Lukas 24:6 - Tuntu i mPue ri Basa Taa

⁶ Tau to nuliwu ngkomi tamo re’i rire apa Ia nambangu munimo yako ri kapateNya. Pobuuka gombo to Ia roomo manganto’oka komi tempo Ia tiroowa nja’u Galilea.

Sura Magali Nuntu Ngkatuwu

⁶ Sira bareʼemo reʼe ireʼi. Sira membangumo! Da ndiendomo nunjaa anu roomo ndatoʼoka komi ri sindara Sira ntongo ri Galilea,

Lukas 24:6 Referans Kwoze

Lukas 9:22

Wali yako etu i Yesu manganto’oka wo’u anaguruNya, “Aku, Wiyaa nto Lino, damangarata boros kasesa. Pasi Aku danapobo’o ntau tu’a nto Yahudi pasi kepala-kepala nto pampue pasi tau to mampoguru porenta i Musa. Wali Aku darapopate yau, pei yako etu, ri rayanya togo eo Aku darawangu muni yako ri kapatengKu.”

Markus 8:31

Wali tempo etu semo i Yesu mula mampotundeka anaguruNya mangkonong anu to damawali resi Ia. To’oNya, “Aku, Wiyaa nto Lino, damangarata boros kasesa. Pasi Aku danapobo’o ntau tu’a nto Yahudi pasi kepala-kepala nto pampue pasi tau to mampoguru porenta i Musa. Wali Aku darapopate yau, pei yako etu, ri rayanya togo eo Aku damambangu muni yako ri kapatengKu.”

Matius 28:6

Pei Ia tamo re’i rire apa Ia nambangu munimo yako ri kapateNya ewa to’oNya tempo ruyu. Wali mai lo’a wakanya Ia rapoduli.

Lukas 9:44

Ia manganto’o, “Ne’e mangkalingan gombo to daKuto’oka komi si’i: Aku, Wiyaa nto Lino, daraposora yau resi tau.” Etu semo to nato’oka i Yesu anaguruNya.

Matius 27:63

Tempo sira rata resi ia, sira manganto’o, “Pa’a, kami tiroowa kuendo gombo nto pantipu etu tempo Ia tuwuwa. Tempo etu Ia manganto’o, ‘Aku damate pei ri rayanya togo eo Aku damambangu muni yako ri kapatengKu.’

Matius 16:21

Wali yako ri tempo etu semo i Yesu mula mampakanasaka resi kami to anaguruNya, to’oNya, “Aku taa maya taa yau ndeku Yerusalem. Pasi nda’a ria boros kasesa to Aku damangarata yako resi tau tu’a nto Yahudi pasi kepala-kepala nto pampue pasi tau to mampoguru porenta i Musa. Wali Aku darapopate yau, pei yako etu, ri rayanya togo eo Aku darawangu muni yako ri kapatengKu.”

Matius 12:40

Apa i Yunus etu, ia togo mbengi kasaenya maroo ri raya ngkompo nu bau to bae kojo, roo see ia ralua yau munimo. Wali ewa see seja Aku, Wiyaa nto Lino damaroo ri raya ntana togo mbengi kasaenya panewa Aku darawangu muni yako ri kapatengKu. Wali palaong to etu semo to damawali tondong to damampakanasaka komi kuasangKu monso pu’u yako resi i Pue Allah. Pei Aku taa damangikaka komi tondong to yusa.

Markus 16:6

Pei pomakau i mPue Allah etu manganto’oka sira togo, to’onya, “Ne’e meka, apa Aku kunsani komi ma’i mangalo’a i Yesu to Nasaret anu roomo rapaku ri kaju pasape. Pei Ia tamo re’i rire apa Ia nambangu munimo yako ri kapateNya! Lo’a wakanya Ia rapoduli.

Lukas 24:5

Wali tau we’a etu meka kojo raya nsira, pasi sira madungku yau ri wawo ntana. Pei tau dua etu manganto’oka sira, “Maka pei komi ma’i ri tampa ntau mate damangalo’a tau to tuwu?

Lukas 24:34

Ojo karata nsira resi tau etu panewa tau nda’a ria manganto’oka sira dua, “Monso pu’u i Pue roomo mambangu muni yako ri kapateNya pei mampapokitaka i Petrus koroNya!”

Palaong mPomakau i mPue Yesu 2:24

Wali ojo karoonya komi mampopate yau i Yesu, i Pue Allah mampotuwu muni Ia yako ri kapateNya etu. I Pue Allah mangalapa Ia yako ri kuasa nu ngkapate apa kapate taa nakurang manganta’amaka Ia.

2 Tesalonika 2:5

Wali komi bara tawa mangkalingan gombo mami seore to mampakanasaka komi mangkonong palaong to damawali etu.