Lukas 22:42 - Tuntu i mPue ri Basa Taa

⁴² Ia manganto’o, “O Pa’a, ane bara re’e jaya, limba kasusa to dakurata si’i. Pei ne’e raluluka pamporaningKu. Biakamo pamporani ngKomi semo damawali.”

Sura Magali Nuntu Ngkatuwu

⁴² nepa mombukotu mekakai ndatoʼo, “Papa, ane maya, ndipakalawa ungka ri yaku kapari anu sangaya-ngaya da kupomberata seʼi. Paikanya neʼe malulu pepokono-Ku, paikanya podo malulu pepokono mPapa.” (

Lukas 22:42 Referans Kwoze

Matius 26:39

Wali i Yesu Ia mampiyaika sira togo, Ia yau longko wo’u njo’u sangkodi. Roo see Ia mamo’o yau ri wawo ntana pei makai-kai, Ia manganto’o, “O Pa’angKu, ane bara re’e jaya, limba kasesa to daKurata si’i. Pei ne’e raluluka pamporaningKu. Biakamo pamporani ngKomi semo damawali.”

Matius 26:42

Wali ojo karoonya i Yesu mampogomboka i Petrus etu, Ia yau wo’u makai-kai kadua ngkaninya. Ia manganto’o, “O Pa’angKu, ane tare jaya yusa rapangalimba kasesa dakurata si’i, pei taa maya taa Aku damangarata, ane ewa see biakamo pamporani ngkomi semo damawali.”

Markus 14:36

Ia manganto’o, “O Baba, Komi semo Pa’angKu! Tare kesaa to taa Nukoto ngKomi mangika. Wali Kuporapika resi Komi see Komi mangalimba kasusa to daKurata si’i. Pei ne’e raluluka pamporaningKu. Biakamo pamporani ngKomi semo damawali.”

Yohanes 18:11

Pei i Yesu manganto’oka i Petrus, “Penumpu muni wadamu ri raya nu gumanya! Aku buya rayangKu damangarata kasesa to roomo Pa’angKu mampakatantuka Aku.”

Matius 20:22

Wali i Yesu manganto’o, “Korom taa mangansani ewa wimba kasulinya palaong to nuporapi ngkorom etu. Apa ri katawanya Aku maporenta, Aku damangarata ruyu kasesa, pasi kasesa to dakurata etu mapari pu’u, raporapaka ewa anu to rainu to mapa’i kojo. (Pasi tau to rani maporenta sindara-ndara pei Aku, tau etu taa maya taa mangarata seja kasesa to ratangKu etu.) Wali wimba, komi dua bara buya rayamu mangarata kasesa etu sindara-ndara pei Aku?” Wali sira dua mangansono, sira manganto’o, “Buya raya mami.”

Yohanes 5:30

“Wali Aku taa maya mangika bara kesaa ane ojo yako pamporani to si Aku. Tempo Aku mangabotus tau Aku mangika singkonong pei to nato’oka mPa’angKu Aku. Wali tempo Aku mangabotus tau etu, samparia to to’ongKu paka kono kojo pasi masipato rato’o, apa Aku taa rani mangalulu pamporani ndayangKu. Aku ojo rani mangalulu pamporani mPa’angKu to nampokau Aku etu.” Etu semo gombo i Yesu resi to Yahudi etu.

Yohanes 6:38

Apa Aku ma’i yako ndate saruga si’a damangalulu pamporani ndaya to si Aku. Pei Aku ma’i damangalulu pamporani mPa’angKu to nampokau Aku.

Yohanes 4:34

Pei batuanginya gombo i Yesu etu si’a mangkonong pangkoni to biasa, mangkonong palaongiNya semo. Ia mampakarebaka resi tau mangkonong songka i mPue Allah damampalaes sira mangampake Ia, Makole parajanji i mPue Allah. Wali tempo Ia mampakarebaka sira etu, palaong etu mawali ewa pangkoni resi Ia apa mampakaroso rayaNya. Wali Ia manganto’oka kami, “Anu to ewa pangkoni to mampakaroso rayangKu etu, etu semo mangalulu pamporani mPa’angKu to nampokau Aku, pasi mampakaroo palaong to Ia mansarumakaka resi Aku.”

Matius 26:44

Wali i Yesu yau muni wo’u makai-kai katogo ngkaninya. Pei pokai-kaiNya etu sewaju ewa pokai-kaiNya to uyunya.

Matius 6:10

Biakamo Komi mawali Makole nto lino. Pasi biakamo pamporani ngKomi semo to mawali ri lino si’i sewaju ewa to mawali ndate saruga.

Matius 11:25

Wali ri tempo etu i Yesu makai-kai resi i Pue Allah, Ia manganto’o, “O Pa’a, Pue nu yangi pasi lino, Aku mangabarong Komi apa Komi mangawunika yau anu to monso see taa nansani ntau to manga’angga kapande ngkoronya. Pei anu to monso etu Komi roomo mampaponsanika resi tau to tawa pande kojo ane ri pangkita nto lino.

Matius 11:26

Ewa see songka ngKomi, Pa’a, apa etu semo to mampakasanang rayaMu. Wali see naka Aku mangabarong Komi.”

Lukas 23:34

Wali tempo i Yesu re’e ri kaju pasape etu, Ia manganto’oka i Pue Allah, “O Pa’angKu, lapa sala ntau si’i, apa sira taa mangansani batuanginya palaong to naika nsira si’i.” Ewa wetu nato’o i Yesu. Panewa tau to mangampaku Ia etu mampobata’aka yau pakenya.

Palaong mPomakau i mPue Yesu 21:14

Wali i Paulus taa mampodongeka gombo mami manganto’oka ia ne’e yau, see naka kami mampondooka yau manganto’oka ia ewa wetu. Kami jamo manganto’o, “Biakamo pamporani i mPue semo damawali.”