Lukas 6:19 - Tuntu i mPue ri Basa Taa

¹⁹ Wali samparia tau boros etu rani mampotaka i Yesu, apa re’e kuasa to masuwu yako ri koroNya, kuasa etu mampakatao muni panyaki nsira samparia.

Sura Magali Nuntu Ngkatuwu

¹⁹ Waʼa ntau setu mampari-mpari da mantimosuki i Yesu, da napaleʼo majama Sira, maka reʼe kuasa anu mesuwu ungka ri Sira anu da mampakaʼosa tau seʼe pura-pura.

Lukas 6:19 Referans Kwoze

Matius 14:36

Sira mamporapika kojo resi i Yesu see tau to masaki etu maya mampotaka nempo ojo ri wii nu mpakeNya. Wali i Yesu Ia mangabiaka tau to masaki mampotaka wii nu mpakeNya, panewa samparia sira to mampotaka ri wii nu mpake i Yesu etu, sira rapakatao muni.

Markus 3:10

Naka pei Ia manganto’o ewa wetu apa tau boros etu mangansani Ia room mampakatao muni boros tau to masaki, wali see naka tau masaki to owo rata etu sira rani kojo mampotaka Ia see tuwu-tuwuja sira seja darapakatao muni.

Markus 6:56

Pasi imbare nakarata i Yesu, boros kojo tau mampago Ia. Tempo Ia rata ri kota-kota tau yau mampago, tempo Ia rata ri kampu-kampu tau yau mampago, pasi tempo Ia rata ri nawu-nawu tau yau seja mangampago. Wali boros kojo tau mangampago Ia. Wali tau etu sira mampoduli tau to masaki nja’u pasar. Panewa sira mamporapika kojo resi i Yesu see tau to masaki etu maya mampotaka nempo ojo ri wii nu mpakeNya. Wali i Yesu Ia mangabiaka tau to masaki etu mampotaka wii nu mpakeNya, panewa samparia tau to mampotaka ri wii nu mpake i Yesu etu, sira rapakatao muni.

Markus 5:30

Pei i Yesu Ia mangepe re’e kuasa to masuwu yako resi Ia wali Ia mansaka mangandolika tangoNya ri oyo ntau boros pei mampotanaka resi sira, Ia manganto’o, “Sema to nampotaka pakengKu?”

1 Petrus 2:9

Pei kita tau to roomo napilis i mPue Allah damawali tauNya. Pasi kita semo to pampue to mangika palaong Makole ngkita. Pasi kita semo bansa to i Pue Allah Puenya pasi to tare yusa puenya. Naka pei kita napilis i mPue Allah, see kita damampakarebaka resi sa’e palaong to inikaNya to masipato rabarong. Apa Ia semo to nampokio kita damasuwu yako ri kawuri pei masua wo’u ri raya ngkaremeNya to bae kojo kayawanya.

Markus 8:22

Wali yako etu re’e seore i Yesu pasi anaguruNya yau njo’u kota Betsaida. Rata nja’u ria re’e tau to mangkenika i Yesu tau to buta. Sira mamporapika resi i Yesu, to’onya, “Kami rani Komi mampotaka mata ngkai si’i, see matao muni.”

Palaong mPomakau i mPue Yesu 19:12

See naka sakowa lenso pasi kain to napake i mPaulus etu, ane rakenika tau to masaki, tau etu roo muni masaki. Pasi ane rakenika tau to naposuak measa, tau etu napiyaika measa.

Lukas 5:17

Wali re’e seore i Yesu mampotunde tau ri raya banua ntau. Tempo Ia mampotunde etu, re’e seja matunda nja’u ria bara sawei mba’a to Yahudi to aliran Parisi pasi sawei mba’a tau to mampoguru porenta i Musa. Tau etu yako ponto lipu ntau nja’u propinsi Galilea pasi yako propinsi Yudea pasi kota Yerusalem kama’inya. Pasi re’e kuasa to nawaika i mPue Allah i Yesu see naka Ia maya mampakatao muni tau to masaki.

Lukas 6:18

Naka pei tau boros etu ma’i mangampago tampa etu apa rani mangandonge gombo i Yesu pasi rani rapakatao muni yako ri panyaki nsira. Pasi tau to nasesang measa, sira rapakatao muni seja.