Lukas 3:11 - Tuntu i mPue ri Basa Taa

¹¹ Panewa i Yohanes manganto’oka sira, “Ewa si’i danuika ngkomi. Ane tau to dua bajunya, waika yau samba’a resi tau to tare bajunya. Pasi ewa see seja tau to re’e pangkoni, tila yau resi tau to tare pangkoninya.” Etu semo pasono i Yohanes.

Sura Magali Nuntu Ngkatuwu

¹¹ Mesono i Yohane natoʼo, “Tau anu mampotumpu radua baju, sangaya-ngaya sambaʼa da nawaika tau anu bereʼe bajunya; pai tau anu mampotumpu pangkoni, sangaya-ngaya da napotilaka.”

Lukas 3:11 Referans Kwoze

1 Yohanes 3:17

Wali rapanya, ane kita gana anu to napake ngkita pasi mangangkita a'inta masiasi, pei kita bo'onta mangansawang, ane ewa see, batuanginya kita taa mamporayang i Pue Allah.

1 Timotius 6:18

Wali to’oka tau sugi etu pakadota mangika palaong to matao, pasi mangansora sa’e yako ri kabuya ndaya pasi ri kanoto ndaya.

Lukas 18:22

Wali ojo pangandonge i Yesu gombo ngkai etu, Ia manganto’oka wo’u ia, “Jamo sanjaya to tawa nuika, etu semo, intamo pei pobalu yau samparia kasugimu pei olinya tilaka yau tau to masiasi. Ane ewa wetu nuika ngkorom, korom damangarata kasugi ndate saruga. Pasi ane roomo mangawaika yau samparia etu, mai muni pei lulu Aku.”

1 Yohanes 4:20

Wali anu kita mamporayang pua’i ngkita to samba’a pangaya. Apa ane re'e tau to manganto'o, "Aku kuporayang i Pue Allah," pei tau etu maja'a nakita a'inya to samba'a pangaya, ane ewa see gombonya etu palaku. Apa ane ia taa mamporayang a'inya etu to roomo nakita nu matanya, batuanginya ia taa seja nakurang mamporayang i Pue Allah to taa nakita nu matanya etu.

Yakobus 1:27

Pei agama to monso pasi to taa sala ri pangkita i mPue Allah, Pa’a ngkita, ewa si’i, kita mangansawang tau to ilu kojo pasi tau to balu ri raya ngkasusa nsira. Pasi agama to monso etu ewa si’i seja, kita mangajagai koronta naka ne’e mangalulu seja lengko to makarika to naika nto lino to taa mangaya i Pue Allah. Wali etu semo to masipato naika ngkita mangaluluka tuntu i mPue Allah.

Lukas 11:41

Wali to tao-tao komi mangawali yau pampobuuka ngkomi see buya raya ngkomi mangoko anu to re’e resi komi pei mangantilaka yau resi tau to masiasi. Apa ane ewa see, raya ngkomi damayongo seja sewaju ewa woto ngkoro ngkomi to roomo rapakayongongika etu.

Matius 25:40

“Wali Aku damanganto’oka sira, ‘Aku manganto’oka komi, monso pu’u ponto ngkani komi nangika palaong to ewa wetu mangansawang tau to rato’oka tua’ingKu si’i, nempo to taa bose angga nsira, batuanginya ane ri pangkita nu matangKu komi nangika palaong to etu mangansawang Aku.’

Ibrani 6:10

Etu semo komi roomo mangansawang tau to i Pue Allah Puenya pasi tiroowa mangansawang sira, wali yako palaong to etu komi mampaporaoka pamporayang ngkomi resi i Pue Allah. See naka Ia taa damangkalingan palaong to nuika ngkomi pasi pamporayang ngkomi resi Ia. Naka pei kita mangansani Ia taa mangkalingan, apa i Pue Allah sangkani mangika ewa wimba to masipato raika.

Palaong mPomakau i mPue Yesu 10:31

Wali tau etu manganto’oka aku, to’onya, ‘Kornelius, pakai-kaimu nadonge kojo i mPue Allah pasi Ia re’e mangkita ewa wimba nuika ngkorom mangansawang tau to masiasi. Wali Ia taa mangkalingan korom.

Palaong mPomakau i mPue Yesu 10:4

Wali i Kornelius meka kojo mangalo’aka resi pomakau etu, pei ia manganto’o, “Bara re’e kesaa, Pue?” Wali pomakau etu manganto’oka ia, “Pakai-kaimu nadonge kojo i mPue Allah pasi Ia re’e mangkita ewa wimba nuika ngkorom mangansawang tau to masiasi. Wali Ia taa mangkalingan korom.

Palaong mPomakau i mPue Yesu 10:2

I Kornelius etu ia tau to singkonong pei i Pue Allah, pasi ia mampalaika i Pue Allah saba manga’angga Ia. Pasi ewa see seja samparia tau to maroo ri banuanya. Ia boros mangansawang to Yahudi to masiasi, pasi ia sangkani makai-kai resi i Pue Allah.

Lukas 19:8

Pei i Yesu Ia yau sinjaya pei i Sakheus rata nja’u banuanya. Tempo sira re’e ri raya banua, i Sakheus makore pei manganto’o, “Ewa si’i Pue, santongo ngaya-ngayangku dakutilaka yau tau to masiasi, pasi dakupowalilika muni resi tau to itipungku opo ngkani kaborosinya pei to itipukaku sira etu.”

Epesus 4:28

Pasi ane tau to malima, ne’emo malima. Pei kasimbalinya yako etu to tao-tao ia mapalaong. Tempo ruyu ia mangampake palenya malima, pei si’i-si’i to tao-tao ia mangampake palenya etu mangika palaong to matao. Wali ane ia mangika ewa wetu ia damangarata gana anu to rapake wali ia maya mangawaika seja santila resi tau to masiasi.

1 Timotius 6:17

Wali re’e wo’u sangkodi to aku rani manganto’o mangkonong tau to sugi ri lino si’i. To’oka sira ne’e mangei pasi ne’e mansarumaka kasuginya, apa tare kasugi ri lino to taa dapura yau. To’oka sira sarumaka i Pue Allah, anu to manoto kojo resi kita. Apa samparia to kita masanang mangampake Ia mangawai.

Yakobus 2:14

Wali a’i-a’ingku, kesaa batuanginya ane tau manganto’o ia mangaya, pei tare lengko mpangayanya etu? Wimba pangayanya etu bara maya mangansawang ia ane ia rani mampakanasaka yununya ia tau to mangaya? Taa kojo!