Lukas 9:31 - Tuntu i mPue ri Basa Taa

³¹ Wali sira dua bae kojo seja kayawanya. Pasi sira dua mampogomboka i Yesu mangkonong kapateNya to damawali nda’a kota Yerusalem singkonong pei songka i mPue Allah.

Lukas 9:31 Referans Kwoze

Pilipi 3:21

Wali ojo kama’iNya, tempo etu Ia damangawali yau koro ngkita to masiasi si’i see damawali sewaju ewa koro to si Ia to bae kojo kayawaNya. Ia damangika palaong to etu damangampake kuasaNya. Wali kuasaNya etu sewaju pei kuasaNya to mampakakoro Ia mangkuasang samparia anu to re’e.

2 Petrus 1:15

Wali see naka aku madota kojo mangantulisika komi sura si’i mangkonong anu to etu see nempo aku roomo mate yau, tiroowa re’e sura si’i damampatiendoka komi mangkonong anu to roomo rapotundeka resi komi etu.

1 Petrus 5:10

Pei kasesa to nurata ngkomi etu taa damasae. Panewa roo see i Pue Allah semo damampasilonga komi pasi Ia damampakainti, mampakaroso pasi mampakarodo seja komi. Wali Ia damangika ewa wetu apa samparia anu to manoto i Pue Allah semo pu’unya. Pasi Ia semo to roomo mampokio kita damangarata seja santila yako kayawaNya to singkasaenya. Wali matantu kita damangarata keyawa etu apa kita samba’a pei i Kerisitu Yesu.

Pangkita 7:14

Wali aku mangansono, manganto’oka ia, “Taa kunsani, Pa’a. Komi semo to mangansani.” Panewa ketua etu manganto’oka aku, “Tau si’i semo to masuwu yako ri kasesa to mapari kojo. Sira roomo mangantatap bajunya ri raa nu Ana Domba wali bajunya etu mawali buya.

Kolose 3:4

Wali katuwu ngkita to monso, etu semo i Kerisitu. Pasi tempo Ia ma'i wo'u, tempo etu kayawaNya darapapokita. Pasi tempo etu kayawa ngkatuwu ngkita to bou darapapokita seja apa kita dasiwaka pei Ia.

2 Korintus 3:18

Wali apa saba tamo re’e to mangabombong pampobuuka ngkita to mangaya, see naka kita samparia maya mampobuuka kojo kayawa i mPue. Pampobuuka ngkita etu raporapaka ewa mangalo’a kayawa i mPue ri raya nsami. Wali ri rayanya kita mampobuuka kayawa i mPue etu, kanjo’u-njo’u lengko ngkita darawali si-singkodi kasae-sae dasewaju ewa Ia. Pasi kanjo’u-njo’u tiduga-dugang kayawa ngkita yako resi Nosa i mPue.

Yohanes 1:29

Wali yako etu, ojo kaeonya wo’u rao i Yohanes mangkita i Yesu ma’i mangampago ia. Wali ia mangansani i Yesu semo to damawali pampue nu dosa ewa ana nu domba to napampueka ntau resi i Pue Allah ane sira mangika dosa. Wali see naka ia manganto’oka tau boros, “Lo’aja tau etu! Ia semo Ana nu Domba to nawai i mPue Allah, Ia ma’i damangansompo dosa nto lino!

Lukas 9:22

Wali yako etu i Yesu manganto’oka wo’u anaguruNya, “Aku, Wiyaa nto Lino, damangarata boros kasesa. Pasi Aku danapobo’o ntau tu’a nto Yahudi pasi kepala-kepala nto pampue pasi tau to mampoguru porenta i Musa. Wali Aku darapopate yau, pei yako etu, ri rayanya togo eo Aku darawangu muni yako ri kapatengKu.”

Lukas 9:30

Wali tempo etu kodi majoli re’e seja dua mba’a tau to magombo-gombo pei i Yesu. Tau dua etu i Musa pasi i Elia to tempo owi.

Ibrani 11:22

Wali i Yusup seja mangaya i Pue Allah, pasi yako pangayanya etu, tempo ia mosu pura nosanya, ia magombo mangkonong temponya to Israel damasuwu yako ri tana Mesir. Pasi ia mampotuu resi tau, manganto’o, “Ane rata temponya komi masuwu etu, keni seja wuku-wukungku.”