Masmur 22:16 - Tuntu i mPue ri Basa Taa

¹⁶ Wali boros tau to balingku sira raporapaka ewa asu to maja’a kiranya mangalimpung yau aku. Tau to maja’a etu kalili-lili rani mampakaja’aka yau aku. Wali sira mangantosu palengku pasi witingku.

Sura Magali Nuntu Ngkatuwu

¹⁶ Wurokoku mangau ewas ripu butolo, jilaku metapa ri langaraku. Pue, Ndipalaika yaku ri wawo awu ewa tau anu tengomo.

Masmur 22:16 Referans Kwoze

Yohanes 19:37

Pasi re’e seja gombo to rabanang to manganto’o, “Sira damangalo’aka Ia to roomo natuja nsira.” (sakharia 12:10) Etu semo tuntu i mPue Allah to nabanang mpalaong to etu.

Matius 27:35

Yako etu, tentara etu mangampaku i Yesu ri kaju pasape pasi ri wawo mbo’oNya sira mamposaka anu to ratulis ewa biasa naika nsira mampakanasaka tau boros sala ntau to rapaku etu. Anu to ratulis etu manganto’o, “SI’I SEMO I YESU, MAKOLE NTO YAHUDI.” Wali ojo karoonya i Yesu rapaku ri kaju pasape, tentara etu mampobata’aka yau pakeNya. Palaong etu mangabanang gombo to natulis yami nto pantuntu Tuntu i mPue Allah tempo owi. Wali roo see tentara etu matunda mangajagai Ia.

Yohanes 20:25

Wali tempo i Tomas rata muni, kami to yununya mangansaritaka resi ia, kami manganto’o, “Kami roomo mangkita i Pue!” Pei i Tomas manganto’oka kami, “Gete, ane aku tawa mangkita waka mpaku ri paleNya pasi manganjoloka tanujungku ri waka mpaku etu, pasi ane aku tawa manganjoloka palengku ri usuNya to ratujaka yu’a, ane ewa see aku tawa seja damangaya gombo ngkomi etu.”

Yohanes 19:23

Wali tempo tentara mangampaku i Yesu ri kaju pasape, sira mangoko samparia pakeNya panewa sira opo mangantila yau. Wali sira samparia mangantima sangaya pake i Yesu etu. Ojo bajuNya to marade sira taa mangantila yau. Apa bajuNya etu taa rajau, apa raika singkenta yami yako ri wawonya rataka ri wiinya.

Markus 15:24

Yako etu, jam sio yau wuro, tentara etu mangampaku i Yesu ri kaju pasape. Pasi tempo Ia rapaku etu re’e anu to ratulis to rapaku seja ri kaju etu ewa biasa naika nsira mampakanasaka tau boros sala ntau to rapaku etu. Anu to ratulis etu manganto’o, “SI’I SEMO MAKOLE NTO YAHUDI. Wali ojo karoonya i Yesu rapaku ri kaju pasape, tentara etu mampobata’aka yau pakeNya.

Yohanes 19:34

Pei re’e samba’a tentara to mangantujaka yu’a ri usu i Yesu see matantu Ia namatemo, panewa mansaka masuwu raa pasi ue.

Lukas 23:33

Wali yako etu sira rata nja’u pantana to rato’oka Wuku Wo’o. Rata nja’u ria tau to mangkeni i Yesu mangampaku Ia ri kaju pasape. Pasi sira mangampaku seja tau maja’a dua mba’a etu ri kaju pasape panewa kaju pasapenya rapokore ri awe nu ngkaju pasape i Yesu, samba’a ri sambalinya tondo ngkana, pasi samba’a wo’u ri sambalinya tondo ngkii.

Pilipi 3:2

Wali jagai kojo tau to maja’a to raporapaka ewa asu to maja’a kiranya. Tau etu maja’a palaonginya, pasi sira rani mampakasaaka komi, sira manganto’o komi taa maya taa damangangkojot koro ngkomi see danatima i mPue Allah.

Lukas 23:23

Pei tau boros pasi kepala-kepala nto pampue etu ojo maroso wo’u loonya sakaboo manganto’oka ia paku yau i Yesu ri kaju pasape. Makanano kojo sira see naka nangi i Pilatus.

Yesaya 53:5

Pei si’a ewa wetu. Kamonsonya, Ia rawelang saba dosa ngkita. Pasi Ia ratidas yau saba lengko ngkita to maja’a. Wali apa saba Ia rahuku, see naka kita maya masanang. Pasi apa saba Ia rawelang, see naka kita maya rapakatao muni.

Yohanes 20:27

Roo see Ia manganto’oka i Tomas, “Lo’a palengKu si’i, pei posaka tanujumu ri waka mpaku. Pasi tonjuka palemu pei joloka ri usungKu. Ne’emo bata-bata rayamu, pei ayamo!”

Pangkita 22:15

Pei tau to makarika lengkonya, to raporapaka ewa asu, pasi tau to mangadoti sa’e, tau to magoyal, tau to mampopate sa’e, tau to mampue pue to yusa, pasi samparia tau to masanang sangkani mawuti, sira samparia paka nja’u sambali ngkota.

Matius 26:57

Wali yako etu, tau to mangansoko i Yesu etu, sira mangkeni Ia resi kepala nto pampue to bae angganya, i Kayapas. Nja’u ria nasiromumo seja tau to mampoguru porenta i Musa pasi tau tu’a nto Yahudi apa sira semo to biasa mangabotus tau to mangewa porenta-porenta nto Yahudi. Wali see naka i Yesu rakeni mampotango sira.

Matius 7:6

Wali yako etu i Yesu manganto’o rapa mampakanasaka tau ne’e mampotundeka tuntu i mPue Allah resi tau to bo’onya kojo mampodongeka. Ia manganto’o, “Anu to bae batuanginya, ne’e rawaika asu to maja’a kiranya, apa asu etu ojo damangansoko komi. Pasi ane watu to masuli olinya to rato’oka mutiara, ne’e ratajika yau ri tango mbawu, apa wawu etu ojo damangalombu yau.” Wali etu semo rapa to nato’o i Yesu etu.