Lukas 4:34 - Tuntu i mPue ri Basa Taa

³⁴ ia manganto’o, “O Yesu to Nasaret, kesaa Komi damangika resi kami to measa? Wimba, Komi bara ma’i mampakaja’a kami? Aku kunsani Komi. Komi semo Tau anu Mapasing yako resi i Pue Allah!”

Sura Magali Nuntu Ngkatuwu

³⁴ “Ee, Yesu to Nasare, ara da maʼi nukuja kami? Siko da maʼi magero kami? Yaku kuincani isema Siko, Sikomo suro magali anu ungka ri Pue Ala.”

Lukas 4:34 Referans Kwoze

Yakobus 2:19

Wali wimba, korom bara mangaya i Pue Allah Ia samba’aja? Matao kojo ane ewa see. Pei tawa gana ane kita ojo mangaya ewa wetu apa measa mangaya seja i Pue Allah Ia samba’aja pasi karongko-rongko sira mampobuuka Ia, pei sira taa mampolaika Ia. Wali manasa tawa gana ane korom ojo mangaya pei tare lengkomu to mampakanasaka sa’e mangkonong pangayamu etu.”

Markus 1:24

ia manganto’o, “O Yesu to Nasaret, kesaa Komi damangika resi kami to measa? Wimba Komi bara ma’i mampakaja’a kami? Aku kunsani Komi. Komi semo Tau anu Mapasing yako resi i Pue Allah!”

Matius 8:29

Wali tau dua etu maroso loonya kaboo manganto’oka i Yesu, “O Ana i mPue Allah, kesaa ma’i Nupali resi kami? Wimba, Komi bara rata damangansesai kami ri katawanya rata temponya to masipato kami darahuku?”

Palaong mPomakau i mPue Yesu 3:14

I Yesu etu Ia tare dosaNya pasi Ia sangkani mangika anu to singkonong pei i Pue Allah. Pei komi mampobo’o Ia, pei mamporapika resi i Pilatus see ia damangalapaka komi tau to yusa to re’e mampopate sa’e.

Pangkita 3:7

Wali yako etu i Pue manganto’oka wo’u aku, “Tulisika seja pomakau ntau to mangaya Aku to siromu nja’u kota Piladelpia. To’oka ia: Si’i gombo yako resi Ia to mapasing pasi to monso, to re’e kuasa seja ewa kuasa i Makole Daud tempo owi. Kuasa etu raporapaka ewa kunsi. Wali ane Ia mangaloka wombo, tare tau to maya mangaba’a, pasi ane Ia mangaba’a, tare to maya mangaloka. Batuanginya tare tau to maya mangewa Ia.

Lukas 4:41

Pasi boros seja tau to naposuak measa, Ia mangarubak yau measa yako resi sira. Pei tempo measa etu miyai, sira maroso loonya kaboo, to’onya, “Komi semo i Kerisitu, Ana i mPue Allah!” Naka pei sira manganto’o gombo etu apa sira mangansanika Ia semo i Kerisitu, Makole parajanji i mPue Allah. Pei i Yesu manganseko measa etu pasi taa mangabiaka sira magombo wo’u.

Lukas 1:35

Wali pomakau etu mangansono, ia manganto’o, “I Nosa Mapasing yako resi i Pue Allah darata resi korom, pasi kuasa i mPue Allah damangika see damawali. Ia darata resi korom, pei kuasa i mPue Allah to bae kojo anggaNya damangantorung korom. Wali see naka Ana to danupoanaka ngkorom etu darato’oka mapasing pasi see naka Ia darato’oka seja Ana i mPue Allah.

Pangkita 20:2

Wali pomakau etu ia mangansoko ule naga, ule to yako tempo owi. Ule naga etu semo to rato’oka i maja’a pasi i Kepala Measa. Wali ia mangansoko ule naga etu panewa ia mangampunguka rante panewa mangantajika yau lo’u raya mbayau to taa ransani ungka ngkayombunya. Ojo karoonya ia mangantajika yau ule naga etu ri raya mbayau, ia mangaba’a yau wayau etu panewa ia mangantondong, batuanginya taa maya raloka ane taa rawaika kuasa. Wali ule naga etu ia damaroo la’u raya mbayau etu sansowu nto’u kasaenya see tempo etu ia taa maya mangantipu to lino. Wali ojo karoonya sansowu nto’u etu ule naga etu ia daralapa muni ojo sangkodija tempo.

1 Yohanes 3:8

Pei tau to mangika dosa, tau etu maroo masingkatao pei i Kepala nto pantipu, apa i Kepala nto pantipu re'e mangika dosa yako ri pamulanya. Wali etu semo sabanya naka pei Ana i mPue Allah ma’i ri lino seore see Ia maya mampakaja'aka yau samparia palaong i ngKepala nto pantipu etu.

Ibrani 2:14

Wali tau to nato’oka i Yesu “ngana” etu, tau etu ojo to lino semo, koro nsira ojo raa pasi wombo. Wali see naka i Yesu mawali seja to lino, see yako kapateNya Ia mampakaja’aka yau kuasa i Maja’a anu to mangkuasang kapate.

Palaong mPomakau i mPue Yesu 16:39

Wali to pobotus etu yau njo’u tarungku pei mamporapika resi i Paulus sira dua, to’onya, “Ne’e rakitanaka sala mami si’i.” Roo see sira mangkeni muni sira dua yako ri raya ntarungku pei mamporapika resi sira dua see sira dameyoko muni yako ri kota etu.

Palaong mPomakau i mPue Yesu 4:27

O Pue, tibanang kojo gombomu etu apa i Makole Herodes pasi i Pontius Pilatus sira siromu ri kota si’i seore sindara-ndara pei tau to Yahudi pasi to si’a to Yahudi. Tempo etu sira mansongka mangewa i Yesu, to papolaong ngKomi to mapasing to nupilis ngKomi damawali Makole.

Palaong mPomakau i mPue Yesu 2:27

apa Komi, i Pue Allah, taa ojo damangabiaka toniingKu maroo-roo la’u lipu ntau mate. Pasi Aku, to papolaong to si Komija, Aku kunsani Komi taa seja damangabiaka lembangKu naka boo yau.

Lukas 8:37

Wali bae kojo kameka ndaya ntau to maroo ri lipu nto Gerasa etu. See naka sira samparia paka mamporapika resi i Yesu see Ia damiyai yako ri lipu nsira. Wali i Yesu pasi anaguruNya mapone muni ri bangka pei malayag mawolili muni njo’u sambote ndano.

Lukas 8:28

Pasi mandudu ngkani measa etu mamposuak ia, see naka tau mangampunguka rante pale pasi witinya pasi mangajagai kojo ia. Pei nempo ewa see, ia ojo mangarapas yau rante etu pei napakasaaka measa yau njo’u lipu to tare tau mangkaroos. Wali tempo ngkai etu mangantomu i Yesu, tempo etu i Yesu mamporentang measa to mamposuak ia etu see measa etu damasuwu yako resi ia. Pei ngkai etu kaboo pei mambokotu ri tangoNya. Ia maroso loonya manganto’o, “O Yesu, Ana i mPue Allah anu makuasa kojo, kesaa ma’i Nupali resi aku? Kuporapika resi Komi, ne’e mangansesai aku!”

Markus 5:7

Panewa i Yesu manganto’oka measa to mamposuak tau etu, to’onya, “Measa, piyaimo yako resi ngkai si’i!” Wali ngkai to naposuak measa etu maroso loonya kaboo, to’onya, “O Yesu, Ana i mPue Allah anu makuasa kojo, kesaa ma’i Nupali resi aku?” Panewa ia manganto’o wo’u, “Ri tango i mPue Allah, matamanasa ngkita, kuporapika resi Komi ne’e mangansesai aku!”

Markus 1:34

Wali i Yesu mampakatao muni boros tau to kono panyaki pangaya-ngaya. Pasi boros seja tau to naposuak measa, Ia mangarubak yau measa yako resi sira. Tempo Ia mangarubak measa etu, Ia taa mangabiaka measa etu magombo apa sira mangansanika Ia semo Ana i mPue Allah.

Masmur 16:10

Apa Komi taa damangabiaka yau aku ojo maroo-roo la’u lipu ntau mate. Pasi ane Tau to katuwuNya singkonong kojo pei Komi, Komi taa damangabiaka Ia danangi yau ngkapate.

Pomulanya 3:15

Pasi yako tempo si’i Aku damangika see korom tamo masingkatao pei tau we’a. Kasimbalinya yako etu komi dua damawali yau masibali. Pasi ewa see seja wiyaamu pei wiyaa to si ia. Wali korom damangantungku tompo ntodu mbiyaa ntau we’a si’i, pei wiyaanya etu damangabusak wo’omu.” Wali etu semo gombo i mPue Yawe mangahuku ule etu.

Lukas 4:33

Wali tempo i Yesu mampotunde ri raya banua etu, tempo etu nja’u seja ngkai to naposuak measa, nosa to maja’a kojo. Ngkai etu maroso loonya kaboo,