Lukas 6:42 - Tuntu i mPue ri Basa Taa

⁴² Wali ane re’e tinja ri raya mata ngkomi, taa masipato komi manganto’oka yunumu, ‘Mai, aku damangayali yau yoba ngkaju yako ri raya matamu.’ O komi to ojo gombomu manoto, ne’e masara mampakasala yunu ngkomi! Yali yau ruyu tinja yako ri raya nu matamu panewa roo see komi bara mayoasimo mangkita see maya mangayali yau yoba ngkaju yako ri mata nu yunumu.”

Sura Magali Nuntu Ngkatuwu

⁴² Ewambeʼi da ndipangkoto mantoʼoka kasangkompomi, ‘Maʼi da kupayalika siko ampuli ri matamu setu,’ ntanoka ri matamu ngkaliomu njau sobo anu bareʼe nukita? Ee waʼa ntau toponggoli-nggoli! Yali riunya sobo saowo ri matamu. Nepa da yosa pangkitami da mayali ampuli ri mata ngkasangkompomu.”

Lukas 6:42 Referans Kwoze

2 Petrus 1:9

Pei ane re’e tau to tare lengkonya to ewa wetu, sira ewa tau to buta, to taa maya mangkita anu to longko. Pasi sira re’e mangkalingan i Pue Allah roomo mampalasi yau dosa to naika nsira tempo ruyu.

2 Timotius 2:21

Wali kita to mangaya ane mangandolika tangonta yako ri gombo to taa singkonong pei i Pue Allah to aku room mampakanasa etu, kita ewa yama to rapake mampalinggona tau to bose angganya. Batuanginya kita mawali to papolaong to i Pue Allah Puenya, to bae batuanginya resi i Pue pasi to Ia maya mangampake mangika samparia palaong to matao.

2 Korintus 5:18

Wali samparia palaong to etu paka naika i mPue Allah. Ia semo to mangawali kita see maya masingkatao pei Ia apa saba to naika i Yesu Kerisitu. Pasi Ia roomo mansarumakaka kami mampakarebaka resi tau mangkonong ewa wimba sira maya mawali masingkatao pei Ia.

Roma 2:1

Wali a’i-a’i, bara i sema komi to mampakasala lengko nu yunumu, komi sewajuja ewa mampakasala seja koromu ngkalio apa komi mangika seja lengko to etu. See naka komi tare notomu to maya nuto’o.

Palaong mPomakau i mPue Yesu 13:10

Ia manganto’o, “O korom to pantipu pasi to pangakal, korom ana i ngKepala nto pantipu, pasi korom mangewa samparia to matao. Maka pei korom tare pandoonya rani mangawali yau anu to monso to nato’o i mPue see damawali yau wuti?

Palaong mPomakau i mPue Yesu 8:21

Korom taa masipato mangika seja palaong to kami mangika si’i, apa rayamu taa singkonong pei i Pue Allah.

Palaong mPomakau i mPue Yesu 2:38

Wali i Petrus mangansono, ia manganto’o, “Ewa si’i danuika ngkomi. Pajea pasi rabaptis komi samba’a pei samba’a see sa’e mangansani komi mangayamo i Yesu Kerisitu. Ane komi mangika ewa see, dosa ngkomi daralapas, pasi komi seja damangarata sora yako resi Pue Allah, etu semo i Nosa Mapasing.

Lukas 22:32

Pei Aku roomo mampokaika korom, Simon, see korom taa dapura kojo pangayamu. Korom damangandolika tangomu yako resi Aku pei tempo korom mangandolika muni tangomu resi Aku, tempo etu pakaroso pangaya nu yunumu si’i.”

Lukas 13:15

Pei i Pue mangansono, Ia manganto’o, “Gete korom, ojo gombomu manoto! Tare pasi samba’a komi to taa mapalaong ri Eo Rapandoo! Apa komi mangalede yau taka nu sapi bara keledai ngkomi ri Eo Rapandoo pei mangkeni rapoinu.

Matius 26:75

Wali ojo pangandonge i mPetrus loo nu manu etu, ia mangendo muni gombo to i Yesu roomo manganto’oka yami ia. Gombo etu semo manganto’o, “Re’e katawanya manu matotoro’o, togo ngkanimo korom damamposapuka aku.” Wali i Petrus miyai yako ri tongonata pei ngasa-ngasa tumangi.

Matius 7:3

Wali maka pei komi mampakasala yunumu tempo ia mangika dosa to maya raporapaka ewa yoba ngkaju to nja’u raya matanya? Pei ane dosa to nuika ngkomi, dosa etu maya raporapaka ewa tinja to mampakabuta mata to si komi, pei komi taa mangepe dosamu to bae etu!

Matius 7:4

Wali ane re’e tinja ri raya mata ngkomi, taa masipato komi manganto’oka yunumu, ‘Mai, aku damangayali yau yoba ngkaju yako ri raya matamu.’

Lukas 6:41

“Pasi ane mangkonong mampakasala sa’e, maka pei komi mampakasala yunumu tempo ia mangika dosa to maya raporapaka ewa yoba ngkaju to nja’u raya matanya? Pei ane dosa to nuika ngkomi, dosa etu maya raporapaka ewa tinja to mampakabuta mata to si komi, pei komi taa mangepe dosamu to bae etu!

Lukas 6:43

Wali i Yesu manganto’o wo’u, “Wali raya ntau maya raporapaka ewa kaju apa kita mangansani ane kaju matao, kaju etu taa maya mampowuaka wua to maja’a. Pasi kaju to maja’a taa maya mampowuaka wua to matao.