Lukas 6:49 - Tuntu i mPue ri Basa Taa

⁴⁹ Pei i sema-sema tau to mangandonge gombongku pei taa mangampolengkoka, tau etu madoyo. Wali ia maya raporapaka ewa tau to mangawangu banuanya ri wawo ntana, pei ia taa mangkeke ruyu tana etu damangika pondasinya ri rapa mbatu. Wali karoonya ia mangawangu banuanya, ma’i ue mowo kono banuanya etu. Wali maja’a yau banua etu. Tamore toronya to taa maja’a apa tare pondasinya.”

Sura Magali Nuntu Ngkatuwu

⁴⁹ Paikanya tau anu madonge pau-Ku pai bareʼe nawianaka inceʼemo ewa tau anu mawangu banua paikanya bareʼe napatunda ri watu. Ane narumpa ue mowo liu-liu madungka banua setu; maʼai kojo kajaʼanya.”

Lukas 6:49 Referans Kwoze

Matius 23:3

Wali see naka masipato komi mangalulu samparia to nato’oka nsira komi mangalulu. Pei ne’e mangalulu lengko nsira apa sira taa mampolengkoka anu to napotundeka nsira.

1 Yohanes 2:19

Wali bali i ngKerisitu etu masuwu yako ri oyo ngkita, pei kamonsonya sira si'a samba'a pangaya pei kita. Apa ane sira monso pu'u samba'a pangaya pei kita, matantu sira taa mampiyaika kita. Pei sira re'e mampiyaika kita, wali manasa tare sira to samba'a pangaya pei kita.

Yohanes 15:2

Wali to panawu to mampasilonga anggur, ane ia mangkita ra’a to taa mawua, ia mangampu’ak yau to etu. Pasi ane ra’a to mawua, ia mangantumpo yau joe nda’anya damampakayongongika ra’anya etu see mawali malagi wo’u wuanya. Wali ewa wetu seja naika mPa’angKu resi komi to mangalulu Aku, to raporapaka ewa ra’angKu. Ia mampakayongongika seja komi see komi dabae seja wua mpalaongimu.

Lukas 12:47

“Wali to papolaong to manasanya pamporani ntau puenya pei ia taa mampakaroso damangika anu to naporani ntau puenya etu, tau etu daratidas mapari kojo.

Lukas 6:46

Wali yako etu i Yesu manganto’oka wo’u sira, to’oNya, “Tare batuanginya ane komi manganto’oka Aku ‘Pue,’ pei komi taa mangaluluka anu to Kuto’oka komi.

2 Petrus 2:20

Pei tau to mangansani i Yesu Kerisitu, Pue ngkita pasi to Pansompo ngkita, tau etu tilapamo yako ri lengko ngkatuwu nto lino. Apa lengko ngkatuwu to etu mampakaja’a yau tau to mampolengkoka. Pei ane tau to tilapamo pei roo see mangika muni lengko to ewa wetu, tau etu raporapaka ewa binatang to ra’akal apa ia tamo maya miyai wo’u. Wali apa ewa see, see naka katuwunya to purinya, etu semo to ja’a-ja’a pei katuwunya tempo ruyu, tempo ia tawa mangansani i Yesu Kerisitu.

1 Tesalonika 3:5

Wali see naka aku mampokau i Timotius yau resi komi seore, apa aku tamo kukoto manta’amaka kamoru ndayangku mampobuuka komi. Aku mampokau ia yau mangalo’a bara wimba pangaya ngkomi, bara tiroo maroso, bara tamo. Apa aku moru mampobuuka i Kepala Measa to rato’oka seja i Panggoda bara roomo mangagoda yau komi see komi mangandolika yau tangomu yako ri pangaya ngkomi. Apa ane ewa see, tamore batuanginya palaong mami resi komi seore.

Palaong mPomakau i mPue Yesu 26:11

Pasi mandudu ngkani aku mangansesai sira nja’u samparia banua-banua to napampotunde nto Yahudi. Aku rani mampakasaaka sira manto’o maja’a i Yesu. Pasi nempo nja’u kota ntau to yusa aku yau seja mangansesai sira apa mapoi kojo rayangku resi sira.”

Palaong mPomakau i mPue Yesu 20:29

Wali jagai kojo sira apa aku kunsani payungku aku dameyoko yau si’i, dama’i tau to maja’a damampakaja’a komi ewa naika asu maila to maja’a kiranya mampakaja’a yau domba.

Lukas 19:27

Wali ane mangkonong balingku to taa rani aku mawali makole nsira etu, keni mai sira pei pate yau ri tangongku.’” Wali etu semo rapa to nato’o i Yesu see anaguruNya mangansani mampakadota mangika palaong nsira ri rayanya mangampeas tempo ngkama’iNya. Pasi Ia mampatiendoka seja baliNya to taa rani Ia mawali Makole.

Lukas 19:14

“Roo see tau etu mayoko dayau njo’u tana to longko. Pei tau to maroo ri lipu to si ia, sira maja’a nakita ia. See naka sira mampokau tau yau mangalulu ri payunya panewa ojo karata nsira nja’u tana to longko etu sira damampotango seja tau to damangawaika ia kuasanya. Sira damanganto’oka tau etu, ‘Kami taa rani tau si’i mawali makole mami!’ Wali pomakau nsira etu yau mangika ewa wimba nato’o nsira etu.

Matius 24:10

Pasi tempo etu boros tau to damamposaka yau pangaya nsira. Sira damamposora yau yunu nsira pasi maja’a danakita yunu nsira samba’a pei samba’a.

Lukas 7:1

Wali ojo karoonya i Yesu manganto’oka tau boros samparia gombo etu Ia yau njo’u kota Kapernaum.