Markus 7:3 - Tuntu i mPue ri Basa Taa

³ Wali sira masusa mangangkita palaong to etu apa to Yahudi to aliran Parisi etu pasi samparia to Yahudi to yusa, sira mangalulu kojo ada nto tu’angi nsira. Wali ane ewa ada nsira etu sira tawa maya mangkoni ane taa mamue ruyu singkonong ewa ada etu.

Sura Magali Nuntu Ngkatuwu

³ Waʼa nto Parisi pai pura-pura waʼa nto Yahudi timama kojo palulunya ada ntuʼa ntau seʼe. Tau seʼe bareʼepa da mangkoni ane bareʼe nawusoʼi palenya malulu ada anu roo ndapakanoto.

Markus 7:3 Referans Kwoze

Galatia 1:14

Pasi ane yunungku to Yahudi to sintanuwu pei aku, kaborosinya sira aku semo to roso-roso mangaluluka agama nto Yahudi, apa aku mangkongko kojo ada nu bue-bue mami.

Markus 7:13

Wali ewa wetu nuika ngkomi ojo mangaliunaka tuntu i mPue Allah see maya mangalulu ada ngkomi. Pasi boros wo’u palaong to yusa to nuika ngkomi mangaliunaka tuntu i mPue Allah.”

Kolose 2:8

Wali pakatao kojo see komi taa na'akal ntau to magombo yako ri kapande nto lino. Apa gombo ntau etu kamonsonya tare batuanginya pasi ojo mangantipu tau. Tau etu ojo mampotundeka sa'e mangkonong ada to napotundeka nu bue-bue ngkita to lino. Pasi sira mampotundeka sa'e pampobuuka ntau mangkonong lino si'i. Wali anu to napotundeka nsira etu si'a yako resi i Kerisitu kama'inya.

1 Petrus 1:18

Wali komi mangansani komi roomo ralapa yako ri ara ngkuasa nu ada to tare batuanginya to komi mangantima yako resi bue-bue ngkomi. Pasi komi mangansani seja si’a pera bara weyawa to nabayarika i ngKerisitu see mangalapa kita yako ri ada etu. Si’a! Apa pera pasi weyawa etu tiroowa re’e temponya maja’a yau.

Markus 7:5

Wali tempo to Yahudi to aliran Parisi pasi tau to mampoguru porenta i Musa, tempo sira mangkita anaguru i Yesu mangkoni taa mamue ruyu mangalulu ada to etu, sira masusa kojo rayanya wali sira mangampago i Yesu panewa mampotanaka resi Ia, sira manganto’o, “Maka pei anaguruMu taa mangalulu ada nto tu’angi ngkita? Apa tempo sira mamue damangkoni, tempo etu sira taa mangika singkonong ewa ada to etu?”

Lukas 11:38

Pei to Parisi etu ipu rayanya apa ia mangkita i Yesu mangkoni pei tare mamue ruyu singkonong pei ada nsira.

Yohanes 2:6

Wali ane agama nto Yahudi, re’e ada mangkonong tau mampakayongongika koronya pasi ngaya-ngayanya, wali see naka tempo roa mpaparongo etu nja’u ono yongu tampa nue to bose to raika yako watu. Tampa nue etu soa pei kabaenya gana darabanangika ue satu liter samba’a pei samba’a.