Lukas 9:51 - Tuntu i mPue ri Basa Taa

⁵¹ Wali yako etu mosumo temponya i Yesu datiokotaka nto’u saruga, wali Ia mampakaroso dayau ndeku kota Yerusalem ri propinsi Yudea.

Sura Magali Nuntu Ngkatuwu

⁵¹ Bareʼemo masae i Yesu da ndaoretakamo ndeki suruga, ndapakanotomo da kandekua ri Yerusale.

Lukas 9:51 Referans Kwoze

Markus 16:19

Wali ojo karoonya i Yesu mampogomboka anaguruNya, Ia tiokotaka nto’u saruga. Panewa Ia matunda ri awe i mPue Allah ri sambaliNya tondo ngkana, tampa to bae angganya.

Lukas 18:31

Wali yako etu i Yesu mampokio anaguruNya to sampuyu pei dua pei mangkeni sira masepi yau sangkodi yako ri jaya. Roo see Ia mampakanasaka sira mangkonong palaong to damawali resi Ia, Ia manganto’o, “Kita dayau ndeku Yerusalem, panewa nda’a ria damawali samparia palaong to natulis yami nto pantuntu tuntu i mPue Allah tempo owi mangkonong Aku, Wiyaa nto Lino.

Lukas 13:22

Wali yako etu i Yesu polas dayau ndeku kota Yerusalem. Pei ri raya mpalinjaNya yau nto’u ria Ia liu mandoo ri kota-kota pasi ri kampu-kampu to re’e ri jaya. Tempo Ia mandoo ri lipu-lipu etu Ia mampotunde tau.

Lukas 17:11

Wali yako etu i Yesu polas wo’u dayau ndeku Yerusalem. Ri raya mpalinjaNya etu Ia mangalulu jaya to ri ungka mpropinsi Galilea pasi Samaria.

1 Petrus 3:22

Wali tempo i Yesu Kerisitu mambangu muni yako ri kapateNya, yako etu Ia yau muni nto’u saruga. Wali tempo si’i Ia re’e ri tondo ngkana i mPue Allah, ri tampa to bae kojo angganya. Pasi tempo si’i Ia mangkuasang pomakau i mPue Allah ndate saruga, pasi mangkuasang seja samparia to maporenta pasi to re’e kuasanya. Wali manasa resi kita saba yako kasesa to narata i ngKerisitu, see naka bae kojo kayawa to Ia mangarata. Wali masipato kita buya seja rayanta nempo mangarata kasesa sewaju ewa to narata i ngKerisitu etu.

Ibrani 12:2

Pasi anu kita mangalo’aka yau resi i Yesu apa Ia semo mata njaya to nalulu ngkita pasi Ia semo to mampasilonga pangayanta. Ia mate rapaku ri kaju pasape, pasi kapate to etu napobuuka ntau to tempo etu kapate to masipato kojo rapokea. Pei nempo ewa wetu, taa mawei resi i Yesu, Ia ojo mangainsoka apa Ia mampobuuka kandende ndaya to Ia damangarata karoonya Ia mangika palaong to etu. Wali si’i-si’i Ia matunda ri awe nggadera i mPue Allah ri sambali tondo ngkana.

Ibrani 6:20

I Yesu roomo mampatiruyu pei kita masua ri raya songi etu. Pasi Ia mamponsaruka kita apa Ia mawalimo to pampue to bae anggaNya, sewaju ewa i Melkisedek tempo owi.

1 Timotius 3:16

Wali monso pu’u bae kojo batuanginya anu to napaponsanika i mPue Allah mangkonong pangaya ngkita. Etu semo, I Pue Allah nama’i mawali tau, Pasi i Nosa Mapasing mampakanasa Ia tare dosa. Ia nakita mpomakauNya yako ndate saruga, Pasi kareba mangkonong Ia rapakarebaka resi tau samparia bansa. Pasi tau sambawo lino re’e to mangaya Ia. Pasi Ia tiokotaka nto’u saruga ri raya ngkayawaNya.

Epesus 1:20

to Ia mangampake resi i Kerisitu tempo mangawangu muni Ia yako ri kapateNya, pasi tempo mampapotunda Ia ri aweNya ri sambali tondo ngkana ndate saruga.

Palaong mPomakau i mPue Yesu 1:9

Wali ojo karoonya i Yesu mampogomboka anaguruNya etu panewa Ia tiokotaka ri tango nu mata nsira. Wali ilo’aka nsira Ia ilerung yau nu limu, wali sira tamo mangkita.

Palaong mPomakau i mPue Yesu 1:2

rataka ri temponya i Pue Allah mangangokotaka muni Ia nto’u Saruga. Tempo Ia tawa natiokotaka etu, Ia magombo yako ri kuasa i Nosa Mapasing, mampaposiaka anaguruNya to ipilisiNya.

Yohanes 17:11

Wali si’i-si’i Aku dayau muni resi Komi, wali Aku tamo damaroo ri lino si’i. Pei tau to Komi mansarumakaka resi Aku etu, sira tiroowa damaroo ri lino si’i. Wali Pa’a anu to Mapasing, Kuporapika resi Komi see Komi damangararamaka sira mangampake kuasa ngKomi. Kuasa etu semo kuasa to nuwaika seja ngKomi Aku. Wali raramaka sira see sira samba’a pampobuuka sewaju ewa Kita samba’a pampobuuka.

Yohanes 16:28

Wali monso pu’u Aku ma’i napokau mPa’angKu rata ri lino. Pasi tempo si’i Aku damampiyaikamo lino si’i damawolili muni resi Pa’angKu.”

Yohanes 16:5

Pei Aku mampaponsanika komi tempo si’i apa Aku damawolili muni resi Ia to nampokau Aku. Pei tare pasi samba’a komi to mampotanaka resi Aku bara imba dakukayako etu.

Yohanes 13:1

Wali yako etu, mosumo temponya Roa Paskah. Tempo etu i Yesu mangansani ratamo temponya Ia dapolas yako ri lino si’i dayau muni resi Pa’aNya. Wali ri raya ngkatuwu i Yesu ri lino, Ia tare pandooNya mamporayang joaNya to lino, pei tempo etu Ia damampaponsanika resi sira bae kojo pamporayangiNya etu.

Yohanes 6:62

Ane sakowa to etu masuli resi komi, taa manto’o ane ratamo temponya komi mangkita Aku, Wiyaa nto Lino, mawolili muni nto’u wakangKu ri saruga!

Lukas 24:51

Tongo-tongonya Ia makai-kai etu, Ia mampiyaika sira, Ia tiokotakamo nto’u saruga.

Lukas 19:28

Wali ojo karoonya i Yesu manganto’o rapa etu Ia polas wo’u yau ndeku Yerusalem. Pei tempo Ia yau etu, Ia semo to malinja ri tangonya. Tau to yusa mangalulu ri payuNya.

Lukas 19:11

Wali tempo tau nja’u ria tiroo mampodongeka gombo i Yesu, Ia manganto’oka wo’u sira rapa apa Ia rani mampaponsanika resi sira tawa rata temponya Ia mawali Makole ri lino. Naka pei Ia manganto’oka sira rapa etu apa tempo etu sira tamo longko yako ri kota Yerusalem pasi re’e sira to sala mampobuuka ane Ia ratamo ri Yerusalem, Ia mansaka damawali Makole ri lino.

Lukas 12:50

Pei ri katawanya palaong etu mawali, Aku tiroowa damangarata kasesa to mapari kojo. Kasesa etu dakono juku ri korongKu, see naka maya raporapaka ewa ue to rapangayo’o tau tempo rabaptis. Wali Aku taware kasanang ndayangKu ane tawa roo kasesa etu.

Pilipi 3:14

Wali ewa naika ntau matilumba etu mangampago ungkanya daraparipo etu see maya mangarata dale, ewa wetu seja kuika mangampago dale to danawaika i mPue Allah aku. Etu semo samparia to napokioka i mPue Allah kita damangantima ndate saruga apa saba kita samba’a pei i Kerisitu Yesu.

Lukas 9:57

Wali ri raya mpalinja nsira dayau njo’u kota etu, re’e samba’a ngkai to manganto’oka i Yesu, ia manganto’o, “Aku kuporani mawali yau anaguru ngKomi, wali aku damangalulu Komi nempo imbanjo danukayako.”