Lukas 9:43 - Tuntu i mPue ri Basa Taa

⁴³ Wali samparia tau to mangkita palaong etu paka ipu kojo raya nsira mampobuuka kuasa i mPue Allah bae kojo. Wali tempo tau boros etu tiroo ipu rayanya mampobuuka palaong to naika i Yesu etu, tempo etu i Yesu manganto’oka anaguruNya,

Lukas 9:43 Referans Kwoze

Matius 17:22

Wali yako etu re’e seore i Yesu pasi kami to anaguruNya siromu nja’u propinsi Galilea. Tempo etu Ia manganto’oka kami, to’oNya, “Aku, Wiyaa nto Lino, daraposora yau resi tau.

2 Petrus 1:16

Wali a’i-a’i, aku rani kojo komi mampobuuka anu to paponsanika mami komi seore, apa anu to to’o mami etu monso pu’u. Wali anu to kami mampaponsanika komi seore etu, mangkonong kuasa i Yesu Kerisitu, Pue ngkita, pasi mangkonong temponya Ia dama’i wo’u. Pei tempo kami mampaponsanika komi etu, kami taa mangampake sarita-sarita to taa monso to naika ntau to pande. Kami mangansaritaka komi mangkonong palaong to nakita nu mata mami seore. Apa kami semo matamanasa mangkonong kuasa i Yesu Kerisitu. Kuasa etu bae kojo kayawanya.

Lukas 8:25

Roo see i Yesu manganto’oka anaguruNya, “Maka pei komi taa mansarumaka Aku?” Wali anaguruNya etu meka pasi ipu kojo raya nsira pei masipotanaka samba’a pei samba’a, sira manganto’o, “Gete, sema kamonsonya tau si’i maka sakowa ngoyu pasi bombang Ia mamporentang panewa sira mampalaika seja Ia?”

Lukas 5:26

Wali ipu kojo raya ntau boros mangkita palaong to etu. Sira mangabarong i Pue Allah. Pasi sira meka seja rayanya pei manganto’o, “Gete! Taa kojo rapobiasa palaong to ikitanta seo si’i.”

Lukas 4:36

Wali tempo tau boros mangkita palaong etu sira paka ipu kojo rayanya pei manganto’o samba’a pei samba’a, sira manganto’o, “Gete gombo ntau si’i! Bae kojo kuasaNya pasi karosoNya tempo Ia mamporentang measa, see naka sira miyai yako resi tau!”

Lukas 5:9

Naka pei ia manganto’o ewa wetu apa ia pasi samparia yununya to samba’a bangka pei ia paka ipu raya nsira apa saba yako kuasa i Yesu see naka re’e bau to boros kojo to narata nsira etu.

Markus 6:51

Roo see i Yesu mapone ri bangka nsira. Wali ojo papone i Yesu ri bangka, ngoyu marimbo mandoo. Wali anaguru i Yesu sira ipu kojo rayanya mangkita ngoyu marimbo mandoo.

Masmur 139:14

Wali tempo aku mampobuuka palaong to nuika ngKomi mampapowali aku etu, aku mangabarong Komi, apa palaong ngKomi etu masipato ra’angga pasi mampakaipu rayangku. Wali manasa kojo resi aku samparia palaong ngKomi paka taa rapobiasa.

Lukas 9:42

Pei tongo-tongonya ana etu mangampago i Yesu, kodi majoli measa to re’e ri raya nu ana etu mangika see ia tisiba yau ri wawo ntana pasi kanjonjo-njonjo. Pei i Yesu manganseko measa etu see naka ia miyai, roo see Ia mampakatao muni ana etu panewa mangawaika muni resi pa’anya.

Lukas 18:43

Wali tau etu mansaka mangkita muni rao, panewa ia mangalulu seja i Yesu ri raya mpalinjaNya etu. Pasi ri rayanya ia malinja ia mangabaro-barong i Pue Allah. Wali ojo pangkita ntau boros palaong to mawali etu, sira paka mangabarong seja i Pue Allah.