Lukas 4:41 - Tuntu i mPue ri Basa Taa

⁴¹ Pasi boros seja tau to naposuak measa, Ia mangarubak yau measa yako resi sira. Pei tempo measa etu miyai, sira maroso loonya kaboo, to’onya, “Komi semo i Kerisitu, Ana i mPue Allah!” Naka pei sira manganto’o gombo etu apa sira mangansanika Ia semo i Kerisitu, Makole parajanji i mPue Allah. Pei i Yesu manganseko measa etu pasi taa mangabiaka sira magombo wo’u.

Sura Magali Nuntu Ngkatuwu

⁴¹ Maria tau anu napesuaki i majaʼa ndapakaʼosa; mesuwu waʼa i majaʼa setu seʼi meboo-boo natoʼo, “Komimo Ana i mPue Ala!” Paikanya ndapokarau i Yesu waʼa i majaʼa setu, bareʼe maya da mantoʼo-ntoʼo inceʼe, maka waʼa i majaʼa setu naincani ka-Siranya Mokole Tadungkadago.

Lukas 4:41 Referans Kwoze

Markus 1:34

Wali i Yesu mampakatao muni boros tau to kono panyaki pangaya-ngaya. Pasi boros seja tau to naposuak measa, Ia mangarubak yau measa yako resi sira. Tempo Ia mangarubak measa etu, Ia taa mangabiaka measa etu magombo apa sira mangansanika Ia semo Ana i mPue Allah.

Yakobus 2:19

Wali wimba, korom bara mangaya i Pue Allah Ia samba’aja? Matao kojo ane ewa see. Pei tawa gana ane kita ojo mangaya ewa wetu apa measa mangaya seja i Pue Allah Ia samba’aja pasi karongko-rongko sira mampobuuka Ia, pei sira taa mampolaika Ia. Wali manasa tawa gana ane korom ojo mangaya pei tare lengkomu to mampakanasaka sa’e mangkonong pangayamu etu.”

Yohanes 20:31

Pei palaong to re’e ratulis, naka pei ratulis see komi maya mangaya i Yesu Ia Ana i mPue Allah, pasi Ia semo i Kerisitu, Makole parajanji i mPue Allah. Panewa yako pangayamu etu, see naka komi maya mangarata katuwu apa saba komi Ia puenya.

Markus 3:11

Pasi ane measa, tempo sira mangkita i Yesu, sira mapuka yau ri tangonya pei sakaboo, sira manganto’o, “Komi semo Ana i mPue Allah.”

Matius 4:3

Wali yako etu rata i panggoda resi Ia. Panggoda etu manganto’oka Ia, “Ane monso pu’u Komi Ana i mPue Allah, to’oka watu si’i, ‘Powali yau roti.’”

Matius 26:63

Pei i Yesu Ia ojo maroti. Wali i Kayapas manganto’oka wo’u Ia, to’onya, “Korom mangansani i Pue Allah anu tuwu, Ia re’e mangandonge gomboMu si’i-si’i. Wali see naka ne’e mawuti, pei to’oka kami ane monso pu’u Korom i Kerisitu, Makole parajanji i mPue Allah, Ana i mPue Allah semo, bara si’a.”

Matius 8:29

Wali tau dua etu maroso loonya kaboo manganto’oka i Yesu, “O Ana i mPue Allah, kesaa ma’i Nupali resi kami? Wimba, Komi bara rata damangansesai kami ri katawanya rata temponya to masipato kami darahuku?”

Markus 1:25

Pei i Yesu mamporentang measa to re’e resi ngkai etu. Ia manganto’o, “Karoti pei piyaimo yako resi ngkai si’i.”

Matius 8:4

Wali ojo karoonya tau to masaki malobo rapakatao muni, i Yesu manganto’oka ia, “Intamo, pei ne’e kojo mangansaritaka sa’e palaong to nawali resi korom etu. Pei intamo njo’u to pampue pei to’oka ia mamparesa korom see ia damangkita korom roo muni masaki. Panewa kenika ia dua mba’a tonsi to darapampueka resi i Pue Allah singkonong ewa porenta i Musa. Apa tempo tau boros mangkita korom mangika pampue etu, palaong etu damawali tondong resi sira korom tamo re’e panyaki to malao.”

Matius 8:16

Wali yako etu, ojo kawurinya rao, ma’i tau mangangkenika i Yesu tau boros to naposuak measa pasi tau to masaki. Wali i Yesu mangarubak measa yako resi tau to raposuak etu ojo mangampake gomboNya semo. Pasi Ia mampakatao muni samparia tau to masaki etu.

Markus 1:32

Wali yako etu, ojo kawurinya rao, nasiromumo songonya tau ri kota etu ri tango banua i nSimon sira dua i Andreas. Tau boros etu mangkenika i Yesu samparia tau to masaki pasi tau to naposuak measa.

Lukas 4:39

Wali i Yesu Ia yau resi tau we’a masaki etu. Ia makore ri awenya pei manganto’oka wojo etu pandooka. Wali tempo etu semo temanua i nSimon ia roo muni wojo, wali ia mansaka mambangu pei mampalinggona sira.