Lukas 9:16 - Tuntu i mPue ri Basa Taa

¹⁶ Yako etu i Yesu mangoko roti lima mpa’i pasi bau dua mba’a etu, panewa Ia matingoa pei makai-kai manganto’oka i Pue Allah tarima matao. Ojo karoonya Ia makai-kai Ia mangampesu-mpesutimo roti pasi bau etu panewa mangawaika anaguruNya. Wali sira mangoko pangkoni etu panewa mangampapo'okoka resi tau boros.

Sura Magali Nuntu Ngkatuwu

¹⁶ Ndatima i Yesu roti alima ngkomba pai bau radua mbaʼa setu, metingara Sira ri yangi ndaunde i Pue Ala nepa ndaripusi roti pai bau setu. Roo setu ndawaika anaguru-A mampotilaka ri tau sondo setu.

Lukas 9:16 Referans Kwoze

Matius 14:19

Roo see Ia manganto’oka tau boros matunda ri wawo ntarempas. Wali sira matunda. Yako etu i Yesu mangoko roti lima mpa’i pasi bau dua mba’a etu, panewa Ia matingoa pei makai-kai manganto’oka i Pue Allah tarima matao. Ojo karoonya Ia makai-kai Ia mangampesu-mpesutimo roti etu panewa mangawaika kami to anaguruNya. Wali kami mangoko pangkoni etu panewa mangampookoka resi tau boros. Pasi ewa wetu seja inikaNya resi bau.

Lukas 24:30

Rata nja’u ria sira matunda damangkoni sindara-ndara. Tempo sira damangkoni etu, i Yesu mangoko roti pei makai-kai manto’oka i Pue Allah, “Tarima matao.” Roo see Ia mangampesutimo roti etu pei mangawaika resi sira.

Matius 15:36

Roo see Ia mangoko roti pitu mpa’i pasi bau panewa Ia manganto’oka i Pue Allah, “Tarima matao.” Roo see Ia mangampesu-mpesutimo roti pasi bau etu pei mangawaika kami to anaguruNya, panewa kami mangampookoka tau boros.

Roma 14:6

Ane tau to mampobuuka samba’a eo to bae batuanginya etu, ia mangika apa ewa wetu nikanya manga’angga i Pue. Pasi tau to mangkoni samparia ngaya mpangkoni, ia mangika apa ewa wetu nikanya manga’angga i Pue, apa ia manganto’oka i Pue Allah tarima matao. Pasi tau to taa mangkoni samparia ngaya mpangkoni, ia seja mangika apa ewa see nikanya manga’angga i Pue, pasi ia seja manganto’oka i Pue Allah tarima matao.

Palaong mPomakau i mPue Yesu 27:35

Wali ojo karoonya i Paulus manganto’o gombo etu ia mangoko roti pei makai-kai ri tango ntau boros etu manganto’oka i Pue Allah tarima matao. Panewa roo see ia mangampesu roti etu pei mangkoni.

Yohanes 6:23

Pei yako etu rata bara sawei bangka to nadongka nja’u ria. Bangka etu dongka mosu ri tampa to i Yesu mampokoni tau boros roti ojo karoonya Ia makai-kai manganto’oka i Pue Allah tarima matao.

Yohanes 6:11

Wali yako etu i Yesu mangoko roti to nawaika nu ana langkai etu pei makai-kai manganto’oka i Pue Allah tarima matao. Roo see Ia mangantilaka kami to anaguruNya panewa kami mampookoka tau boros to matunda etu. Pasi ewa see seja inikaNya bau, wali sira mangkoni paka mabosu.

Lukas 22:19

Wali yako etu Ia mangoko roti pei manganto’oka i Pue Allah, “Tarima matao.” Roo see Ia mangampesu-mpesutimo roti etu panewa Ia mangantilaka anaguruNya. Ia manganto’o, “Oko pei koni, apa si’i korongKu anu to Kuwaika komi. Konimo see taa nukalingan ngkomi Aku.”

1 Korintus 11:24

panewa Ia makai-kai manganto’oka i Pue Allah tarima matao. Roo see Ia mangampesu-mpesutimo roti pei manganto’oka anaguruNya, “Si’i korongKu anu to Kuwaika komi. Konimo see taa nukalingan ngkomi Aku.

1 Korintus 10:30

Ane aku manganto’oka i Pue Allah tarima matao panewa mangkoni, maka pei aku nato’o maja’a ntau to yusa mangkonong anu to aku roomo manganto’oka i Pue tarima matao etu?” Ewa see nato’o ntau.

Markus 7:34

Ojo karoonya etu Ia matingoa panewa mangore nosa. Ia manganto’oka tau wongo, “Epata.” Batuanginya gombo etu, “Tilokamo”.

Lukas 9:15

Wali anaguru i Yesu mangika ewa wimba Ia manganto’oka sira etu, wali samparia tau matunda.

Lukas 9:17

Wali sira samparia mangkoni paka mabosu. Ojo karoonya sira mangkoni, anaguru i Yesu mangamporomung toro mpangkoni etu. Wali toro mpangkoni to naporomung nsira etu dasampuyuwa pei dua karanji nabuke.