Lukas 5:17 - Tuntu i mPue ri Basa Taa

¹⁷ Wali re’e seore i Yesu mampotunde tau ri raya banua ntau. Tempo Ia mampotunde etu, re’e seja matunda nja’u ria bara sawei mba’a to Yahudi to aliran Parisi pasi sawei mba’a tau to mampoguru porenta i Musa. Tau etu yako ponto lipu ntau nja’u propinsi Galilea pasi yako propinsi Yudea pasi kota Yerusalem kama’inya. Pasi re’e kuasa to nawaika i mPue Allah i Yesu see naka Ia maya mampakatao muni tau to masaki.

Sura Magali Nuntu Ngkatuwu

¹⁷ Ri anu sandeme ntongo mompaguru i Yesu, njau woʼu bara tesangkuja to Parisi pai waʼa guru agama motunda-tunda njairia. Waʼa ntau anu tepasambaka setu reʼe anu rata ungka ri Yerusale, ungka ri kota-kota ri Galilea pai Yudea. Tongawa kojo kareʼe ngkuasa i mPue ri Yesu pai ndapangkoto mampakaʼosa waʼa ntau majuʼa.

Lukas 5:17 Referans Kwoze

Lukas 6:19

Wali samparia tau boros etu rani mampotaka i Yesu, apa re’e kuasa to masuwu yako ri koroNya, kuasa etu mampakatao muni panyaki nsira samparia.

Lukas 8:46

Pei i Yesu manganto’o, “Re’e pu’u tau to mampora-rayaka mampotaka Aku, apa Aku mangepe kuasa to masuwu yako resi Aku.”

Palaong mPomakau i mPue Yesu 19:11

Wali ri rayanya i Paulus mangika palaong to etu, ia nawaika i mPue Allah kuasa mangika palaong to taa kojo rapobiasa.

Matius 11:5

To’oka ia tau to buta rapakatao muni matanya see mangkita muni rao. Pasi tau sampungku rapakatao muni witinya see maya malinja. Pasi tau to masaki malobo rapakatao muni yako ri panyaki etu. Pasi tau to wongo rapakatao muni talinganya see mangandonge muni rao. Pasi tau mate rawangu muni yako ri kapatenya. Pasi tau to masiasi rapakarebaka kareba to matao.

Palaong mPomakau i mPue Yesu 4:30

Pasi kuporapika seja resi Komi see Komi damampaponsanika tau kuasaMu tempo sira mangkita tau to rapakatao muni yako ri panyaki, pasi tempo sira mangkita palaong to yusa to taa rapobiasa to mawali tondong resi sira pasi palaong to mampakaipu raya nsira. Palaong to etu damawali saba yako kuasa i Yesu, to papolaong ngKomi to mapasing.” Etu semo pakai-kai nu yunu i mPetrus sira dua i Yohanes.

Markus 7:1

Wali re’e seore ma’i bara sawei mba’a to Yahudi to aliran Parisi pasi singga’a tau to mampoguru porenta i Musa. Sira yako Yerusalem ma’i mangampago i Yesu.

Markus 5:30

Pei i Yesu Ia mangepe re’e kuasa to masuwu yako resi Ia wali Ia mansaka mangandolika tangoNya ri oyo ntau boros pei mampotanaka resi sira, Ia manganto’o, “Sema to nampotaka pakengKu?”

Matius 15:1

Wali re’e seore ma’i bara sawei mba’a to Yahudi to aliran Parisi pasi tau to mampoguru porenta i Musa. Sira yako Yerusalem ma’i mangampago i Yesu. Wali ojo parata nsira i Yesu, sira mampotanaka resi Ia,

Yohanes 3:21

Pei ane tau to lengkonya singkonong pei anu to monso, tau etu masanang mangampago reme apa kareba yako resi i Pue Allah to raporapaka ewa reme etu, kareba etu mampakanasaka sira palaong to inikanya etu singkonong pei pamporani i mPue Allah.” Wali etu semo gombo i Yesu resi i Nikodemus.

Lukas 2:46

Wali ojo kagananya togo eo sira mangaliwu i Yesu, panewa sira mangarata Ia ri raya banua i mPue Allah. Ia re’e matunda ri oyo ntau to mampotunde agama nto Yahudi, Ia mangampodongeka gombo nsira pasi masipotanaka resi sira.

Lukas 15:2

Pei to Yahudi to aliran Parisi pasi tau to mampoguru porenta i Musa, sira sakambumbu manganto’o, “Gete, taa matao tau si’i mampogalungika tau to madosa pasi mangkoni sindara-ndara pei sira.”

Lukas 7:30

Pei to Yahudi to aliran Parisi pasi tau to pande kojo mangkonong porenta i Musa, tau etu mampobo’o songka i mPue Allah resi sira, see naka sira bo’onya nabaptis i Yohanes.

Lukas 5:30

Pei tempo sira mangkoni etu, re’e to Yahudi to aliran Parisi pasi tau to mampoguru porenta i Musa to joa nto Parisi etu, sira mangkita palaong to etu yako ri sambali banua. Wali sira sakambumbu, sira manganto’oka anaguru i Yesu, “Maka pei komi mangkoni pasi manginu sindara-ndara pei to pantagi asele pasi tau to yusa to nato’oka seja ntau ‘tau madosa’ etu?”

Lukas 5:21

Wali tempo i Yesu manganto’o gombo etu re’e bara sawei mba’a to Yahudi to aliran Parisi pasi tau to mampoguru porenta i Musa, sira mangandonge. Wali sira mampobuuka, “Gete tau si’i! Ia mampoanika i Pue Allah, apa ojo i Pue Allah semo to nakoto mangalapas dosa ntau.”

Markus 16:18

Pasi sira nempo mangkongko ule to mate tau natungku, bara manginu rasu, sira taa damawali masaki pasi taa damate yau. Pasi sira damangamposaka palenya ri wawo ntau to masaki see tau etu damatao muni.”

Markus 3:22

Pasi re’e seja tau to mampoguru porenta i Musa yako nda’a Yerusalem, sira seja ma’i mangampago. Sira manganto’o, “I Yesu Ia naposuak i Beelsebul, Kepala Measa semo. Wali yako kuasa i ngKepala Measa etu naka pei Ia nakurang mangarubak measa yako resi tau.”

Markus 1:45

Pei ngkai etu ia taa mampolaika gombo to nato’oka i Yesu ia etu. Ia mayoko pei ia mangampaleleka resi tau mangansaritaka tau ewa wimba palaong to nawali resi ia etu. Pasi samparia tau to nakarata ia mangansaritaka. Wali see naka yako etu i Yesu tamo maya masua ri kota ane re’e tau mangkita apa ane tau mangkita Ia, tare pandoonya tau mangampago Ia. Wali see naka Ia ojo maroo-roo re’e lipu to tare tau mangkaroos. Pei nempo ewa wetu, tiroo boros tau yako ri ponto-ponto lipu to yau mangampago Ia nja’u ria.

Yohanes 3:10

Pei i Yesu manganto’o, “Gete! Korom semo samba’a tau tu’a nto Israel to mampotunde sira, pei wimba naka pei korom taa mangansani i Pue Allah Ia re’e kuasa mangika palaong to etu?”

Palaong mPomakau i mPue Yesu 5:34

Pei re’e samba’a tau ri oyo nto pobotus to sanganya i Gamaliel. I Gamaliel etu samba’a tau to mampoguru porenta i Musa pasi samparia tau boros manga’angga ia. Wali i Gamaliel etu makore pei manganto’oka tau keni yau ruyu pomakau yako ri songi nto pobotus etu sangkodi tempo.