Allah manganto’o i Kerisitu, Makole parajanji i mPue Allah, Ia wiyaa i Makole Daud. Pasi Ia darapoanaka nja’u kota Betlehem, kota to nakaroo i Daud tempo owi.”

Palaong mPomakau i mPue Yesu 2:30

Pei i Daud ia to pantuntu tuntu i mPue Allah pasi ia mangansani parajanji i mPue Allah. Apa i Pue Allah mamparajanjika kojo ia, to’oNya, ‘Ri tempo to darata Aku damangokotaka samba’a wiyaa ngkorom damawali seja Makole sewaju ewa korom. Wali wiyaa ngkorom etu, Ia semo i Kerisitu, Makole Parajanjingku.’

Matius 1:18

Wali ewa si’i to mawali tempo pampoana i Yesu Kerisitu. Tempo etu i Maria, indoNya etu, ia owo mawali kasimpande i Yusup. Sira dua tawa maroo siwaka, pei tempo etu semo i Maria mayu’umo, mangkayu’uka kuasa i Nosa Mapasing.

Yesaya 53:8

Ia nasoko pasi nabotus ntau panewa nakeni yau nsira darapopate yau. Pei tau to tuwu ri tempo etu sira taa mangalinga tempo Ia mate yau etu. Pei kamonsonya Ia rapopate yau apa saba dosa ntauNya semo.

Roma 9:5

Sira semo wiyaa i Abraham, i Ishak, i Yakub pasi bue-bue nsira to yusa tempo owi. Pasi i Kerisitu, Makole Parajanji i mPue Allah, tempo Ia mawali to lino Ia rapoanaka yako ri wiyaa nsira seja. I Kerisitu etu Ia semo Allah anu mangkuasang samparia, wali masipato Ia rabarong rataka singkasaenya. Amin.

Roma 4:13

Wali tempo owi i Pue Allah re’e mamparajanjika i Abraham pasi wiyaanya sira darawaika lino si’i. Naka pei Ia mangika parajanji etu resi i Abraham, si’a saba i Abraham mangalulu porentaNya. Naka pei Ia mangika parajanji etu apa i Abraham rato’o tare dosanya saba yako pangayanya.

Matius 15:22

Wali nja’u samba’a lipu etu re’e samba’a tau we’a to yako tana Kana’an. Wali tempo tau we’a etu mangansani i Yesu naratamo ri lipu etu, ia ma’i mangampago kami. Panewa rata resi i Yesu ia kaboo-boo manganto’o, “O Pue, Wiyaa i Daud, porayang aku! Apa anangku to we’a masesa kojo naepe naika measa to mamposuak ia.”

Matius 9:27

Wali i Yesu polas wo’u yako nja’u ria. Pasi tempo Ia polas etu re’e dua mba’a tau to buta to mangalulu Ia. Tau dua etu sakaboo manganto’oka i Yesu, “O Wiyaa i Makole Daud, porayang kami!”

Pomulanya 2:4

Wali etu semo sarita mangkonong tempo i Pue Yawe, etu semo i Pue Allah, nampapowali yangi pasi lino. Wali tempo i Pue Yawe mampapowali yangi pasi lino,

Matius 3:16

Wali ojo karoonya i Yesu rabaptis etu, Ia mansaka miyai muni yako ri ue. Tempo i Yesu miyai yako ri ue etu, yangi tiloka pei Ia mangkita i Nosa Mapasing yako ndate yangi ewa tagou tudu ri wawoNya.

Pomulanya 5:1

Wali si’i semo sarita to ratulis mangkonong wiyaa i Adam, ia semo tau to uyunya kojo napapowali i mPue Allah. Wali tempo i Pue Allah nampapowali tau, inikaNya sewaju ta’anya ewa lengke to si Ia semo.

Matius 1:2

Wali ewa si’i potapi mbiyaa i Yesu yako i Abraham rataka i Makole Daud tempo owi. Wali i Ishak ia ana i Abraham, Yakub ia ana i Ishak, pei Yehuda pasi pua’inya sira ana i Yakub.

Lukas 1:33

Wali Anamu etu damangkuasang wiyaa i Yakub rataka ri singkasaenya. Tare kapuranya Ia maporenta.”

1 Timotius 2:5

Apa ojo samba’aja i Pue Allah pasi ojo samba’aja to mamponsaruka kita to lino resi i Pue Allah. To mamponsaruka kita etu to lino seja, etu semo i Kerisitu Yesu.

2 Timotius 2:8

Ne’e mangkalingan i Yesu Kerisitu. Ia rawangu muni yako ri kapateNya, pasi Ia wiyaa i Daud. Wali ne’e mangkalingan Ia, apa etu semo kareba matao to kupakarebaka resi tau.