Lukas 9:26 - Tuntu i mPue ri Basa Taa

²⁶ Wali lulu Aku apa Aku, Wiyaa nto Lino, dama’i muni ri lino si’i. Tempo etu bae kuasangKu pasi keyawangKu, pasi re’e seja kuasa pasi keyawa i mPue Allah, Pa’a, resi Aku, pasi re’e seja kuasa pasi keyawa mpomakau to i Pue Allah puenya. Wali i sema tau to mea mangalulu Aku pasi gombongKu, Aku damea seja mampongakung tau etu Aku puenya tempo Aku dama’i etu.

Sura Magali Nuntu Ngkatuwu

²⁶ Tau anu maeanya maʼaku Yaku pai pompaguru-Ku, ewanceʼe seʼe da maea mata i Ana Manusia da maʼaku tau setu ri da kajelanya pai kuasa ungka ri Papa sangkani-ngkani pai waʼa malaʼeka anu magali.

Lukas 9:26 Referans Kwoze

2 Timotius 2:12

Pasi ane kita mangainsoka ri raya ngkasesa, kita seja damaporenta sindara-ndara pei Ia. Pei ane kita mamposapuka Ia, Ia seja damamposapuka kita.

Roma 1:16

Wali aku taa mangepe mea mampakarebaka kareba matao mangkonong i Kerisitu, apa kareba matao etu semo karoso i mPue Allah. Apa i sema tau to mangaya kareba matao etu, karoso i mPue Allah mampalaes tau etu. Wali uyu-uyunya owo to Yahudi to rakenika kareba matao, pei si’i-si’i pasi tau to si’a to Yahudi sira rakenika seja kareba matao.

Markus 8:38

Wali tempo si’i re’e tau to tuwu to room mampiyaika yau i Pue Allah pei mangaluluka wo’u pue to yusa. Tau etu madosa kojo. Wali komi ne’e mea mangaluluka Aku ri tango ntau madosa etu. Apa tempo to darata, Aku, Wiyaa nto Lino, dama’i muni ri lino si’i sindara-ndara pei pomakau to i Pue Allah puenya. Tempo etu kuasa pasi kayawangKu sewaju pei kuasa pasi kayawa mPa’angKu. Wali i sema tau to mea mangaluluka Aku pasi gombongKu ri tango ntau to madosa tempo si’i, Aku damea seja mangampongakung tau etu Aku puenya tempo Aku dama’i etu.”

Pangkita 21:8

Pei tau to maleo, pasi tau to taa mangaya Aku, tau to kajimi, tau to mampopate sa’e, tau to magoyal, tau to mampake do’a, tau to mampue pue to yusa pasi samparia tau to masanang sangkani mawuti, tau to ewa wetu tare ri Yerusalem to bou, sira re’e la’u rano nu apu pasi sedawa to mawea. Etu semo kapate to kadua.”

Matius 16:27

Wali lulu Aku apa Aku, Wiyaa nto Lino, Aku dama’i sindara-ndara pei pomakaungKu yako ri saruga. Tempo etu kuasa pasi kayawangKu sewaju pei kuasa pasi kayawa mPa’angKu. Pasi tempo Aku dama’i etu Aku damangawaika samparia tau ntanapa to singkonong pei palaong to naika nsira samba’a pei samba’a.

Matius 25:31

Wali yako etu i Yesu manganto’o wo’u, “Wali Aku, Wiyaa nto Lino, dama’i ri raya ngkayawangKu pasi samparia pomakaungKu yako ndate saruga, sira dama’i sindara-ndara pei Aku. Wali tempo Aku dama’i etu, Aku damangabotus to lino, see naka Aku damatunda ri gadera to tondong kuasangKu pasi kayawangKu.

Yohanes 12:43

Pasi re’e wo’u sabanya naka pei sira taa mampongakung pangaya nsira, etu semo sira mangepe bae wo’u batuanginya resi sira ane to lino mangabarong sira sakowa i Pue Allah mangabarong sira.

Pangkita 20:11

Wali ojo karoonya i maja’a rapanasoka yau lo’u rano nu apu, aku mangkita wo’u gadera Makole, gadera etu bae pasi buya. Pasi ri wawo gadera etu re’e to matunda. Wali lino pasi yangi miyai yako ri tangoNya panewa tamo rakita.

I Yudas 1:14

Wali mangkonong tau to etu semo to nato’o yami i Henokh tempo owi. I Henokh etu ia wiyaa i Adam to kapitu ntapinya. Wali ia manganto’o, “Lo’a, ma’i i Pue sindara-ndara pei tau to Ia Puenya to ri nsowu-nsowunya.

2 Timotius 1:12

Pasi apa saba palaong to inikangku etu see naka aku mangarata kasesa to ratangku si’i. Pei nempo ewa see, aku taa mea, apa aku kunsani Ia to aku mansarumaka. Pasi aku kuaya kojo Ia re’e kuasa mangajagai samparia anu to room aku mansarumakaka resi Ia sampe rata eonya darapangabotus to lino.

Pangkita 3:5

I sema to manang, ia semo to damangampake pake to buya etu. Pasi Aku taa damampalasi sanganya yako ri raya buku to rapangantulis sanga ntau to tuwu, etu semo buku ngkatuwu. Pei Aku damampongakung sanganya etu ri tango mPa’angKu pasi ri tango mpomakauNya, Aku damanganto’o, ‘Tau si’i mangaya Aku.’

Pangkita 1:7

Lo’aja, Ia dama’i sindara-ndara pei limu. Tempo Ia dama’i etu panewa samparia tau damangkita Ia. Pasi tau to nangantuja Ia seore, sira seja damangkita Ia. Wali samparia wiyaa nto lino damangantangis Ia. Monso kojo damawali palaong etu. Amin.

Galatia 6:14

Pei ane aku, tare yusa to aku mangabarong. Ojo kapate i Yesu Kerisitu, Pue ngkita, ri kaju pasape, etu semo to kubarong. Apa yako kapate i Yesu Kerisitu ri kaju pasape, see naka anu to na’angga nto lino tamore batuanginya resi aku, pasi aku tamo seja re’e anggangku ri pangkita nto lino.

Matius 26:64

Wali i Yesu manganto’oka ia, “Monso ewa nuto’o ngkomi. Pasi Aku manganto’oka komi, komi damangkita Aku, Wiyaa nto Lino, damatunda ri tampa to bae angganya ri tondo ngkana i mPue Allah anu makuasa. Pasi komi seja damangkita Aku dama’i muni ri lino si’i ma’i ri wawo limu ndate yangi.”

Yesaya 53:3

Wali to Papolaong i mPue Yawe, Ia narowis ntau pasi napobo’o nsira. Ia bae kojo kamawo ndayaNya pasi Ia malagi ngkani mangarata kasesa. Wali kita mangarowis Ia pasi taa manga’angga Ia, see naka kita ewa mangandolika yau tango ngkita yako resi Ia.

Ibrani 13:13

Wali apa saba etu, ewa naika i Yesu buya rayaNya yau ri sambali ngkota danarunes ntau, anu kita buya seja rayanta ewa mangampago Ia njo’u sambali ngkota nempo kita narunes seja ntau sewaju ewa Ia seore.

Ibrani 11:26

Apa ia mampobuuka to bae-bae batuanginya ane nakaengas ntau apa saba mangaya i Kerisitu, Makole parajanji i mPue Allah, sakowa mangarata samparia kasugi to re’e ri tana Mesir. Ia mampobuuka ewa wetu apa ia sangkani mampobuuka ntanapa to danawaika i mPue Allah ia.

2 Korintus 12:10

Wali see naka aku masanang rayangku mangarata kasesa apa saba mangika palaong i ngKerisitu. Aku masanang mangarata kayu’u pasi kasiasi, pasi kasusa. Pasi aku masanang ane narunes ntau pasi ane nasesai ntau. Apa tempo korongku mayu’u, tempo etu semo aku napakaroso i ngKerisitu.

Yohanes 5:44

Wali manasa resi Aku to bae batuanginya resi komi si’a danabarong i mPue Allah to samba’aja. To bae batuanginya resi komi, etu semo danabarong nu yunu ngkomi to lino. Wali gete, ane ewa see komi taa kojo damangaya Aku!

Palaong mPomakau i mPue Yesu 10:22

Wali tau etu mangansono, “Kepala ntentara mampokau kami, etu semo i Kornelius. Ia tau to matao lengkonya, pasi ia mampalaika i Pue Allah saba manga’angga Ia, pasi samparia to Yahudi nja’u kota Kaisarea paka manga’angga i Kornelius etu. Wali re’e samba’a pomakau i mPue Allah yako ndate saruga rata resi i Kornelius pei manganto’oka ia mampokio korom dayau ri banuanya see ia maya mangandonge gombomu. Wali see naka ia mampokau kami ma’i resi korom.”

1 Timotius 5:21

Wali aku mamporapika resi i Pue Allah pasi i Kerisitu Yesu pasi pomakau i mPue Allah to ipilisiNya see sira mawali matamanasa mangkonong paposia to kuto’oka korom si’i. Paposia etu manganto’o lulu kojo porenta to aku room manganto’oka korom etu. Pasi tempo korom mangabotus palaong to mawali, ne’e mangampilis tau.