Lukas 7:19 - Tuntu i mPue ri Basa Taa

¹⁹ See naka ia mampokio dua mba’a sira pei mampokau sira dua yau resi i Yesu damampotanaka resi Ia, manganto’o, “Wimba koti Komi semo i Makole to dama’i ewa to room naparajanjika i mPue Allah, bara tiroowa re’e tau to yusa to kami damampeas?”

Sura Magali Nuntu Ngkatuwu

¹⁹ napokau anagurunya radua setu njoʼu ri Yesu, da mampeoasi ri Sira, “Bara Komimo anu da rata setu malulu janji i mPue Ala, bara ntongo da kapopeapa tau ntaninya?”

Lukas 7:19 Referans Kwoze

Yohanes 4:25

Wali ojo pangandonge ntau we’a gombo i Yesu etu ia manganto’oka i Yesu, “Aku kunsani dama’i Makole parajanji i mPue Allah, Ia to rato’oka i Kerisitu. Wali ane Ia ratamo, panewa Ia damampakanasaka resi kita mangkonong kasamparianya.”

Lukas 10:1

Wali yako etu, i Pue mangampilis pitu mpuyu pei dua mba’a tau to yusa. Ia mampokau tau etu dua mba’a sinjaya, dua mba’a sinjaya damampatiruyu pei Ia njo’u ponto-ponto kota pasi ponto-ponto lipu ntau to Ia damangampago.

Yesaya 11:1

Wali paporenta i Makole Daud, ana i Isai, raporapaka ewa kaju to roomo ratowo yau, apa tamore makole ri tempo si’i. Pei darata wo’u samba’a Makole to wiyaa i Daud seja. Paporenta Makole etu raporapaka ewa wanse to bou yako ri tu’a ngkaju to ratowo yau etu.

Yesaya 7:14

Wali i Pue semo damangawaika kita tondong to mampakanasaka resi kita Ia dasiwaka pei kita. Wali padongeka kojo gombongku si’i. Dare’e samba’a tau we’a to tawa re’e nepenya to langkai, tau we’a etu damangkayu’uka pei damampoanaka ana langkai. Panewa ana etu darato’oka Imanuel, batuanginya i Pue Allah re’e siwaka pei kita. Wali palaong to etu, etu semo tondong to mampakanasaka resi kita i Pue Allah dasiwaka pei kita.

Pomulanya 49:10

“O Yehuda, korom pasi wiyaamu semo to damamporentang bansa Israel. Wali kuasa ngkomi sambiyaa etu taa daraoko yau rataka ri singkasaenya. Wali yako wiyaa ngkorom etu, re’e samba’a to darata, Ia semo to masipato rato’oka Makole to monso. Wali Makole etu danapalaika ntau yako samparia bansa.

Pomulanya 22:18

Pasi yako wiyaamu semo see naka samparia bansa nto lino damangarata kasanang. Samparia palaong to etu damawali apa saba korom mampalaika gombongKu.’” Etu semo parajanji i mPue Yawe resi i Abraham.

Pomulanya 3:15

Pasi yako tempo si’i Aku damangika see korom tamo masingkatao pei tau we’a. Kasimbalinya yako etu komi dua damawali yau masibali. Pasi ewa see seja wiyaamu pei wiyaa to si ia. Wali korom damangantungku tompo ntodu mbiyaa ntau we’a si’i, pei wiyaanya etu damangabusak wo’omu.” Wali etu semo gombo i mPue Yawe mangahuku ule etu.

Pangkita 11:3

Wali Aku re’e dua mba’a matamanasangKu. Pei ri tempo etu Aku damangawaika matamanasangKu etu kuasa damampakarebaka tau gombo to yako resi Aku. Sira damampakarebaka gombo etu sansowu dua atu pei ono mpuyu mbengi kasaenya. Tau dua etu pakenya kain karu.” Wali etu semo gombo to nato’oka i mPue aku.

Markus 6:7

Wali yako etu i Yesu mampokio anaguruNya to sampuyu pei dua panewa Ia mampokau anaguruNya etu yau damangkeni tuntu i mPue Allah njo’u lipu-lipu to yusa wo’u. Ia mampokau sira dua mba’a sinjaya, dua mba’a sinjaya. Pasi Ia mangawaika sira kuasa damangarubak measa yako resi tau.

Lukas 7:13

Wali tempo i Yesu mangkita tau balu to mate ananya etu, Ia mamporayang kojo ia, see naka Ia manganto’o, “Indo, ne’e tumangi.”

Lukas 7:20

Wali tau dua etu yau mangampago i Yesu. Ojo pangarataNya, sira manganto’oka Ia, “I Yohanes to Pombaptis nampokau kami dua ma’i resi Komi damampotanaka, ‘Wimba koti Komi semo i Makole to dama’i ewa to room naparajanjika i mPue Allah, bara tiroowa re’e tau to yusa to kami damampeas?’”

Lukas 11:1

Wali re’e seore i Yesu makai-kai nja’u samba’a lipu. Ojo karoonya Ia makai-kai etu, re’e samba’a anaguruNya to manganto’oka Ia, “Pue, potundeka kami makai-kai ewa i Yohanes nampotundeka anaguru to si ia.”

Lukas 11:39

Wali i Yesu manganto’oka ia, “Gete komi to aliran Parisi! Komi raporapaka ewa tau to mampakayongongika sangkir pasi pingga ojo ri wotonya. Apa komi mampakayongongika koro ngkomi, pei raya ngkomi bamporomung pasi maja’a kojo.

Lukas 12:42

Wali i Pue mangansono, Ia manganto’o, “To papolaong to matao etu, etu semo tau to ewa si’i lengkonya. Rapanya to papolaong to masipato rasarumaka pasi to pande, ane tau pue banua dayau njo’u longko, to papolaong to etu semo to nasarumakaka ntau puenya damampasilonga to papolaong to yusa. Wali to papolaong to rasarumaka etu ia semo to mangawaika yununya pangkoninya samba’a pei samba’a ane ratamo tempo mangkoni.

Lukas 13:15

Pei i Pue mangansono, Ia manganto’o, “Gete korom, ojo gombomu manoto! Tare pasi samba’a komi to taa mapalaong ri Eo Rapandoo! Apa komi mangalede yau taka nu sapi bara keledai ngkomi ri Eo Rapandoo pei mangkeni rapoinu.

Lukas 17:5

Wali anaguruNya etu manganto’oka i Pue, sira manganto’o, “Pakaroso pangaya mami.”

Lukas 17:6

Wali i Pue mangansono, Ia manganto’o, “Ane bara re’e pangaya ngkomi, nempo kodi kojo ewa kapa’i nu longa, ane ewa see, komi nempo rapanya manganto’oka kaju to bae, ‘Rebu yau kalemu pei pamuya wo’u nja’u raya ntasi,’ pei kaju etu damampalaika komi.”

Lukas 18:6

Wali i Yesu manganto’oka sira, “Pobuuka anu to naika nto pobotus to etu. Apa ia to pobotus to taa biasa mangika anu to masipato raika, pei nempo ia tau to maja’a, pei apa saba tau we’a masae kojo tare pandoonya marapi sawang resi ia, see naka ia re’e mangansawang tau we’a etu.

Lukas 19:8

Pei i Yesu Ia yau sinjaya pei i Sakheus rata nja’u banuanya. Tempo sira re’e ri raya banua, i Sakheus makore pei manganto’o, “Ewa si’i Pue, santongo ngaya-ngayangku dakutilaka yau tau to masiasi, pasi dakupowalilika muni resi tau to itipungku opo ngkani kaborosinya pei to itipukaku sira etu.”

Lukas 22:61

Wali tempo etu i Pue mangandolika tangoNya pei mangalo’aka resi i Petrus. Panewa i Petrus mangendo muni gombo to nato’oka yami i mPue ia. Gombo etu semo manganto’o, “Re’e katawanya manu matotoro’o nene si’i, korom togo ngkanimo damamposapuka Aku.”

Lukas 24:34

Ojo karata nsira resi tau etu panewa tau nda’a ria manganto’oka sira dua, “Monso pu’u i Pue roomo mambangu muni yako ri kapateNya pei mampapokitaka i Petrus koroNya!”

Yohanes 4:1

Wali yako etu to Yahudi to aliran Parisi, sira re’e mangandonge kareba to manganto’o nangi i Yohanes apa i Yesu semo to boro-boros tau to mawali anaguruNya pasi to Ia mangabaptis. Pei kamonsonya si’a i Yesu to mangabaptis tau etu, kami to anaguruNya semo. Wali tempo i Pue Yesu mangansani kareba to nadonge nto Yahudi to aliran Parisi, Ia mangansani sira damasusa resi Ia. See naka Ia mampiyaika propinsi Yudea sindara-ndara pei kami to anaguruNya, pei mawolili muni njo’u propinsi Galilea apa tawa temponya Ia danasoko ntau.

Yohanes 6:23

Pei yako etu rata bara sawei bangka to nadongka nja’u ria. Bangka etu dongka mosu ri tampa to i Yesu mampokoni tau boros roti ojo karoonya Ia makai-kai manganto’oka i Pue Allah tarima matao.