Lukas 7:16 - Tuntu i mPue ri Basa Taa

¹⁶ Wali samparia tau to mangkita palaong to etu paka meka kojo rayanya pasi sira mangabarong i Pue Allah. Sira manganto’o, “Naratamo ri oyo ngkita samba’a to pantuntu tuntu i mPue Allah to bae kojo anggaNya.” Pasi sira manganto’o, “I Pue Allah nama’imo damangansawang tauNya.”

Sura Magali Nuntu Ngkatuwu

¹⁶ Meratamo eka ndaya ntau setu pura-pura naunde ntau seʼe i Pue Ala, natoʼo, “Jelamo ri oyota sambaʼa nabi anu bangke! I Pue Ala rata mancorepaka tau-A!”

Lukas 7:16 Referans Kwoze

Lukas 7:39

Pei ojo pangkita nto Parisi to nangansale i Yesu palaong to naika ntau we’a etu, ia ipu rayanya apa i Yesu ojo mangabiaka ia mangika palaong to etu. Ia mampobuuka, “Gete, ane i Yesu monso pu’u to pantuntu tuntu i mPue Allah, matantu Ia mangansani i sema tau we’a to mampotaka Ia si’i. Pasi matantu Ia mangansani ewa wimba lengko ngkatuwunya, apa tau we’a si’i tau to madosa kojo.” Ewa wetu pampobuuka nto Parisi etu.

Matius 9:8

Wali tempo tau boros mangkita palaong to etu, sira ipu kojo rayanya. Pasi sira mangabarong i Pue Allah apa Ia roomo mangawaika resi samba’a to lino kuasa to ewa wetu kabaenya.

Lukas 1:68

Ia manganto’o, “Barongi i Pue, Allah nto Israel, apa Ia ma’imo mangansawang tauNya pasi mangalapa muni kita.

Lukas 5:26

Wali ipu kojo raya ntau boros mangkita palaong to etu. Sira mangabarong i Pue Allah. Pasi sira meka seja rayanya pei manganto’o, “Gete! Taa kojo rapobiasa palaong to ikitanta seo si’i.”

Lukas 2:20

Wali yako etu to pangkampang domba mawolili muni mampago dombanya. Ri raya mpalinja yau muni etu, sira mampakabae pasi mangabarong i Pue Allah apa saba samparia to roomo nadonge nsira pasi to nakita nsira. Apa samparia palaong to etu singkonong kojo pei anu to nato’oka yami mpomakau i mPue sira.

Lukas 1:65

Wali tau boros to maroo ri awe nsira, sira meka rayanya mangkita palaong to etu. Pasi kareba mangkonong samparia palaong to nawali etu natikareba-reba njo’u samparia lipu ntau to re’e ri woto mpantana-mpantana ri propinsi Yudea.

Matius 21:11

Wali tau boros to mangalulu i Yesu etu mangansono, “Si’i semo i Yesu, Ia to pantuntu tuntu i mPue Allah yako kota Nasaret ri propinsi Galilea.”

Matius 15:31

Wali ipu kojo raya tau boros tempo sira mangkita tau bea nakurang magombo pasi tau to malulu koronya rapakaroso muni, pasi tau to sampungku nakurang muni malinja, pasi tau buta nakita muni rao. Wali tau boros etu mangabarong i Pue Allah, Allah nto Israel.

Posuwunya 4:31

Wali tau Israel etu mangaya monso pu’u i Pue Yawe mampokau i Musa sira dua i Harun yau resi sira. Pasi sira mangandonge kareba mangkonong i Pue Yawe, etu semo i Pue Ia re'e mangalo'aka katuwu nsira. Pasi Ia roomo mangkita kasesa to narata nto Israel see naka Ia mangansongka damangansawang sira. Wali tempo tau Israel mangandonge kareba etu sira madungku yau pei mampue mampakabae i Pue Yawe.

Galatia 1:24

Wali ojo pangandonge nto Yudea kareba etu, sira mangabarong i Pue Allah apa saba palaong to mawali resi aku.

Palaong mPomakau i mPue Yesu 5:5

Wali ojo pangandonge i Ananias gombo i mPetrus etu, ia mansaka mapuka yau, tamo la nosanya. Panewa samparia tau to mangandonge kareba etu sira meka kojo rayanya.

Yohanes 9:17

See naka sira mampotanaka wo’u resi ngkai to rapakatao matanya etu, sira manganto’o, “Korom semo to napakatao ntau etu matamu, wali wimba panto’o ngkorom mangkonong Ia?” Wali ngkai etu mangansono, to’onya, “Ane ewa pampobuuka to si aku, tau etu to pantuntu tuntu i mPue Allah semo.”

Yohanes 6:14

Wali ojo pangkita ntau boros palaong to taa rapobiasa naika i Yesu etu, sira manganto’o, “Monso pu’u tau si’i semo to pantuntu tuntu i mPue Allah to ratulis yami ri raya ntuntu i mPue manganto’o Ia dama’i ri lino si’i.”

Yohanes 4:19

Wali tau we’a etu manganto’o, “Pa’a, manasa resi aku Komi to pantuntu tuntu i mPue Allah apa Komi mangansani samparia mangkonong katuwungku.

Yohanes 1:25

Tau etu mampotanaka wo’u resi i Yohanes, sira manganto’o, “Korom manganto’o korom si’a i Kerisitu, bara i Elia, bara to pantuntu tuntu i mPue Allah etu. Wali ane ewa see maka pei korom mangabaptis tau?”

Yohanes 1:21

Roo see sira mampotanaka wo’u resi ia, sira manganto’o, “Ane ewa see, i sema kamonsonya korom? Bara i Elia, to pantuntu tuntu i mPue Allah tempo owi?” Wali ia manganto’o, “Si’a seja.” Panewa sira mampotanaka wo’u, “Wimba korom bara to pantuntu tuntu i mPue Allah to nato’o yami i Musa darata resi kita?” Wali i Yohanes manganto’oka wo’u sira, “Gete, si’a!”

Lukas 24:19

Wali i Yesu mampotanaka, “Palaong kesaa?” Wali sira dua mangansono, sira manganto’o, “Mangkonong palaong to nawali resi i Yesu to Nasaret. Ia samba’a to pantuntu tuntu i mPue Allah. Pasi ri pangkita i mPue Allah pasi ri pangkita ntau boros, samparia to Ia manganto’o pasi to Ia mangika mampakanasaka tau Ia bae kojo kuasaNya.

Lukas 9:19

Wali sira mangansono, “Re’e sangga’a tau manganto’o i Yohanes to Pombaptis. Pei re’e seja to manganto’o i Elia. Pasi re’e seja tau to manganto’o samba’a to pantuntu tuntu i mPue Allah tempo owi to tuwu muni yako ri kapatenya.”

Lukas 8:37

Wali bae kojo kameka ndaya ntau to maroo ri lipu nto Gerasa etu. See naka sira samparia paka mamporapika resi i Yesu see Ia damiyai yako ri lipu nsira. Wali i Yesu pasi anaguruNya mapone muni ri bangka pei malayag mawolili muni njo’u sambote ndano.

Lukas 5:8

Wali tempo i Simon Petrus mangkita palaong to etu, ia mambokotu yau ri tango i Yesu pei manganto’o, “Piyaika aku, Pue, apa aku tau madosa! Taa masipato aku siwaka pei Komi!”

Matius 28:8

Wali tau we’a etu meka-meka raya nsira pasi sira seja ndende kojo rayanya. Sira mansaka mampiyaika dayo pei maripo yau damampakarebaka resi kami to anaguru i Yesu anu to nawali etu.

Palaong mPomakau i mPue Yesu 7:37

Wali i Musa manganto’oka seja to Israel etu, to’onya, ‘I Pue Allah damangampilisika komi samba’a to pantuntu tuntuNya to yako ri oyo nu yunu ngkita seja. To pantuntu tuntuNya etu Ia damangampilis ewa nikaNya nangampilis aku. Wali komi damampodongeka ia.’ Ewa see to’oka i Musa to Israel.

Lukas 19:44

Balimu etu damampakaja’aka yau kota ngkomi pasi komi to maroo ri rayanya. Wali watu ri kota ngkomi dararantamaka yau samparia. Tare pasi songu to taa darayali yau. Wali palaong etu damawali resi komi apa ratamo temponya i Pue Allah ma’i damampalaes komi pei komi taa mangalinga tempo etu.”

Lukas 7:15

Wali tau mate etu tuwu muni panewa matunda pei mula magombo. Wali i Yesu manganto’oka indo ngkai etu, “Si’imo muni anamu.”