Lukas 6:12 - Tuntu i mPue ri Basa Taa

¹² Wali yako etu re’e seore i Yesu yau nto’u rapa mpantana, yau damakai-kai resi i Pue Allah. Wali ndate ria Ia makai-kai rataka yau wuro.

Sura Magali Nuntu Ngkatuwu

¹² Ri tempo setu mandake i Yesu ri sambaʼa pongkuntana, njairia pekakaia ri Pue Ala rantani mareme.

Lukas 6:12 Referans Kwoze

Ibrani 5:7

Wali ri rayanya i Yesu tuwu ri lino, Ia kaboo-boo pei tumangi makai-kai pasi mamporapi sawang resi i Pue Allah. Ia nansani i Pue Allah re’e kuasa mampalaes Ia yako ri kapate, pei Ia mampalaika i Pue Allah saba manga’angga Ia, wali Ia mangalulu pamporaniNya. Wali see naka i Pue Allah mangandonge pokai-kaiNya etu.

Markus 6:46

Wali ojo karoonya Ia mampokau sira yau muni njo’u lipunya etu, Ia mandake nto’u pantana yau damakai-kai.

Markus 1:35

Wali mosueo to bae i Yesu mambangu pei masuwu yako ri banua i nSimon. Ia yau njo’u tampa to tare tau mangkaroos. Rata nja’u ria Ia makai-kai.

Kolose 4:2

Wali pakadota raya makai-kai resi i Pue Allah, pasi pakakoro makai-kai etu. Pasi to'oka Ia tarima matao.

Matius 6:6

Pei ane komi makai-kai, inta njo’u songimu samba’a pei samba’a pei ba’a wombonya panewa roo see pokai-kai resi Pa’a ngkomi. Ika ewa wetu see sa’e taa mangkita. Pei nempo taa nakita nsa’e, pei re’e to mangkita palaong ngkomi etu. Etu semo Pa’a ngkomi to ndate saruga semo. Ia taa maya rakita, pei Ia mangkita komi. Wali Ia semo damangawaika komi ntanapa ri tango ntau boros.

Matius 5:1

Wali tempo i Yesu mangkita tau boros etu, Ia mandake sangkodi nto’u woto mpantana see tau boros maya mangkita pasi mangandonge Ia. Roo see Ia matunda. Pasi anaguruNya yau ri aweNya.

Markus 3:13

Wali yako etu i Yesu mangansale bara sawei mba’a tau to Ia mamporani yau mangalulu Ia damandake nto’u rapa mpantana. Wali sira nayau. Ojo karata nsira ndate ria, i Yesu mangampilis sampuyu pei dua mba’a tau etu. Tau to sampuyu pei dua etu Ia manganto’oka anaguruNya, apa sira semo to damawali yunuNya pasi sira semo to Ia damampokau damampakarebaka tuntu i mPue Allah resi tau.

Lukas 5:16

Pei i Yesu mananya mangampago tampa to tare tau mangkaroos, yau damakai-kai resi i Pue Allah.

Lukas 6:11

Wali ojo pangkita nto Yahudi to aliran Parisi pasi tau to mampoguru porenta i Musa palaong to mawali etu, sira maja’a kojo rayanya. Wali sira magombo-gombo mangkonong i Yesu bara kesaa to danaika nsira resi Ia.

Lukas 6:17

Wali ojo karoonya i Yesu mangampilis tau sampuyu pei dua etu, Ia malonso yako ri rapa mpantana etu sindara-ndara pei sira. Sira rata ri tampa to lempe to nja’u tau boros kojo. Tau boros etu singga’a anaguru i Yesu seja pasi re’e seja tau to yako sambawo propinsi Yudea, pasi to yako ri kota Yerusalem, pasi to yako ri kota Tirus pasi Sidon to nja’u wii ntasi.

Lukas 9:18

Wali yako etu re’e seore i Yesu makai-kai nja’u tampa to tare tau mangkaroos. Tempo etu nja’u seja anaguruNya nja’u ria. Wali i Yesu mampotanaka resi sira, Ia manganto’o, “Ane ewa panto’o ntau boros, sema Aku si’i?”

Lukas 9:28

Wali yako etu, ojo kagananya bara wayu mbengi yako panto’o i Yesu gombo etu, Ia mangansale i Petrus, i Yohanes pasi i Yakobus panewa Ia mangkeni sira togo nto’u tongku damakai-kai.

Lukas 9:29

Wali rata ndate ria i Yesu makai-kai pasi tempo Ia makai-kai etu ta’a nu lioNya mambali pasi pakeNya mawali buya makilo.