Lukas 24:44 - Tuntu i mPue ri Basa Taa

⁴⁴ Roo see Ia manganto’oka sira, “Komi mangkita monso pu’u Aku si’i roomo mambangu muni yako ri kapatengKu, wali si’i semo to Aku manganto’oka yami komi tempo Aku tiroowa re’e resi komi seore. Tempo etu Aku manganto’oka komi taa maya taa tibanang samparia to ratulis yami mangkonong Aku ri porenta i Musa pasi ri buku-buku to natulis nto pantuntu tuntu i mPue Allah tempo owi, pasi ri buku Masmur.”

Sura Magali Nuntu Ngkatuwu

⁴⁴ Roo setu ndatoʼoka tau seʼe, “Inceʼimo waʼa anu roo Kupapaincanika komi sindara Yaku ntongo sangkani-ngkanipa pai komi, kakononya waʼa anu roo teʼuki kono Yaku ri raya waʼa Ncura i Musa, Waʼa Nabi, pai Ngayu, sangaya-ngaya da mewali.”

Lukas 24:44 Referans Kwoze

Palaong mPomakau i mPue Yesu 13:33

Apa parajanjiNya resi bue-bue ngkita etu i Pue Allah room mangabanang resi kita to wiyaa nsira, etu semo Ia mangawangu muni i Yesu yako ri kapateNya. Wali re’e gombo to ratulis ri raya buku Masmur mangkonong palaong to etu. Gombo etu gombo i mPue Allah resi i Yesu, Ia manganto’o, ‘Komi semo Anangku, Seo si’i Aku roomo mampakanasaka resi tau monso pu’u Aku Pa’aMu.’ (Masmur 2:7)

Lukas 9:22

Wali yako etu i Yesu manganto’oka wo’u anaguruNya, “Aku, Wiyaa nto Lino, damangarata boros kasesa. Pasi Aku danapobo’o ntau tu’a nto Yahudi pasi kepala-kepala nto pampue pasi tau to mampoguru porenta i Musa. Wali Aku darapopate yau, pei yako etu, ri rayanya togo eo Aku darawangu muni yako ri kapatengKu.”

Yesaya 7:14

Wali i Pue semo damangawaika kita tondong to mampakanasaka resi kita Ia dasiwaka pei kita. Wali padongeka kojo gombongku si’i. Dare’e samba’a tau we’a to tawa re’e nepenya to langkai, tau we’a etu damangkayu’uka pei damampoanaka ana langkai. Panewa ana etu darato’oka Imanuel, batuanginya i Pue Allah re’e siwaka pei kita. Wali palaong to etu, etu semo tondong to mampakanasaka resi kita i Pue Allah dasiwaka pei kita.

Pangkita 19:10

Wali yako etu aku madungku yau ri tana ri tango mbiti mpomakau etu damampue mampakabae ia. Pei ia manganto’oka aku, “Ne’e mampue mampakabae aku, pampue resi i Pue Allah. Apa aku seja to papolaong i mPue sewaju ewa korom pasi ewa a’i-a’imu to mangangkongko seja anu to napotundeka i Yesu. Apa anu to napotundeka i Yesu, etu semo anu to nato’oka i Nosa Mapasing to pantuntu tuntu i mPue Allah tempo owi.

Ibrani 10:1

Wali porenta i Musa ojo ewa lengke to taa mayoas mangkonong anu to matao to darata, pei porenta etu taa sewaju pei anu to darata etu. See naka porenta etu taa maya mampasilonga tau to mangangkeni pampue nsira mangampago i Pue Allah. Nempo ponto-ponto to’u sira mandudu ngkani naika mampampueka Ia pampue to sewaju-waju etu, pei palaong etu taa mampasilonga sira.

Yohanes 5:46

Apa ane komi monso pu’u mangaya to natulis i Musa etu, ane ewa see komi damangaya seja Aku, apa i Musa nangantulis mangkonong Aku semo.

Yesaya 9:6

Wali tare pandoonya kuasa nu Makole etu, kanjo’u-njo’u kabae-bae kuasaNya etu. Pasi kasanang to Ia mangawai taa seja re’e kapuranya rataka ri singkasaenya. Wali Ia damaporenta mangabolos bueNya, i Makole Daud, to tempo owi, pei damampolasaka paporenta nu bueNya etu. Wali Ia damampasilonga panewa mampakaroso muni paporentanya etu yako tempo si’i rataka ri singkasaenya. Ia maya mampakaroso muni paporentanya etu apa Ia pande kojo mangika botu pasi samparia to Ia mangika paka kono kojo. Wali i Pue Yawe anu Makuasa, Ia mamporayang kojo tauNya, wali see naka matantu kojo Ia damangawaika kita i Makole to damampakaroso porentanya etu.

Pomulanya 22:18

Pasi yako wiyaamu semo see naka samparia bansa nto lino damangarata kasanang. Samparia palaong to etu damawali apa saba korom mampalaika gombongKu.’” Etu semo parajanji i mPue Yawe resi i Abraham.

Ibrani 9:8

Wali yako palaong to etu i Nosa Mapasing mampakanasaka kita ane tiroowa rapake tenda to uyunya etu, pasi ane owo to pampue to bae angganya to maya masua ri raya nsongi to kadua, batuanginya tawa re’e jaya ntau boros masua re ria.

Yohanes 5:39

“Wali komi madota kojo maguru tuntu i mPue Allah, apa komi mampobuuka ane maguru tuntu i mPue Allah komi damangarata katuwu to singkasaenya. Wali tuntu i mPue Allah to nupoguru ngkomi etu, tuntu etu mampakanasa mangkonong Aku.

Pombilang 21:8

Wali i Pue Yawe manganto'oka i Musa, “Ika samba'a ule yako tambaga pei pasaka ule etu ndate woto ntinja see maya nakita ntau boros. Wali i sema pura tau to natungku nu ule to kayangu ngisinya, tau etu taa damate yau ane ia mangalo'aka re’e ule tambaga etu.” Etu semo to nato’oka i mPue Yawe i Musa.

Pomulanya 3:15

Pasi yako tempo si’i Aku damangika see korom tamo masingkatao pei tau we’a. Kasimbalinya yako etu komi dua damawali yau masibali. Pasi ewa see seja wiyaamu pei wiyaa to si ia. Wali korom damangantungku tompo ntodu mbiyaa ntau we’a si’i, pei wiyaanya etu damangabusak wo’omu.” Wali etu semo gombo i mPue Yawe mangahuku ule etu.

Yohanes 3:14

Wali palaong to damawali resi Aku ewa palaong to mawali resi ule tambaga to naika i Musa nja’u pada bone tempo owi. Ule tambaga etu naposaka i Musa ri sampole kaju panewa inokotakanya ri tango ntau boros see tau to mangalo’aka maya rapalaes. Wali ewa wetu seja damawali resi Aku, Wiyaa nto Lino. Apa Aku taa maya taa darapaku ri kaju pei raokotaka seja ri tango ntau boros.

Lukas 24:46

Ia manganto’oka sira, “Si’i semo to ratulis, to’onya I Kerisitu, Makole parajanji i mPue Allah, Ia taa maya taa mangarata kasesa pasi mambangu muni yako ri kapateNya ri rayanya togo eo.

Pomulanya 49:10

“O Yehuda, korom pasi wiyaamu semo to damamporentang bansa Israel. Wali kuasa ngkomi sambiyaa etu taa daraoko yau rataka ri singkasaenya. Wali yako wiyaa ngkorom etu, re’e samba’a to darata, Ia semo to masipato rato’oka Makole to monso. Wali Makole etu danapalaika ntau yako samparia bansa.

Pomulanya 14:18

Pasi ma’i seja i Makole Melkisedek mangantomu seja ia. I Melkisedek etu, ia makole ri kota Salem pasi ia seja to pampue i mPue Allah, etu semo i Pue Allah to Mangkuasang Samparia. Wali i Melkisedek etu mangkenika i Abram pangkoni, etu semo roti pasi tule anggur.

Ibrani 7:1

Wali i Melkisedek etu, ia makole ri kota Salem tempo owi. Pasi ia to pampue to mangika palaong i mPue Allah to mangkuasang samparia. Wali tempo i Abraham mawolili muni yako mamusu manganangi makole-makole, tempo etu ma’i i Melkisedek mangantomu ia. Panewa i Melkisedek mamporapika resi i Pue Allah see Ia damangawaika i Abraham rasi.

Ibrani 3:5

Wali i Kerisitu pasi i Musa paka masipato rasarumaka mangika palaong to nawaika i mPue Allah sira. I Musa mampasilonga samparia tau to i Pue Allah Puenya to raporapaka ewa banua i mPue Allah. Ia mangika palaong etu ewa naika nto papolaong. Pasi ia manganto’oka tau boros, “I Pue Allah roomo mampaponsanika aku mangkonong anu to Ia damanganto’o ri tempo to darata.” Ewa wetu nato’o i Musa. Pei ane i Kerisitu, Ia mampasilonga seja banua i mPue Allah, pei Ia mangika palaong etu si’a ewa naika nto papolaong. Ia mangika ewa naika ana ntau pue banua. Wali kita semo to rato’oka banua i mPue Allah etu ane kita mampakaroso rayanta see taa meka-meka, pasi mampakaroso pansarumakanta to mampakandende raya ngkita, see karoso ndayanta pasi pansarumakanta etu maroso rataka ri tempo kapatenta.

Palaong mPomakau i mPue Yesu 7:37

Wali i Musa manganto’oka seja to Israel etu, to’onya, ‘I Pue Allah damangampilisika komi samba’a to pantuntu tuntuNya to yako ri oyo nu yunu ngkita seja. To pantuntu tuntuNya etu Ia damangampilis ewa nikaNya nangampilis aku. Wali komi damampodongeka ia.’ Ewa see to’oka i Musa to Israel.

Lukas 22:37

Apa Aku manganto’oka komi, gombo to ratulis ri raya ntuntu i mPue Allah mangkonong Aku, gombo etu taa maya taa datibanang. Wali gombo to mangkonong Aku etu manganto’o, ‘Ia rabotus panewa Ia rato’oka seja samba’a tau to mangewa porenta i mPue Allah.’ (Yesaya 53:12) Wali gombo etu tamo masae datibanang.”

Lukas 21:22

Apa tempo etu tempo huku to rapakanasaka yami ri raya ntuntu i mPue Allah. Wali samparia to ratulis etu darabanang ri tempo etu.

Lukas 9:44

Ia manganto’o, “Ne’e mangkalingan gombo to daKuto’oka komi si’i: Aku, Wiyaa nto Lino, daraposora yau resi tau.” Etu semo to nato’oka i Yesu anaguruNya.

Matius 26:56

Pei samparia palaong to si’i naka pei mawali see tibanang gombo to natulis yami nto pantuntu tuntu i mPue Allah tempo owi.” Wali ojo karoonya i Yesu magombo etu, kami to anaguruNya miyai yau samparia mampiyaika Ia.

Matius 26:54

Pei Aku taa mangika ewa wetu, apa ane Aku mangika ewa wetu, taa damawali ewa to roomo rapakanasa yami ri raya ntuntu i mPue Allah. Apa tuntu i mPue Allah manganto’o ewa si’i semo palaong to damawali resi Aku.”

Matius 16:21

Wali yako ri tempo etu semo i Yesu mula mampakanasaka resi kami to anaguruNya, to’oNya, “Aku taa maya taa yau ndeku Yerusalem. Pasi nda’a ria boros kasesa to Aku damangarata yako resi tau tu’a nto Yahudi pasi kepala-kepala nto pampue pasi tau to mampoguru porenta i Musa. Wali Aku darapopate yau, pei yako etu, ri rayanya togo eo Aku darawangu muni yako ri kapatengKu.”

1 Petrus 1:11

Sira mangansani yami i Pue Allah damangansawang to lino apa Nosa i ngKerisitu re’e ri raya nto pantuntu tuntu i mPue Allah tempo owi etu, pasi Ia manganto’oka yami sira mangkonong kasesa to danarata i Makole parajanji i mPue Allah. Pasi Ia manganto’oka seja sira mangkonong kayawa to Ia damangarata ri temponya Ia roomo rasesai etu. Pei re’e anu to tawa manasa resi sira pasi sira rani kojo mangansani mangkonong to etu. Wali to naporani kojo nsira mangansani, etu semo bara tau to imba damangarata kasesa pasi kayawa etu, pasi bara mpia temponya napowali mpalaong etu.

Palaong mPomakau i mPue Yesu 3:18

Pei palaong to nuika ngkomi etu mangabanang gombo i mPue Allah to nato’o nto pantuntu tuntuNya tempo owi, apa sira manganto’o mangkonong i Kerisitu, Makole parajanji i mPue Allah, Ia damangarata kasesa.

Markus 9:31

apa Ia tongo-tongonya mangampotundeka anaguruNya. Tempo Ia mampotundeka sira, Ia manganto’o, “Aku, Wiyaa nto Lino, daraposora yau resi tau. Panewa tau etu damampopate yau Aku, pei ri rayanya togo eo Aku damambangu muni yako ri kapatengKu.”

Matius 1:22

Wali ewa wetu palaong to nawali resi i Maria sira dua i Yusup ri tempo etu. Naka pei samparia palaong etu nawali see tibanang gombo i mPue to naporata nto pantuntu tuntuNya tempo owi.

Palaong mPomakau i mPue Yesu 2:27

apa Komi, i Pue Allah, taa ojo damangabiaka toniingKu maroo-roo la’u lipu ntau mate. Pasi Aku, to papolaong to si Komija, Aku kunsani Komi taa seja damangabiaka lembangKu naka boo yau.

Palaong mPomakau i mPue Yesu 13:40

Wali pakatao kojo naka ne’e mawali resi komi ewa to natulis nto pantuntu tuntu i mPue Allah tempo owi etu. Ia mangantulis gombo i mPue Allah resi tau to bo’onya mangaya Ia, to’oNya,