Masmur 68:18 - Tuntu i mPue ri Basa Taa

¹⁸ Wali Komi nayau nto’u Saruga pei tempo etu Komi mangkeni seja malagi tau to rata’amaka. Wali rata ndate ria, Komi rawaika sora-sora to danuwaika wo’u resi to lino. Nempo to lino to tempo ruyu sira baraewa, pei sira tiroo mangarata seja sora etu, apa etu semo jaya to naika i mPue Yawe, Allah ngkita, see Ia maya maroo sindara-ndara pei to lino.

Sura Magali Nuntu Ngkatuwu

¹⁸ Pai kareta ntau seʼe anu mompuyu ncowu pai maroso i Pue Ala njoʼu ri oyo ntau seʼe ri kakuasa-A.

Masmur 68:18 Referans Kwoze

Pangkita 21:3

Wali ojo karoonya aku mangkita kota etu, panewa aku mangandonge wo’u loo to maroso yako ri gadera Makole. Loo etu manganto’o, “Lo’aja, tampa nakaroo i mPue Allah re’e ri oyo nto lino. Ia damaroo resi sira, pasi sira damawali tauNya. Wali i Pue Allah semo damaroo ri oyo nsira panewa Ia damawali Allah to napue nsira.

2 Korintus 6:16

Wali wimba, bara masipato ane tau to mangaya i Kerisitu pei mampue tau-tau? Gete, taa! Apa koro ngkita roomo mawali banua to nakaroo i mPue Allah to tuwu, wali taa kojo masipato mangampake banua i mPue Allah mampue resi tau-tau! Wali palaong etu singkonong pei gombo i mPue Allah to ratulis ri raya ntuntuNya, to manganto’o, “Aku damaroo ri raya nsira pasi datuwu masingkatao pei sira. Aku damawali Allah nsira pasi sira damawali taungKu.” (Yehezkiel 37:27)

1 Petrus 3:22

Wali tempo i Yesu Kerisitu mambangu muni yako ri kapateNya, yako etu Ia yau muni nto’u saruga. Wali tempo si’i Ia re’e ri tondo ngkana i mPue Allah, ri tampa to bae kojo angganya. Pasi tempo si’i Ia mangkuasang pomakau i mPue Allah ndate saruga, pasi mangkuasang seja samparia to maporenta pasi to re’e kuasanya. Wali manasa resi kita saba yako kasesa to narata i ngKerisitu, see naka bae kojo kayawa to Ia mangarata. Wali masipato kita buya seja rayanta nempo mangarata kasesa sewaju ewa to narata i ngKerisitu etu.

Palaong mPomakau i mPue Yesu 2:4

Wali tempo etu bae kojo karoso ndaya to nawaika i Nosa Mapasing sira samparia. Wali samparia sira to re’e ri raya banua etu mula magombo ri raya basa to yusa to taware igurunya. Wali basa to sira mangampake etu, ewa wimba i Nosa Mapasing mangawaika sira manganto’o, etu semo to sira manganto’o.

Yohanes 16:7

Pei Aku manganto’oka komi, monso pu’u to bae-bae batuanginya resi komi ane Aku yau, apa ane rapanya Aku taa dayau, ane ewa see to Pansawang taa dama’i resi komi. Pei ane Aku yau, Aku damampokau Ia dama’i mangansawang komi.

Yohanes 14:23

Wali i Yesu mangansono, Ia manganto’o, “Ane tau mamporayang Aku, ia damampalaika gombongKu. Wali Pa’angKu damamporayang ia, pasi Kami dama’i maroo resi tau etu.

Kolose 2:9

Wali tare batuanginya mampodongeka tau etu apa kita re'e i Kerisitu. Ia mawali to lino, pei nempo ewa see, samparia to re’e resi i Pue Allah paka re'e seja resi Ia.

Roma 5:8

Pei ane i Pue Allah Ia yusa. Si’a apa saba kita matao naka pei Ia mampaponsanika kita ewa wimba kabaenya pamporayangiNya resi kita. Tempo kita tiroowa tau madosa, tempo etu semo i Kerisitu mangkapateka kita.

Pangkita 1:20

.Aku manganto’oka korom batuanginya batu’e to pitu mpa’i to korom mangkita ri palengKu tondo ngkana, pasi batuanginya tinja weyawa darapamposaka pansona. Tare tau to mangansani batuanginya tempo ruyu, pei Aku mampaponsanika korom batuanginya. Wali batu’e to pitu mpa’i etu, batuanginya pitu pomakau to mangansawang tau to mangaya Aku ri pitu kota to Aku room manganto’o ngena. Pasi tinja weyawa to pitu etu, batuanginya tau to mangaya Aku ri pitu kota etu.

Ibrani 8:1

Wali ewa si’i batuanginya gombo to kita manganto’o etu, kita re’e kojo to pampue to bae anggaNya to ewa wetu, to room matunda ri awe nggadera i Makuasa ndate saruga ri sambali tondo ngkana.

Ibrani 6:20

I Yesu roomo mampatiruyu pei kita masua ri raya songi etu. Pasi Ia mamponsaruka kita apa Ia mawalimo to pampue to bae anggaNya, sewaju ewa i Melkisedek tempo owi.

Ibrani 4:14

Wali anu kita mampakaroso pangaya to kita mampongakung, apa kita re’e samba’a to pampue to bae kojo anggaNya. Etu semo i Yesu, Ana i mPue Allah. Ia yau polas nto’u yangi rataka ndate saruga.

Ibrani 1:3

Wali AnaNya etu semo to mampaporaoka kita kayawa i mPue Allah. Pasi Ia ewa lengke to mampaporaoka kita ewa wimba kamonsonya i Pue Allah, apa Ia sewaju kojo pei i Pue Allah. Pasi Ia mampasilonga pasi mangampiara samparia anu to re’e yako ri gomboNya semo to bae kuasa. Ia semo to mampakayongo kita to lino yako ri dosa ngkita, panewa tempo Ia room mangika palaong to etu, Ia yau matunda ri awenya to Makuasa ndate saruga ri sambaliNya tondo ngkana.

Palaong mPomakau i mPue Yesu 9:17

Wali ojo karoonya i Pue mampogomboka ia, i Ananias ia yau ri banua to nato’oka i mPue ia etu. Tempo ia rata ri banua etu ia masua panewa ia mangkita i Saulus. Ia mamposaka palenya ri wawo i nSaulus, pei manganto’o, “Saulus, a’ingku, i Pue Yesu to nampokau aku ma’i resi korom. Ia semo to nukita ngkorom ri jaya tempo korom ma’i si’i. Wali Ia nampokau aku ma’i resi korom see korom damangkita muni rao. Pasi Ia nampokau aku ma’i see korom dabae kojo karoso ndaya to danawaika i Nosa Mapasing korom.”

Palaong mPomakau i mPue Yesu 2:23

Wali i Yesu etu Ia roomo raposora yau resi komi, pasi tempo Ia raposora yau etu komi mampopate yau Ia apa komi mangawaika tau maja’a mampaku Ia ri kaju pasape. Pei i Pue Allah nansani yami palaong etu damawali, apa palaong etu mangalulu songka to si Ia.

Lukas 24:51

Tongo-tongonya Ia makai-kai etu, Ia mampiyaika sira, Ia tiokotakamo nto’u saruga.

Lukas 24:49

Wali Aku damampokau i Nosa Mapasing anu to roomo naparajanjika mPa’angKu komi. Pei karoo-roo ri raya ngkota Yerusalem si’i mangampeas temponya Ia darata resi komi. Ne’ewa mampiyaika kota si’i ane tawa mangarata kuasa to yako ndate saruga to danawaika i Nosa Mapasing komi.”

Lukas 24:47

Pasi re’e seja gombo to ratulis to manganto’o saba yako kuasa i ngKerisitu, see naka tau damampakarebaka resi sa’e manganto’oka sira, ‘Pojea see dosa ngkomi tamo danakitanaka i mPue Allah.’ Wali kareba etu darapakarebaka ri kota Yerusalem ruyu panewa yako etu kareba etu darapakarebaka resi samparia bansa nto lino.

Markus 16:9

Wali ojo kaeonya rao eo Minggu, i Yesu mambangu muni yako ri kapateNya. Yako etu Ia mampapokitaka tau Ia. Uyu-uyunya Ia rata resi i Maria to yako ri kampu Magadan. I Maria to etu ia seore naposuak measa pei i Yesu nangarubak measa yako resi ia. Pitu measa to narubak i Yesu yako resi ia etu.

Matius 9:13

Wali tau madosa to nuto’o ngkomi etu, sira ewa tau to masaki to mamporani dokter. Pei ane komi, komi mampobuuka komi nempo taa rasawang taa mawei, apa komi madota kojo mangika pampue singkonong ewa porenta i mPue Allah. Pei gombo ngkomi ngena mampakanasaka Aku komi taa kojo mamporayang sa’e. Wali to tao-tao komi mampobuuka kojo pasi mampobatuangika gombo to ratulis ri raya ntuntu i mPue Allah to manganto’o, ‘Si’a pampue to mampakasanang rayangKu. Pamporayang semo.’ (Hosea 6:6; Mat 12:7) Wali pobuuka kojo batuanginya ayat to etu apa ewa wetu seja Aku. Apa Aku ma’i si’a ma’i mangansale tau to mampobuuka taa sala. Aku ma’i mangansale tau madosa see sira damajea. See naka Aku mangkoni sindara-ndara pei tau madosa etu.”