Markus 1:3 - Tuntu i mPue ri Basa Taa

³ Pasi mangkonong tau to rapokau etu, i Pue Allah manganto’o, “Re’e tau maroso loonya mampogomboka tau boros nja’u pada bone, ia manganto’oka tau etu, ‘Tamo masae i Pue darata. Wali ewa naika ntau mampasilongaka yami i makole jaya see taa masuli palinjanya, ewa wetu seja nuika ngkomi mampasilonga raya ngkomi damangaya i Pue.’” (Maleakhi 3:1; Yesaya 40:3) Wali etu semo to natulis i Yesaya tempo owi.

Sura Magali Nuntu Ngkatuwu

³ Reʼe tau meboo-boo ri pada bone, ‘Ndipatokakamo i Pue jaya-A; ndipalenemo waʼa njaya anu da ndapoliu.’ ”

Markus 1:3 Referans Kwoze

Matius 3:3

Wali i Yohanes etu semo to nato’o nto pantuntu tuntu i mPue Allah, i Yesaya, tempo owi. Ia manganto’o, “Re’e tau maroso loonya mampogomboka tau boros nja’u pada bone, ia manganto’oka tau etu, ‘Tamo masae i Pue darata. Wali ewa naika ntau mampasilongaka yami i makole jaya see taa masuli palinjanya, ewa wetu seja nuika ngkomi mampasilonga raya ngkomi damangaya i Pue.’” (Yesaya 40:3) Wali etu semo to natulis i Yesaya tempo owi.

Yohanes 1:15

Wali i Yohanes to Pombaptis magombo mangkonong Ia to rato’oka i Tuntu etu. Ia maroso loonya manganto’o, “Si’i semo tau to mangabanang gombongku seore tempo aku manganto’o, ‘Tau to dama’i wo’u yako aku si’i, Ia semo to bae-bae anggaNya pei aku. Apa tempo aku tawa re’e, Ia re’e yamimo.’” Etu semo to nato’o i Yohanes.

Matius 3:1

Wali yako etu, tempo i Yesu baemo, tempo etu re’e samba’a tau to rato’oka i Yohanes to Pombaptis. Yohanes etu ia mula mampakarebaka tau tuntu i mPue Allah nja’u pada bone ri propinsi Yudea.

Lukas 3:2

Pasi tempo etu i Hanas sira dua i Kayapas semo to mawali kepala nto pampue to bae angganya. Wali tempo etu semo i Yohanes, ana i nSakharia, maroo-roo nja’u pada bone. Tempo ia nja’u ria i Pue Allah mampotuunaka resi ia manganto’oka ia yau mampakarebaka resi tau tuntuNya.