Lukas 8:14 - Tuntu i mPue ri Basa Taa

¹⁴ Panewa re’e wo’u liano to kono re’e tana to nja’u junju ndui. Wali tana to nja’u junju ndui etu batuanginya tau to mangandonge tuntu i mPue pei sira taa mangaluluka kojo apa sira ojo moru-moru mampobuuka katuwunya ri lino si’i, pasi sira mampobuuka kojo kasugi pasi anu to yusa to mampakasanang raya nsira. Wali pangaya nsira ri tuntu i mPue ewa pinumuya to taa mawua.

Sura Magali Nuntu Ngkatuwu

¹⁴ Anu tudu ri tana kerui inceʼemo tau anu madonge Nuntu paikanya siʼa jatuwu ri kaʼipu-ipu ndaya, maka rayanya metaka ri kadarayanya koreʼe aga-aga lino seʼi painaka bereʼe powuanya peaya ndayanya.

Lukas 8:14 Referans Kwoze

1 Timotius 6:17

Wali re’e wo’u sangkodi to aku rani manganto’o mangkonong tau to sugi ri lino si’i. To’oka sira ne’e mangei pasi ne’e mansarumaka kasuginya, apa tare kasugi ri lino to taa dapura yau. To’oka sira sarumaka i Pue Allah, anu to manoto kojo resi kita. Apa samparia to kita masanang mangampake Ia mangawai.

Markus 4:19

pei sira taa mangaluluka kojo apa sira ojo moru-moru mampobuuka katuwunya ri lino si’i, pasi sira mampobuuka kojo kasugi pasi anu to yusa to naporani nsira. Wali pangaya nsira ri tuntu i mPue Allah ewa pinumuya to taa mawua.

Matius 13:22

Panewa re’e wo’u liano to kono re’e tana to nja’u junju nu rui. Wali tana to nja’u junju nu rui etu batuanginya tau to mangandonge kareba etu pei sira taa mangaluluka kojo apa sira ojo moru-moru mampobuuka katuwunya ri lino si’i pasi sira mampobuuka kojo kasugi to naporani nsira. Wali pangaya nsira ri kareba etu ewa pinumuya to taa mawua.

Lukas 21:34

Wali i Yesu mampakapolas gomboNya, Ia manganto’o, “Pakatao kojo naka ne’e raya ngkomi mawali mayu’u apa saba palaong to nuika ngkomi, ewamo boros mantako, pei sangkani kayangu. Pasi ne’e seja moru-moru rayamu mampobuuka katuwumu ri lino si’i. Apa ane ewa see, komi dakayopo ane kodi majoli rata eo ngkama’ingKu etu.

Lukas 8:7

Panewa re’e seja liano to nasawu to kono re’e tana to nja’u waka njunju ndui. Wali liano etu tuwu pei rui etu tuwu seja muni, panewa roo see nangi yau liano. Rui etu to langa-langan, see naka liano taa mawali kojo apa kaoung.

2 Timotius 4:10

apa i Demas room mampiyaika yau aku saba ia mamporayang katuwunya ri lino si’i. Wali ia nayaumo njo’u kota Tesalonika. Pasi i Kreskes ia nayaumo njo’u propinsi Galatia pasi i Titus nayaumo njo’u Dalmatia.

Yohanes 15:6

Wali i sema tau to taa masingkatao pei Aku, tau etu raporapaka ewa ra’a to taa mawua. Wali apa saba ra’a etu taa mawua, see naka rataji yau pei mangau yau. Roo see ra’a to ewa wetu naporomung ntau panewa rapanasoka la’u apu naka mosi yau.

Lukas 16:13

“Rapanya tau to napowatua nsa’e, ia taa maya dua tau puenya. Apa ane ia dua tau puenya, ia maja’a nakita samba’a pasi mamporayang to samba’a. Ia damanga’angga samba’a pasi mangkaengas to samba’a. Wali ewa see seja komi. Ane kasugi ri lino to na’angga ngkomi, kasugi etu mawali ewa pue ngkomi. Pasi ane ewa see, komi taa maya mawali to papolaong i mPue Allah. “Wali to tao-tao komi mangampake kasugi ri lino mangika singkonong pei pamporani i mPue Allah, apa etu semo palaong to bae batuanginya ri tempo to darata.”

Lukas 8:13

Wali ane liano to kono ri tana to ri rapa mbatu, tana etu batuanginya tau to mangandonge tuntu i mPue Allah etu pasi ndende raya nsira mangantima. Pei pangaya nsira ri tuntu i mPue Allah etu ewa liano to taa maroso kalenya apa sira taa maroso pangayanya. Wali tempo sira rasoba, taa masae sira mamposaka yau pangaya nsira etu.

Lukas 8:15

Pei ane liano to rasawu kono ri tana to maboko, tana etu batuanginya tau to matao pasi manoto to mampodongeka kojo tuntu i mPue Allah pei mampalaika. Wali tau etu tare pandoonya mangalulu tuntu i mPue Allah etu see naka pangaya nsira raporapaka ewa pinumuya to mawali kojo wuanya.” Wali ewa wetu nato’o i Yesu mampakanasaka anaguruNya batuanginya rapa mangkonong liano etu.

Ibrani 6:1

Wali anu kita kanjo’u-njo’u kadota-dota maguru Tuntu i mPue Allah to masuli wo’u rapangansani see kita damawali ewa tau bose tu’a, si’amo ewa ana kodi. Ne’e kita ojo maguru-guru anu to uyunya rapotundeka resi kita mangkonong i Kerisitu, apa anu to etu raporapaka ewa pondasi banua. Pasi ane pondasi roomo raika, tare batuanginya raika wo’u kadua ngkaninya. Wali tamore batuanginya kita sangkani maguru ojo anu to rapotundeka ruyu to raporapaka ewa pondasi etu. Ewamo kita roomo maguru mangkonong ewa wimba naika ntau mangandolika tangonya yako palaong to tare batuanginya pei mangaya i Pue Allah.