Lukas 8:2 - Tuntu i mPue ri Basa Taa

² Pasi re’e bara sawei mba’a tau we’a to mangalulu seja Ia. Tau we’a etu tempo ruyu re’e to masaki pasi re’e to naposuak measa, pei sira roomo napakatao muni i Yesu. Tau we’a etu samba’a i Maria to rato’oka Magdalena. I Maria etu seore naposuak measa pitu mba’a pei measa etu roomo mampiyaika ia.

Sura Magali Nuntu Ngkatuwu

² Njoʼu woʼu waʼa mbeʼa anu roomo ndapakaʼosa juʼanya, ewa i Maria anu ndatoʼo i Madalena, (anu roomo ndapapesuwu ungka ri siʼa i majaʼa papitu).

Lukas 8:2 Referans Kwoze

Markus 16:9

Wali ojo kaeonya rao eo Minggu, i Yesu mambangu muni yako ri kapateNya. Yako etu Ia mampapokitaka tau Ia. Uyu-uyunya Ia rata resi i Maria to yako ri kampu Magadan. I Maria to etu ia seore naposuak measa pei i Yesu nangarubak measa yako resi ia. Pitu measa to narubak i Yesu yako resi ia etu.

Yohanes 19:25

Wali re’e bara sawei mba’a tau to we’a ri oyo ntau to makore taa longko yako ri kaju pasape i Yesu. Tau we’a etu semo indo i Yesu, pasi tua’i nu indoNya to we’a, pasi i Maria to indo nu ana i ngKlopas, panewa re’e seja i Maria to yako kampu Magadan.

Palaong mPomakau i mPue Yesu 1:14

Sira to sampuyu pei samba’a etu samba’a-mba’amo pampobuukanya, wali sira siromu damakai-kai. Pasi re’e seja sawei mba’a to we’a to siromu sindara-ndara pei sira. Pasi re’e seja indo i Yesu, etu semo i Maria, pasi re’e wo’u sawei mba’a tua’i i Yesu.

Lukas 23:55

Wali tempo i Yusup mampongkeli i Yesu, tau we’a to re’e mangalulu i Yesu yako ri Galilea, sira mangalulu ri payu i Yusup pei mangkita dayo i Yesu pasi mangkita seja ewa wimba naika i Yusup mampoduli tau mate ri rayanya.

Lukas 23:49

Pei samparia tau to masinsani kojo pei i Yesu, sira tawa yau muni sira ojo maroo-roo makore nja’u longko. Pasi ri oyo nsira re’e seja bara sawei mba’a tau we’a to mangalulu i Yesu yako nja’u Galilea. Wali samparia palaong to mawali etu, sira seja mangangkita.

Lukas 23:27

Wali tempo i Yesu rakeni etu, boros kojo tau to mangalulu ri payuNya. Pasi ri oyo ntau boros etu re’e bara sawei mba’a tau we’a to tumangi mangantangis i Yesu.

Lukas 8:30

Wali i Yesu mampotanaka resi ia, “Sema sangamu?” Wali ngkai etu mangansono, “Sangangku Legiun.” Wali Legiun batuanginya boros tentara, see naka ia rato’oka Legiun apa boros kojo measa to mamposuak ia.

Markus 16:1

Wali ojo karoonya Eo Rapandoo, i Maria to yako ri kampu Magadan, pasi i Salome pasi i Maria to indo i Yakobus, sira yau mangoli minya to magaya waunya. Minya etu daraminyasika lemba i Yesu.

Matius 4:24

Wali kareba to mangkonong palaong to naika i Yesu nja’u Galilea etu napakarebaka ntau ri propinsi to ri awe mpropinsi Galilea, etu semo propinsi Siria. Wali kareba mangkonong i Yesu natikareba-rebamo seja juku ri propinsi Siria etu. See naka tau mangkenika Ia samparia yunu nsira to kono panyaki mpangaya-ngaya, pasi tau to narata ntida to mapari kojo. Pasi sira mangkenika seja Ia tau to naposuak measa, tau to kanjonjo-njonjo, pei tau to malulu koronya. Wali i Yesu mampakatao muni samparia tau to rata etu.