Lukas 6:29 - Tuntu i mPue ri Basa Taa

²⁹ Pasi ane rapanya re’e tau to mangantopo panganamu to tondo ngkana, waika wo’u panganamu to tondo ngkii napontopo seja. Pasi ane re’e tau to mangoko yau jubamu, waika ia mangoko bajumu wo’u.

Sura Magali Nuntu Ngkatuwu

²⁹ Ane natoposaka ntau pidimu sambali, papaliuka napantoposaka woʼu pidimu anu sambali. Ane narampa ntau jubamu waika woʼu bajumu.

Lukas 6:29 Referans Kwoze

Ibrani 10:34

Raya ngkomi bae pamporayang ngkomi mampobuuka yunu ngkomi to ratarungku apa saba sira mangalulu i Pue Yesu. Pasi tempo ngaya-ngaya ngkomi naoko yau ntau, komi ojo mangabiaka pasi ndende raya ngkomi. Naka pei ndende raya ngkomi apa komi mangansani anu to komi puenya to ndate saruga, anu to etu to tao-tao pei ngaya-ngaya to ri lino si’i, pasi anu to ndate saruga etu tare kapuranya.

2 Korintus 11:20

Pasi gete, komi bae kojo sabara ngkomi, apa lo’a, komi ojo mangansabaraka tau to mangkuasang komi ewa naika ntau to mampowatua sa’e. Pasi komi ojo mangansabaraka seja tau to mangoko yau kasugi ngkomi, tau to mangakal komi, tau to mampobuuka koro nsira to bae-bae batuanginya pei komi. Pasi komi mangansabaraka seja nempo tau mangantopo lio ngkomi.

1 Korintus 6:7

Wali kita to mangaya ane sangkani mangkeni yununta resi to pobotus, batuanginya kita sala. Kita raporapaka ewa tau to room nanangi yau, apa palaong to etu taa masipato naika ntau to i Pue Allah Puenya. Wali ewa see komi. Pei ane re’e yunu ngkita mangika palaong to sala resi kita bara mangantipu kita, to tao-tao ojo rabiaka sakowa mangkeni palaong etu resi to pobotus.

Yohanes 18:22

Wali ojo panganto’o i Yesu gombo etu, re’e samba’a to panjaga to mangantoposaka lioNya, ia manganto’o, “Gete! Taa masipato Korom magombo ewa wetu resi kepala nto pampue to bae angganya!”

Matius 26:67

Wali roo see sira mangerusimo lio i Yesu pasi mangajanggur Ia. Pasi re’e wo’u tau to mangantopo Ia.

Yesaya 50:6

Wali Aku buya rayangKu mangabiaka tau mangampedas bengongKu, pasi mangabiaka tau mangarebus yau sambangingKu. Pasi Aku taa mangandolika yau tangongKu yako resi tau to mangarunes pasi to mangangerus Aku.

1 Korintus 4:11

Rataka ri tempo si’i kami taa gana pangkoni, taa gana anu to rainu pasi pake mami taa seja gana. Kami sangkani rasesai pasi tare tampa to rakaroo.

Lukas 22:64

Sira mangabombong lio i Yesu panewa mangajanggur. Sira manganto’oka Ia, “Ane monso pu’u Korom to pantuntu tuntu i mPue Allah, matantu Korom napaponsanika i mPue Allah i sema tau to mangajanggur Korom. Wali to’oka kami i sema mangajanggur Korom!”

Palaong mPomakau i mPue Yesu 23:2

Wali ojo pandonge nto pobotus gombo i mPaulus manganto’o ewa see, kepala nto pampue to bae angganya, i Ananias, ia manganto’oka tau to makore ri awe i mPaulus, to’onya, “Toposaka nganganya!”

Mikha 5:1

Wali i Pue Yawe manganto’o, “O komi to Betlehem Eprata, kota ngkomi semo to kodi kojo ri tana Yehuda. Pei nempo kota to taa bae angganya etu, pei yako nja’u ria semo darata samba’a makole. Makole etu damamponsaruka Aku mamporentang komi to Israel. Wali makole etu, Ia re’e yako tempo owi, yako ri singkasaenya semo.” Etu semo to nato’o i mPue Yawe.

Lukas 6:30

Pasi ane re’e tau to mamporapi bara kesaa resi komi, waika tau etu anu to naporapi etu. Pasi ane re’e tau mangoko yau anu to komi puenya, ne’e manganto’oka ia pawolili muni.