Lukas 23:54 - Tuntu i mPue ri Basa Taa

⁵⁴ Wali tempo palaong to etu mawali, tempo etu semo eo to napangampasilonga nto Yahudi pangkoni pei to yusa-yusanya to darapake ri Eo Rapandoo, apa damulamo Eo Rapandoo.

Sura Magali Nuntu Ngkatuwu

⁵⁴ Eo setu eo Alima; pai mosumo da pontepuʼu poʼeo Umapo.

Lukas 23:54 Referans Kwoze

Matius 27:62

Wali eo ngkapate i Yesu etu, etu semo eo to napasigena nto Yahudi anu to darapake ri Eo Rapandoo. Wali yako etu ratamo Eo Rapandoo, panewa siromu kepala-kepala nto pampue pasi to Yahudi to aliran Parisi. Sira yau mampotango i Pilatus.

Yohanes 19:31

Wali eo etu semo eo Jumat, eo to napangampasilonga nto Yahudi pangkoni pasi to yusa-yusanya to darapake ri Eo Rapandoo, apa nile semo Eo Rapandoo. Pasi si’a ojo Eo Rapandoo to biasa, Eo Rapandoo to bae kojo batuanginya apa tempo Roa Paskah semo. Wali tau tu’a nto Yahudi taa rani lemba ntau ojo rabiaka ndate kaju pasape ane Eo Rapandoo apa taa singkonong pei porenta nu agama nsira. See naka sira yau resi i Pilatus pei mamporapika resi ia see ia damampokau tau yau mangampu’a witi ntau togo to rapaku etu see sira majoli mate, panewa lembanya maya daratauraka yako ri kaju pasape.

Markus 15:42

Wali tempo ngkapate i Yesu, tempo etu daredemo eo. Eo etu semo eo to napangampasilonga nto Yahudi pangkoni pei to yusa-yusanya to darapake ri Eo Rapandoo, apa damulamo Eo Rapandoo.

Yohanes 19:42

Wali apa saba dayo etu mosu kojo, see naka i Yusup sira dua i Nikodemus mampoduli lemba i Yesu nja’u rayanya. Roo see sira mangabombongika yau watu to bae ri wombo nu dayo etu. Naka pei sira mampongkeli lemba i Yesu nja’u dayo to mosu etu apa sira masara rayanya saba daredemo eo, eo Jumat, wali tamo masae damamulamo Eo Rapandoo. Wali ane mulamo Eo Rapandoo sira taa maya mapalaong nempo mangampongkeli tau mate.

Yohanes 19:14

Wali tempo i Pilatus matunda etu, mosumo ntongo eo, eo Jumat, eo to napangampasilonga nto Yahudi pangkoni pei to yusa-yusanya to darapake ri Roa Paskah. Wali ojo patunda i mPilatus, ia manganto’oka to Yahudi, to’onya, “Lo’aja makole ngkomi!”

Lukas 23:53

Wali yako etu i Yusup yau mantauraka lemba i Yesu yako ri kaju pasapeNya panewa ia mangawungusika kain lena. Panewa roo see ia mangkeni tau mate etu njo’u wayau to raika ri woto mbatu pei mampoduli nja’u rayanya. Wayau etu dabouwa, tawa re’e tau mate rapoduli nja’u rayanya.