Masmur 23:2 - Tuntu i mPue ri Basa Taa

² Wali ane to pangkampang domba etu, ia mangkeni dombanya njo’u pada to mangura kayanya see gana pangkoninya. Ia mangabiaka dombanya etu maturu mampakasanang ri pada etu. Pasi ane tempo dombanya rani manginu ue, ia mangkeni sira ri ue to lindu. Wali ewa naika nto pangkampang domba etu madota kojo mampiara dombanya, ewa see seja kadota i mPue Yawe mampiara aku.

Sura Magali Nuntu Ngkatuwu

² Sira mauli yaku ri pada anu malimbokori, Sira manini yaku ri koro ue anu lindu-lindu.

Masmur 23:2 Referans Kwoze

Pangkita 7:17

Apa Ana nu Domba anu to maporenta sindara-ndara pei i Pue Allah Ia damawali to pangkampang nsira. Ia damangawawa sira njo’u mata nue to mangawaika sira katuwu. Pasi i Pue Allah damampalasi yau samparia ue mata nsira.

Pangkita 22:1

Wali yako etu pomakau i mPue Allah mampaporaoka aku koro nu ue to mangawai katuwu. Ue etu malino kojo ewa kasa to rato’oka kristal. Wali ue etu maili yako ri gadera to napatunda i mPue Allah pasi Ana nu Domba.

Pangkita 21:6

Panewa Ia manganto’oka aku, “Room! Aku semo Alpa pasi Omega, batuanginya Aku semo pamulanya pasi kapuranya. Wali i sema-sema to mangau warokonya Aku damangawaika ia damanginu ue yako ri mata nu ue to mangawaika katuwu, pasi ia taa damangabayar ue etu.

Pangkita 22:17

Wali yako etu, i Nosa Mapasing pasi Kasimpande nu Ana Domba sira manganto’o, “Maimo!” Pasi i sema tau to mangandonge gombo si’i, matao ia seja manganto’o, “Maimo!” Pasi i sema to mangau warokonya, biakamo ia naka ma’i. Pasi i sema to rani, biakamo ia mangoko ue to mangawai katuwu, ue etu tare olinya to danabayar.

Posuwunya 15:27

Wali yako etu sira mampolasaka palinja nsira yako nja’u ria pei rata nja’u lipu to rato’oka Elim. Nja’u Elim etu, re’e sampuyu pei dua mata nue pasi re’e pitu mpuyu mpu’u kaju to rato’oka kaju wai. Wali sira songka dayore nja’u ria see naka sira mangawangu tenda-tendanya ri awe mata nue etu.