Lukas 22:18 - Tuntu i mPue ri Basa Taa

¹⁸ Apa Aku manganto’oka wo’u komi, Aku tawa damanginu wo’u muni tule anggur. Pei ri tempo to darata, tempo i Pue Allah mawali Makole ri lino, tempo etu panewa Aku damanginu wo’u.”

Sura Magali Nuntu Ngkatuwu

¹⁸ maka da ndipaincani: montepuʼu seʼi-seʼi Yaku bareʼemo da mangainu anggoro seʼi rantani rata ri tempo katongawamo poparenta i mPue Ala.”

Lukas 22:18 Referans Kwoze

Matius 26:29

Pei Aku manganto’oka yami komi, ane karoonya kita mangkoni nene si’i, Aku tawa damanginu wo’u muni tule anggur. Pei ri tempo to darata, tempo Pa’angku mawali Makole ntau samparia, tempo etu Aku damanginu wo’u sindara-ndara pei komi tule anggur to bou.”

Lukas 22:16

Apa Aku manganto’oka yami komi, ane karoonya kita mangkoni nene si’i, Aku tawa damangkoni wo’u muni ri Roa Paskah. Pei ri tempo to darata, tempo i Pue Allah mawali Makole ri lino, tempo etu semo Aku damangkoni wo’u. Apa tempo etu Aku roomo mangika palaong to mampakanasa batuanginya Roa Paskah si’i.”

Markus 14:25

Pei Aku manganto’oka yami komi, monso pu’u ane karoonya kita mangkoni nene si’i, Aku tawa damanginu wo’u muni tule anggur. Pei ri tempo to darata, tempo i Pue Allah mawali Makole ntau samparia, tempo etu Aku damanginu wo’u tule anggur to bou.”

Kolose 1:13

Apa Ia roomo mampalaes kita yako ri kuasa ngkawuri pasi mangkeni kita ri ara ngkuasa nu AnaNya to naporayang kojo. Wali AnaNya semo mawali Makole ngkita.

Lukas 21:31

Pasi ewa see seja palaong to Aku roomo mampakanasaka komi mangkonong anu to mawali ndate yangi. Palaong etu seja damawali tondong resi komi apa ane komi mangangkita samparia palaong to kuto’oka komi etu damawalimo, wali komi mangansani daratamo temponya i Pue Allah mawali Makole ri lino.

Lukas 9:27

Wali Aku manganto’oka komi, monso pu’u re’e tau ri oyo ngkomi to damangkita i Pue Allah mawali Makole ri lino si’i ri katawanya sira mate yau.”

Markus 15:23

Wali rata nja’u ria sira rani mampapoinuka i Yesu tule anggur to ragaloka anu to mapa’i to rato’oka mur, pei Ia bo’oNya manginu.

Markus 14:23

Yako etu Ia mangoko wo’u anu to nainu nsira pei manganto’oka seja i Pue Allah, “Tarima matao.” Panewa Ia mangawaika resi anaguruNya, wali sira samparia manginu.

Markus 9:1

Wali yako etu i Yesu manganto’oka wo’u anaguruNya pasi tau boros, to’oNya, “Aku manganto’oka komi, monso pu’u re’e tau to ri oyo ngkomi to ri katawanya sira mate yau sira damangkita i Pue Allah to bae kojo kuasaNya mawali Makole ri lino si’i.”

Matius 16:18

Wali Aku manganto’oka korom ewa si’i. Sangamu i Petrus, batuanginya watu kodi. Pei Aku, to nuto’o ngkorom i Kerisitu, Aku raporapaka ewa watu to bae kojo. Wali ane watu to bae kojo, watu etu maya napake ntau mangika pondasi banua see banua etu damaroso. Wali ewa see seja Aku semo to damawali ewa pondasi to mampakaroso tau to mangaya Aku, tau to raporapaka ewa banuangKu. Wali samparia tau to mangaya Aku sewaju ewa korom mangaya Aku, tau etu damaroso kojo. Sira ewa banua to maroso kojo to tare to maya mampakaja’aka yau. Wali pasiwa kuasa ngkapate taa seja maya manganangi sira.