Lukas 22:32 - Tuntu i mPue ri Basa Taa

³² Pei Aku roomo mampokaika korom, Simon, see korom taa dapura kojo pangayamu. Korom damangandolika tangomu yako resi Aku pei tempo korom mangandolika muni tangomu resi Aku, tempo etu pakaroso pangaya nu yunumu si’i.”

Sura Magali Nuntu Ngkatuwu

³² Paikanya Yaku roo mompekakaika siko, Simo, da naka peaya ndayamu bareʼe da bali. Pai ane mewalilimo siko ri Yaku, siko sangaya-ngaya da nupakaroso raya waʼa ngkasangkompomu.”

Lukas 22:32 Referans Kwoze

Roma 8:34

Wali i sema to damanganto’o kita masipato rahuku? Bara i Kerisitu? Si’a, apa Ia room mangkapateka kita. Pasi Ia si’a ojo mate yau, Ia seja rawangu muni yako ri kapateNya. Pasi si’i-si’i Ia re’e ri awe i mPue Allah tondo ngkana, ri tampa to bae angganya, pasi Ia mamponsaruka kita.

Ibrani 7:25

Wali see naka Ia nakurang mangampalaes samparia kita to mangampago i Pue Allah apa saba pansarumakanta resi Ia. Ia nakurang mangampalaes kita rataka ri singkasaenya apa Ia tuwu singkasaenya damamponsaruka kita ri tango i mPue Allah.

2 Petrus 3:14

Wali a’i-a’i to kuporayang, komi monso pu’u mangampeas tempo to etu. Wali ri rayanya komi mangampea, pakakoroka mangika lengko to taa mampakarikasika raya ngkomi, pasi to taa maya napakasala nsa’e.

1 Petrus 1:5

Wali apa saba pangaya ngkita, see naka kuasa i mPue Allah mangararamaka kita sampe rata temponya Ia damampalaes kita yako ri lino madosa si’i. Wali songka i mPue Allah damampalaes kita etu, songka etu darapapokitaka ane temponya mosumo danakarata i mPue. Wali masipato kita mangabarong i Pue Allah.

Lukas 8:13

Wali ane liano to kono ri tana to ri rapa mbatu, tana etu batuanginya tau to mangandonge tuntu i mPue Allah etu pasi ndende raya nsira mangantima. Pei pangaya nsira ri tuntu i mPue Allah etu ewa liano to taa maroso kalenya apa sira taa maroso pangayanya. Wali tempo sira rasoba, taa masae sira mamposaka yau pangaya nsira etu.

Palaong mPomakau i mPue Yesu 3:19

Wali a’i-a’i, pajea pasi ndolika tangomu resi i Pue Allah see Ia maya mangalapa dosa ngkomi.

1 Petrus 1:13

Wali apa saba kanoto i mPue Allah, see naka pasaka yau samparia pampobuuka to mangarotai pansarumaka ngkomi, pei ta’amaka raya ngkomi. Pasi kongko kojo pansarumakamu resi kanoto i mPue Allah to etu. Ne’e mansarumaka anu to yusa. Apa tempo i Yesu Kerisitu darapapokitaka resi to lino, tempo etu komi damanasa wo’u mangkonong kanoto i mPue Allah.

Ibrani 12:15

Pakatao see tare pasi samba’a komi to mangandolika tangonya yako kanoto i mPue Allah. Pasi ne’e mangabiaka tau mangarotai komi. Apa tau to ewa wetu raporapaka ewa kale to tuwu mawali pinumuya to mapa’i. Apa yako tau samba’a etu, taa masae boros tau rapakasusa panewa damangika dosa.

Matius 18:3

Panewa i Yesu manganto’o, “Aku manganto’oka komi, monso pu’u ane komi taa mangawali pampobuukamu pei mampolaika i Pue Allah ewa naika nu ana kodi si’i mampolaika tau tu’anya, ane ewa see komi taa damawali tau to Makolenya i Pue Allah.

1 Yohanes 2:19

Wali bali i ngKerisitu etu masuwu yako ri oyo ngkita, pei kamonsonya sira si'a samba'a pangaya pei kita. Apa ane sira monso pu'u samba'a pangaya pei kita, matantu sira taa mampiyaika kita. Pei sira re'e mampiyaika kita, wali manasa tare sira to samba'a pangaya pei kita.

Yohanes 14:19

Pei ane to lino to taa mangaya, tamo masae panewa sira tamo damangkita Aku. Pei komi to mangaya damangkita Aku. Pasi apa saba Aku datuwu muni, see naka darata temponya komi seja datuwu muni yako ri kapatemu.

Markus 14:72

Pei ojo karoonya ia manganto’o gombo etu, manu mansaka matotoro’o wo’u kadua ngkaninya. Wali ojo pangandonge i mPetrus loo nu manu etu, ia mangendo muni gombo to i Yesu roomo manganto’oka yami ia. Gombo etu semo manganto’o, “Re’e katawanya dua ngkani manu matotoro’o nene si’i, togo ngkanimo korom damamposapuka Aku.” Wali i Petrus ngasa-ngasa tumangi mangampobuuka gombo i Yesu etu.

Markus 16:7

Panewa inta pei to’oka i Petrus pasi anaguruNya to yusa Ia njo’umo mampatiruyu mangampago propinsi Galilea. Wali to’oka sira mangalulu Ia, panewa nja’u ria sira damangkita Ia ewa room yami Ia manganto’oka sira seore.”

Matius 26:75

Wali ojo pangandonge i mPetrus loo nu manu etu, ia mangendo muni gombo to i Yesu roomo manganto’oka yami ia. Gombo etu semo manganto’o, “Re’e katawanya manu matotoro’o, togo ngkanimo korom damamposapuka aku.” Wali i Petrus miyai yako ri tongonata pei ngasa-ngasa tumangi.

1 Petrus 1:1

Sura si’i yako resi aku, i Petrus. Aku samba’a pomakau i Yesu Kerisitu. Wali aku mangantulis sura si’i resi komi to napilis seja i mPue Allah. Komi mawali tau to rata nja’u lipu ntau to yusa, apa komi tiga’as pei maroo ri juku propinsi Pontus, Galatia, Kapadokia, Asia pasi Bitinia.

Roma 8:32

Apa i Pue Allah sakowa Ana to si Iaja Ia taa manganto’o, “Aku bo’ongKu mangawai.” Pei Ia mangawaika kita AnaNya etu mangkapateka kita samparia. Ia buya rayaNya mangawaika kita AnaNya, wali manasa kojo Ia buya seja rayaNya damangawaika kita samparia anu to yusa.

Titus 1:1

Sura si’i yako resi aku, i Paulus. Aku semo to papolaong i mPue Allah pasi pomakau i Yesu Kerisitu. Wali palaong to nawaika i mPue Allah aku etu semo mampakaroso pangaya ntau to napilis i mPue Allah, pasi mampotundeka tau see sira manasanya mangkonong anu to monso. Apa yako anu to monso etu see naka sira damangansani ewa wimba raika mampolengkoka lengko to singkonong pei i Pue Allah.

2 Timotius 2:18

Sira dua raporapaka ewa tau to masepi yau yako ri jaya to monso, apa sira manganto’o naliumo temponya tau rawangu muni yako ri kapatenya. Wali anu to nato’o nsira dua etu re’e mampakaja’a sangga’a pangaya ntau.