Lukas 9:1 - Tuntu i mPue ri Basa Taa

¹ Wali yako etu i Yesu mampokio pasi mampasiromunaka anaguruNya to sampuyu pei dua. Tempo sira siromu etu, Ia mangawaika sira kuasa damangarubak samparia measa yako resi tau. Pasi Ia mangawaika seja resi sira kuasa damampakatao muni panyaki ntau.”

Sura Magali Nuntu Ngkatuwu

¹ Ndapeboo i Yesu anaguru-A sampuyu pai radua, nepa ndawaika tau seʼe kuasa da mangairi waʼa inosa majaʼa pai mampakaʼosa juʼa.

Lukas 9:1 Referans Kwoze

Yohanes 14:12

“Wali Aku manganto’oka komi, monso pu’u, i sema tau to mangaya Aku, tau etu danakoto seja mangika palaong to taa rapobiasa to Aku roomo mangika etu. Pei si’a ojo palaong to ewa wetu to ia damangika. Ia damangika palaong to bae wo’u batuanginya pei palaong to etu. Apa Aku yau damaroo resi Pa’angKu,

Lukas 10:19

Wali pobuuka si’i: Aku roomo mangawaika komi kuasa see nempo mangalombu ule pasi lipa mpondo, komi taa darapakaja’a. Pasi Aku roomo mangawaika komi kuasa damanganangi samparia kuasa ngKepala Measa, bali ngkita. Wali tare bara kesaa to damampakaja’a komi.

Palaong mPomakau i mPue Yesu 4:30

Pasi kuporapika seja resi Komi see Komi damampaponsanika tau kuasaMu tempo sira mangkita tau to rapakatao muni yako ri panyaki, pasi tempo sira mangkita palaong to yusa to taa rapobiasa to mawali tondong resi sira pasi palaong to mampakaipu raya nsira. Palaong to etu damawali saba yako kuasa i Yesu, to papolaong ngKomi to mapasing.” Etu semo pakai-kai nu yunu i mPetrus sira dua i Yohanes.

Matius 16:19

Wali tempo to darata Aku damansarumakaka resi korom kuasa to raporapaka ewa kunsi nu wombo see korom maya mampasilonga tau to Aku Makolenya. Wali samparia to nuto’o ngkorom taa masipato danaika ntaungKu ri lino si’i, to etu danato’o seja i mPue Allah ndate saruga taa masipato daraika. Pasi samparia to nuto’o ngkorom masipato danaika ntaungKu ri lino si’i, to etu danato’o seja i mPue Allah ndate saruga masipato daraika.”

Palaong mPomakau i mPue Yesu 1:8

Pei tempo i Nosa Mapasing darata resi komi, tempo etu komi darawaika karoso. Pasi komi damawali matamanasangKu damangangkeni kareba yako resi Aku. Komi damangangkeni kareba etu resi tau to ri kota Yerusalem pasi tau to ri propinsi Yudea pasi Samaria, pasi rataka ri suogi lino.”

Palaong mPomakau i mPue Yesu 9:34

Wali tempo i Petrus mangkita ngkai etu ia manganto’o, “Eneas, pambangu pei yuyu alimu apa i Pue Yesu mampakatao muni korom si’i-si’i.” Wali ojo karoonya i Petrus mampogomboka ia etu, ia mambangu.

Palaong mPomakau i mPue Yesu 3:16

Wali kuasa to yako i Yesu etu, kuasa etu semo to mampakaroso witi ngkai si’i. Palaong to nukita ngkomi etu pasi to manasa ngkomi, palaong etu mawali apa saba kami mangaya kuasa i Yesu etu. Wali apa saba kami mangaya kuasa i Yesu etu see naka ngkai si’i mawali masilonga koronya ewa to room nukita ngkomi samparia.

Matius 4:24

Wali kareba to mangkonong palaong to naika i Yesu nja’u Galilea etu napakarebaka ntau ri propinsi to ri awe mpropinsi Galilea, etu semo propinsi Siria. Wali kareba mangkonong i Yesu natikareba-rebamo seja juku ri propinsi Siria etu. See naka tau mangkenika Ia samparia yunu nsira to kono panyaki mpangaya-ngaya, pasi tau to narata ntida to mapari kojo. Pasi sira mangkenika seja Ia tau to naposuak measa, tau to kanjonjo-njonjo, pei tau to malulu koronya. Wali i Yesu mampakatao muni samparia tau to rata etu.

Matius 8:9

Aku manasa palaong etu maya mawali apa aku seja tau to ri ara ngkuasa nsa’e pasi aku re’e seja tentara to ri ara ngkuasangku. Wali ane aku manganto’oka samba’a sira, ‘Inta,’ panewa tau etu yau. Pasi ane aku manganto’oka tau to yusa, ‘Ma’i rire,’ panewa tau etu ma’i. Pasi ane aku manganto’oka to papolaongingku, ‘Ika palaong to si’i,’ panewa ia mangika. Wali ane aku mamporentang tentarangku panewa sira mampolaika, taa manto’o Komi ane mamporentang panyaki nto papolaongingku.”

Lukas 10:1

Wali yako etu, i Pue mangampilis pitu mpuyu pei dua mba’a tau to yusa. Ia mampokau tau etu dua mba’a sinjaya, dua mba’a sinjaya damampatiruyu pei Ia njo’u ponto-ponto kota pasi ponto-ponto lipu ntau to Ia damangampago.