Lukas 5:8 - Tuntu i mPue ri Basa Taa

⁸ Wali tempo i Simon Petrus mangkita palaong to etu, ia mambokotu yau ri tango i Yesu pei manganto’o, “Piyaika aku, Pue, apa aku tau madosa! Taa masipato aku siwaka pei Komi!”

Sura Magali Nuntu Ngkatuwu

⁸ Pangkita i Ncimo anu mewali setu, mombukotu siʼa manyomba ri suara i Yesu, natoʼo, “Ndipalaikamo yaku, Pue! Maka yaku seʼi tau anu masalaa!”

Lukas 5:8 Referans Kwoze

Pangkita 1:17

Wali tempo aku mangkita Ia, aku mapuka yau ewa tau mate ri wawo ntana ri tango nbitiNya. Pei tempo etu Ia mamposaka paleNya tondo ngkana ri wawongku, panewa manganto’o, “Ne’e meka. Aku semo to uyunya pasi to purinya.

Posuwunya 20:19

Sira manganto’oka i Musa, “Komi semo mampogomboka kami pei kami damampodongeka. Pei ne’e i Pue Allah to mampogomboka kami apa ane Ia mampogomboka kami, ane ewa see kami damate!” Etu semo to nato’oka ntau Israel i Musa.

Matius 17:6

Wali ojo pangandonge nu anaguru i Yesu gombo etu sira mamo’o yau ri wawo ntana apa meka kojo raya nsira.

Yohanes 11:32

Wali yako etu i Maria ratamo nja’u tampa nakanja’u i Yesu. Tempo ia mangkita i Yesu ia mamo’o yau ri wawo ntana ri tango mbitiNya pei manganto’o, “O Pue, ane bara re’i Komi seore, matantu a’ingku taa namate yau.”

Matius 8:8

Pei kepala ntentara manganto’o, “O Pue, ne’emo Komi yau. Apa Komi bae kojo anggaMu, wali aku mangepe taa masipato Komi masua ri raya banuangku apa aku kodi anggangku. Pei Komi nempo ojo manganto’o gombo, to papolaongingku damatao muni.

Matius 2:11

Wali ojo karata nsira nja’u banua to nasuduka nu batu’e etu, sira masua pei mangkita Ana kodi sindara-ndara pei indoNya, i Maria. Wali sira madungku yau ri wawo ntana mampue mampakabae Ana kodi etu. Panewa sira mangua tampa ngkasuginya pei mangansora Ia. Sora etu weyawa, pasi dua ngaya soga to matao waunya, to rato’oka kemenyan pasi mur.

1 Korintus 13:12

Wali si’i-si’i kita ewa tau to mangalo’aka lengkenya nja’u sami to mawaraus, wali taa mayoas. Pei ri tempo to darata kita damayoas mangkita ewa tau to mangalo’aka lio nsa’e. Pasi si’i-si’i anu to kunsani ojo sangga’aja, pei ri tempo etu dasewaju ewa wimba kanasanya i Pue Allah mangansani aku.

Lukas 5:7

Wali sira mampokio yunu nsira to nja’u bangka to yusa see sira dama’i mangansawang. Wali yunu nsira etu yau mangansawang. Sira mamporomung bau etu pei mamposaka ri raya bangka to dua etu naka buke kojo see naka datondumo.

Lukas 5:9

Naka pei ia manganto’o ewa wetu apa ia pasi samparia yununya to samba’a bangka pei ia paka ipu raya nsira apa saba yako kuasa i Yesu see naka re’e bau to boros kojo to narata nsira etu.