Lukas 8:15 - Tuntu i mPue ri Basa Taa

¹⁵ Pei ane liano to rasawu kono ri tana to maboko, tana etu batuanginya tau to matao pasi manoto to mampodongeka kojo tuntu i mPue Allah pei mampalaika. Wali tau etu tare pandoonya mangalulu tuntu i mPue Allah etu see naka pangaya nsira raporapaka ewa pinumuya to mawali kojo wuanya.” Wali ewa wetu nato’o i Yesu mampakanasaka anaguruNya batuanginya rapa mangkonong liano etu.

Sura Magali Nuntu Ngkatuwu

¹⁵ Inii anu tudu ri tana maboko inceʼemo tau anu madonge Nuntu, napari ndaya pai naaya kojo, nakekeni kojo Nuntu seʼe pai tongawa powuanya ri katuwunya pai todo ri peaya ndayanya.”

Lukas 8:15 Referans Kwoze

Ibrani 10:36

Wali pakabae sabara mangangika pamporani i mPue Allah, see ojo karoonya komi mangika komi damangarata anu to naparajanjika i mPue Allah.

Lukas 6:45

Wali ewa see seja ane tau. Apa ane tau to matao, ia mampobuuka anu to matao, see naka matao seja gombo ntau etu. Pei ane tau to maja’a, ia mampobuuka anu to maja’a, wali see naka maja’a seja gombo ntau etu. Wali ewa wimba raya ntau, etu semo mawali pu’u nu gombo to masuwu yako ri nganganya.”

1 Yohanes 2:3

Wali re'e to mampakanasaka ri raya ngkita kita tuwu mangansani kojo i Pue Allah. Etu semo, kita mampolaika porenta-porentaNya. Wali ane kita mangika ewa wetu, manasa kita mangansani kojo Ia.

Kolose 1:10

Naka pei kami makai-kai ewa wetu, see komi damangika lengko ngkatuwu to masipato naika ntau to mangalulu i Pue pasi to sangkani mampakasanang Ia. Apa ane ewa see, boros ngaya palaong to matao to danuika ngkomi. Palaong etu maya raporapaka ewa wua ngkaju. Pasi kanjo'u-njo'u tiduga-dugang anu to komi mangansani mangkonong i Pue Allah.

Kolose 1:6

Wali komi mangandonge kareba matao etu seore pasi mawali manasa mangkonong ewa wimba kamonsonya kanoto i mPue Allah. Panewa yako etu kanjo’u-njo’u kaboro-boros komi to mangaya pasi to rawali lengko ngkatuwumu. Pasi palaong to mawali resi komi etu, palaong etu mawali seja ri sambawo lino tempo tau mangandonge kareba matao. Wali kareba matao etu maya raporapaka ewa kaju to boros wuanya.

Yohanes 14:15

Wali yako etu i Yesu manganto’oka wo’u kami to anaguruNya, Ia manganto’o, “Ane komi mamporayang Aku, komi damampalaika porenta-porentangKu.

Lukas 11:28

Wali i Yesu mangansono, to’oNya, “Monso pu’u, pei to sana-sanang wo’u pei ia, etu semo tau to mampodongeka pasi mampolaika tuntu i mPue Allah.”

Roma 7:4

Wali a’i-a’i, ewa see seja kita. Tempo ruyu, porenta i Musa mawali ewa rongonta. Kita taa maya mampiyaika. Pei tempo koro i ngKerisitu rapopate yau, tempo etu kita seja mate sindara pei Ia wali kapate ngkita etu mangaga’a kita yako ri ara mporenta etu, see naka si’i-si’i kita maya mawali tau to yusa wo’u puenya. Wali kita mawali tau Puenya, etu semo i Yesu Kerisitu anu roomo rawangu muni yako ri kapateNya. Wali saba kita mawali Ia Puenya, see naka kita maya mangika lengko to mampakabae i Pue Allah.

Roma 6:22

Pei si’i-si’i komi tilapamo yako ri ara ngkuasa nu dosa pei mawali wo’u to papolaong i mPue Allah. Wali bae rasi ngkomi apa komi room mawali tau to ojo i Pue Allah Puenya pasi komi mangarata katuwu to singkasaenya.

Yohanes 15:10

Pasi palaika porenta-porentangKu, apa ane komi mampalaika, komi sangkani masanang mampobuuka pamporayangingKu resi komi etu. Wali tempo komi mampolaika Aku etu, komi mangika seja to Aku mangika, apa Aku sangkani seja mampalaika porenta-porenta mPa’angKu, wali see naka Aku sangkani masanang mampobuuka pamporayangiNya resi Aku.

Matius 24:13

Pei tau to mangainsoka kasesa etu sampe rata tempo kapuranya, tau etu darapalaes pei damangarata katuwu to singkasaenya.

Ibrani 2:1

Wali monso pu’u, ri tempo si’i i Pue Allah mampogomboka kita liu ri nganga nu AnaNya to bae wo’u pangkaNya pei samparia pomakauNya. See naka matao ane kita mampakadota wo’u mangangkongko anu to kita room mangandonge. Apa ane taa mangkongko kojo, kita kanjo’u-njo’u kalongko-longko yako ri jaya i mPue, ewa bangka to rakeni natawuis yau nu ngoyu.

Epesus 2:8

Wali yako kanoto i mPue Allah semo naka pei komi seja rapalaes apa saba komi mangaya i Kerisitu. Wali si’a yako palaong ngkomi naka pei komi rapalaes. Sora i mPue Allah semo naka pei komi rapalaes.

1 Korintus 7:19

Apa ane ri pangkita i mPue Allah nempo tau rasui mangalulu ada nto Yahudi, nempo taa, tare batuanginya resi Ia. To bae batuanginya resi i Pue Allah kita mangalulu samparia to Ia mamporentangika kita.

Roma 7:18

Apa aku kunsani ane ri rayangku, etu semo ri pampobuukangku to masae, tare pasi sangkodi to matao. Apa aku rani kojo mangika palaong to matao, pei aku taa kukurang.

Roma 2:7

Wali re’e tau to sangkani mangika lengko to matao apa sira rani nabarong pasi na’angga i mPue Allah pasi rani mangarata katuwu to tare kapuranya. Ane tau etu, i Pue Allah damangawaika sira katuwu to singkasaenya.

Yakobus 1:4

Wali to tao-tao komi sangkani mangansabara soba to nurata ngkomi. Apa ane komi mangansabaraka soba, ane ewa see kanjo’u-njo’u tiduga-dugang komi mawali masilonga ri lengko katuwu ngkomi pasi ri pampobuuka ngkomi, sampe gana kojo karoso ndaya ngkomi.

Lukas 8:14

Panewa re’e wo’u liano to kono re’e tana to nja’u junju ndui. Wali tana to nja’u junju ndui etu batuanginya tau to mangandonge tuntu i mPue pei sira taa mangaluluka kojo apa sira ojo moru-moru mampobuuka katuwunya ri lino si’i, pasi sira mampobuuka kojo kasugi pasi anu to yusa to mampakasanang raya nsira. Wali pangaya nsira ri tuntu i mPue ewa pinumuya to taa mawua.

Lukas 8:16

Wali ojo karoonya i Yesu mampakanasaka sira mangkonong rapa etu, Ia rani sira mangansani matao ane tuntu i mPue Allah rapakarebaka resi sa’e. Wali Ia mangaligi sira, Ia manganto’o, “Tau ane mangantuni pansona, ia taa mangabombongika yau ember pasi taa seja mamposaka la’u ara ngkoi. Ia mamposaka ri tampa to masipato rapamposaka pansona etu see tau to masua ri raya banua etu maya mangkita remenya.

Roma 8:25

Pei ane kita mansarumaka kita damangarata anu to tawa re’e resi kita, ane ewa see kita mansabaraka mangampeas.